استفسار بخصوص فتيس الاتومتيك بي واي دي f3
عندي مشكلة في الفتيس انه اوقات بيتاخر في النقل
يعني
Rpm كان بينقل علي ٢ونص او ٣ بالكتير
الوقتي بقي ساعات النقلة بتتاخر لي ٤ونص
بعض الناس نصحوني بتغيير الزيت للفتيس
ومش عارف اغيره شفط من مكان المقاس ولا من تحت زي زيت المكنة
مع العلم ان العربية موديل ٢٠١٣
وماشية ٦٢ الف كيلو
جبت المانوال بتاع العربيه
وعرفت انه بيتغير كل 40 الف كيلو
لكن معرفتش اوصل بيتغير نوعه ايه وحرارته من كام لي كام
وكمان الاهم مقدرتش اوصل بيتغير كام ليتر بالظبط
يريت اصحاب الخبرة يفيدوني
متشكر ليك جدا علي اهتمامك بالموضوع
اقتباس:
المشاركة الأصلية كتبت بواسطة borio1704
الخبرة مش بتنفع في الحاجات دي...
اللي ينفعك هو كتالوج عربيتك... رجاء نزله من الرابط اللي حطيتهولك..
ومكتوب فيه إن عربيتك عايزة زيت atf sp-iii (مكتوبة في صفحة 227)
زيت الفتيس مالوش درجة حرارة... كل المسألة هي إن درجة حرارة التشغيل بتاعته هي ما بين 70 و 80 درجة مئوية... فقط لا غير... (مكتوبة في صفحة 202 و 203)
الكمية اللي الكتالوج طالبها هي 6.5 لتر (مكتوبة في صفحة 227)
معلش.. لمصلحتك رجاء راجع كتالوج عربيتك.
ولا حاجة من دول تنفع معاك...
وبالذات الموبيل الـ220 والـ320... رجاء متهوبهمش ناحية الفتيس بتاع عربيتك... هتلاقي الفتيس بينتش والسحب بطيء وممكن تدخل في مشاكل أكبر تضيعلك الفتيس خالص.
روح أي حد بيبيع قطع غيار ميتسوبيشي.. هتلاقي الزيت عنده..
سعر جركن الـ5 لتر ممكن يكون وصل 450 جنيه دلوقتي..
وراجع الموضوع اللي في الرابط... بيشرح طريقة التغيير بالتفصيل.
...
شكرا جزيلا لي اهتمامك بالموضوع
جزاك الله كل خير علي النصيحة
هدور تاني علي الزيت ATF SP III lمتسوبيشي
ولكن في ردك الجركن 5 كيلو والكتالوج كاتب 6ونص
هلاقي منه كيلوات ولا اعمل ازاي