مساعده في شراء بطارية لعربيه لانسر بومه

**tito_66** · 09-11-2016 05:10 PM

لو سمحتم يا شباب انا اول مره اغير بطاريه لعربيتي لانسر بومه موديل ٢٠١٣ اتوماتيك ١٦٠٠ سي سي بس البطاريه الموجوده في العربيه مش مكتوب عليها اي بيانات فممكن اعرف المفروض اشتري بطاريه جافه كام امبير بالضبط للعربيه دي و هل ممكن اني اشتري بطاريه جافه و اخزنها لفتره بدون ما اركبها في العربيه يعني اخليها تبقي عندي احتياطي لغاية ما البطاريه اللي عندي تبوظ و لا ما ينفعش اني اخزن بطاريه جافه ؟

و شكرا للمساعده مقدما و اسف للاطاله.

**tito_66** · 10-11-2016 05:02 AM

مفيش حد عارف يا شباب ؟!!

**akmm** · 10-11-2016 02:24 PM

تحياتى لحضرتك ................ كان ممكن تحط السؤال ده في قسم لانسر علشان تعرف القدره المضبوطه للبطاريه الجديده اللى هتشتريها ولكن ممكن محل البطاريات ويكون محل محترم ومعروف هيقول لك المطلوب اد ايه امبير واظن انه هيكون 55 امبير والبطاريه الجافه افضل من السائله وليه تخلى القديمه القديمه لها سعر يتم خصمه من ثمن الجديده لايقل عن 60 جنيه ولكن لو حبيت تخزن الجديده هيتحسب الضمان من وقت الشراء ده لو وافق البايع لانه بيدى الضمان بعد التركيب ويكتب رقم السياره ورقم البطاريه على الضما ن.... من الأنواع الجافه المحترمه اسى دلكو او بوش .... تحياتى .

**tito_66** · 10-11-2016 11:59 PM

شكرا اخي المحترم علي مساعدتك و لكن لو سمحت هل تعرف مكان في مدينة نصر يكون بيبيع بطاريات بوش ؟

**akmm** · 11-11-2016 11:01 AM

مدينه نصر لأ ............ ولكن ممكن في وسط البلد بالدقى عند أولاد بيومى محل الايمان شارع التحرير بجوار مطعم جاد وعنده فارتا سيلفر كويسه جدا ووكن تلاقى في محلات كتير في مدينه نصر ممكن تاخد لفه وتختار افضل سعر ..... تحياتى .