الموضوع: شكر لتوكيل القطامية - مشكلة شكمان

في مصر نادرًا ما تلاقي حقك يجيلك بدون مجهود في انك تثبته
لذلك فالشكر واجب
كان عندي مشكلة في الشكمان في علبة من العلب
توجهت لتوكيل القطامية النهاردة
الحمد لله العيب اتحل وتم تغيير العلبة على حساب الضمان (ثمنها حوالي ١٢٠٠ جنيه غير المصنعيات)
.
اقدر أقول اني بعد حوالي ٢٩ شهر مع الضمان ان الالتزام بالصيانات الدورية صفقة رابحة لصاحب السيارة
.
انا بشكر فريق الصيانة في القطامية

كلامي ازاي مش صحيح ؟
انا مغير تلاجة تكييف - شحنته ٣ مرات - علبة شكمان - وحدة فتيس خلال سنتين ونص على الضمان
.
مشكلة الفتيس انا في الاول بيتوا العربية يومين ومحلوهاش لان في قطعة غيار ناقصة
وكلموني بعدها بأسبوعين لما جت وما دفعتش حاجه
.
نصيحة
جرب تروح تتكلم مع المهندس محمود مدير خدمة العملاء بهدوء وباذن الله ح يساعدك
او اطلع لمدير المحطة الاستاذ محمد مسلم بس بدون انفعال وبالمنطق لو لك حق باذن الله تاخده
.
انا تجربتي مع الصيانه في مجملها جيدة جدًا
في اخطاء وعطلة بتحصل لكن في المجمل بيدوني حقي
.
وربنا يعينك
تحياتي