الموضوع: فيه حد اقدر اديلة الفتيس الجاز واخد بدالة فتيس سيتى 2006

السلام عليكم ورحمة الله

انا معايا هوندا سيتى 2006 وبصراحة لفيت علي ناس كتير من بتوع الهوندا وملاقيتش حد محترم وفاهم في السيارة زى المهندس رشيد اللي خلف حمايات امبابة , الراجل كان مدير صيانه هوندا لفترة كبيرة ومحترم جدااااااااااااا جدا وامين في شغلة , يمكن مصناعيتة غالية شوية صغيرين بس مش مهم في مقابل انك تلاقي حد فاهم صح ومش بيشتغلك , كمان قطع الغيار عنده غالية شوية بس انا بجيب قطع الغيار من برة

المهم المشكلة انى حصل عندى مشكلة في الفتيس وهوا نصحنى انى اغيرة لانه كده فيه مشكلة كبيرة وبعت معايا صنايعى من عنده لواحد بتاع استيراد في الوكالة اسمه الحاج صلاح عبد الهادي وهو راجل محترم بصراحة , المهم كان عنده موتور كامل بالفتيس وعرض عليا انى اخد الموتور بالفتيس وانا قلت عايز الفتيس بس
المهم الموتور كان شكل العلبة بتاعة فلتر الهواء مختلف عن شكل اللي في موتور عربيتى , والراجل اقنعنى ان ده شكل مختلف لكن الفتيس والموتور واحد وهايركب عادي , وفعلا الفتيس ركب تمام

اخدت الفتيس وركبته وكان فيه شوية تظبيطات المهم علشان مطولش عليكم الفتيس اللي اخدتة فيه مشكلة وفية مشكلة في النقلات , رحت للمهندس رشيد وكان جاب جهاز كشف اعطال حديث من اليابان وانتظرت لغاية ما اشتغل والمفاجأة ان الفتيس اللي ركب طلع بتاع سيارة هوندا جاز مش سيتى , وطبعا ده عامل مشكلة عندى لان الكومبيوتر بتاع العربية بعطى امر مختلف عن الاوامر المسجلة علي فتيس الجاز

محتاج نصيحة منكم لو فيه حد اقدر اديلة الفتيس الجاز واخد بدالة فتيس سيتى 2006 لان الفتيس ممتاز بس مش ظابط علي عربيتى

ارجوكم لو حد يعرف حد يساعدنى وادفع فرق بين الفتيس اللي معايا واخد فتيس سيتى 2006
01006493171 ده رقمى لو حد يحب يتواصل معايا على الواتس اب

وشكرا ليكم جميعا





تم تعديل العنوان ليتناسب مع المحتوى
م.ع 7

المشاركة الأصلية كتبت بواسطة s2k

على سبيل التجربه مش اكتر جرب تركب كونترول الفتيس القديم على الفتيس الجديد
حسب معلوماتى الفتيس الاوتو اللى فى b16 و b18b و b18c واحد و اللى بيختلف الكونترول فقط يعنى ممكن تركيبه على اى منهم بعد استخدام الكونترول المناسب

معلش نسيت اوضح انا فاهم ان موتورك l مش b بس المفروض ان كل عائلة محركات من هوندا حاجتها بتركب على بعض علشان كده لو غلبت خالص و مش لاقى فتيس سيتى جرب الكونترول القديم على الفتيس الجديد احتمال كبير انه يشتغل و يظبط الاداء