الموضوع: عيب فى شفر اوبترا لمبه الهولد تنور وتطفي

لسلام عليكم، عندي مشكله في الاوبترا واتمني ألمساعده من الأعضاء الكرام اصحاب الخبره:
العربيه: اوبترا اوتوماتك موديل ٢٠٠٦، العداد قرب ال ١٥٠ الف، المشكله بدأت لما رحت محطه بنزين غسلت العربيه، الراجل هناك غسل الموتور بالميه بدون ما يحط عازل ولا حاجه، ولفتت انتباهه، قالي مفيش مشكله، باعمل كده كل يوم، المهم بعد ما خلص غسيل، لمبه تشك انجن نورت، قولت له، قالي شويه وهتطفي، المهم تاني يوم الصبح طفت، وسبت الموضوع، بعدها بكام شهر اللمبه نورت وطفت كذا مره، اخر مره نورت معاها لمبه (هولد) في التابلوه، فاخدتها لكهربائي عنده سكانر، فحصها وقالي العيب في حساس ألهوا، غيره واللمبه طفت، بعد يومين كنت ماشي علي سرعه ١٠٠ تقريبا ولمبه هولد وتشك نورت تاني، والعربية سحبها ضعف جدا، رحت للكهربائي تاني وفحصها، وما لقاش اي خطا متسجل، المهم قريت هنا حد عنده مشكله في لمبه الهولد وقال اتحلت لما غير زيت الفتيس، فرحت غيرت زيت الفتيس واللمبه طفت، لكن تاني يوم رجعت تنور تاني (التشك والهولد) والمعدل زاد خالص، الافاده من فضلكم للي حصل معاه نفس المشكله

المشاركة الأصلية كتبت بواسطة hema_lancer

انا كنت لما اغسل الموتور تنور
افك الفيشة بتاعت الحساس وانضفها وبعد يومين تلاته تطفي لوحدها

الماده الي بتشيل الدهون والوسخ من علي الفيش لانه كتير متسخ عندي اسم الاسبري ايه