الموضوع: استفسار بخصوص فتيس الاتومتيك بي واي دي f3

تغيير زيت الفتيس مش بيتغير من طبة زي زيت الموتور...

غالبا بتحتاج تفك الكارتيرة السفلية ... ويفضل تعمل الكلام ده في التوكيل أو في مركز معتمد.. أو على الأقل خالص عند واحد بيفهم فعلا في الفتيس الأوتوماتيك.

الأهم من ده.. لازم تعرف إيه نوع الزيت المطلوب بالضبط علشان ما تحطش زيت غلط وتلاقي المواضيع باظت أكتر.. المعلومة دي هتلاقيها في دليل المالك اللي جاي مع العربية.. غالبا في آخر قسم فيه (المواصفات).

وكمان لازم تعرف الزيت بيتغير كل قد إيه.. ودي هتلاقيها بردو في دليل المالك اللي جاي مع العربية (في قسم الصيانة).

غالبا هتلاقيه بيتغير كل 40 ألف... أو حسب ما يقوللك... الكتالوج دايما هو الصح.


...

المشاركة الأصلية كتبت بواسطة asfejo

شكرا جدا ولكن الاقي فين نوع الزيت الكويس
وكمان لو انا معنديش اللي يغير زيت الفتيس ينفع شفط من المقاس ولا لا
مع العلم اني مش لاقي دليل الصيانة

طيب...

بالنسبة للكتالوج.. تقدر تنزله من هنا.. http://www.bydauto.gt/pdf/BYD%20F3%2...0110326-EN.pdf

في صفحة 227 .. مكتوب إن الزيت المطلوب ATF SPIII (بينطقوها SP3)...

جدول الصيانة موجود من صفحة 184 لحد صفحة 186...

ومكتوب في صفحة 185 إن الزيت بيتغير في ظروف التشغيل الشاقة كل 40 ألف كيلومتر.


زيت ATF SP3 هتلاقيه موجود عند ميتسوبيشي وهيونداي



ممكن تلاقيه بردو عند زيوت مانول



أهم حاجة .. لازم تشوف العلبة بتاعت الزيت مكتوب عليها ATF SPIII بخط واضح...

ما تشتريش أي زيت مش مكتوب عليه SPIII.. مهما قالولك عليه شعر وعملوله أغاني.

بالنسبة لخطوات التغيير... ادخل على الموضوع ده... غالبا هتكون نفس الخطوات..

http://www.nilemotors.net/Nile/47568...011-6-8-a.html


...

المشاركة الأصلية كتبت بواسطة asfejo

وعرفت انه بيتغير كل 40 الف كيلو
لكن معرفتش اوصل بيتغير نوعه ايه وحرارته من كام لي كام
وكمان الاهم مقدرتش اوصل بيتغير كام ليتر بالظبط
يريت اصحاب الخبرة يفيدوني

الخبرة مش بتنفع في الحاجات دي...

اللي ينفعك هو كتالوج عربيتك... رجاء نزله من الرابط اللي حطيتهولك..

ومكتوب فيه إن عربيتك عايزة زيت atf sp-iii (مكتوبة في صفحة 227)

زيت الفتيس مالوش درجة حرارة... كل المسألة هي إن درجة حرارة التشغيل بتاعته هي ما بين 70 و 80 درجة مئوية... فقط لا غير... (مكتوبة في صفحة 202 و 203)

الكمية اللي الكتالوج طالبها هي 6.5 لتر (مكتوبة في صفحة 227)

معلش.. لمصلحتك رجاء راجع كتالوج عربيتك.

المشاركة الأصلية كتبت بواسطة asfejo

ملقتش غير زيت تيويتا ٤ ليتر ب ٥٥٠ج
والموبيل ٣٢٠ ب٧٠ ج
والموبيل ٢٢٠ ب٤٧

ولا حاجة من دول تنفع معاك...

وبالذات الموبيل الـ220 والـ320... رجاء متهوبهمش ناحية الفتيس بتاع عربيتك... هتلاقي الفتيس بينتش والسحب بطيء وممكن تدخل في مشاكل أكبر تضيعلك الفتيس خالص.


روح أي حد بيبيع قطع غيار ميتسوبيشي.. هتلاقي الزيت عنده..

سعر جركن الـ5 لتر ممكن يكون وصل 450 جنيه دلوقتي..

وراجع الموضوع اللي في الرابط... بيشرح طريقة التغيير بالتفصيل.


...