الموضوع: افضل نوع كاوتش لسيراتو ٢٠١٤ جنط ١٧

المشاركة الأصلية كتبت بواسطة shifoo68

شكرا لرد حضرتك بس المقاس دة مايحكش فى الرفارف مع الحمولة والشنطة والباور حيبقى زى ماهو ولا يتقل شوية

الاحتكاك بالرفرف بيبقى إما نتيجة إن القطر كبير قوي .. فالكاوتش يحك في الرفرق من فوق..

أو إن العرض يكون كبير قوي.. فالكاوتش ممكن يحك في المساعد أو يبقى طالع بره العربية ويحك في الرفرف من بره.


بالنسبة للعرض.. ماتقلقش... فرق العرض مش كبير قوي.. لإن المقاس كده زاد 10 مم.. 5مم من كل جنب.

ممكن ده يأثر شوية على الباور... بس اللي أعرفه إن السيراتو في مقاسات الـ17 بيبقى نازل عليها أوبشن إنك تغير تقل الدركسيون حسب رغبتك..

ما أتوقعش تحس بالفرق أصلا..


بس الأهم هنا هو القطر الخارجي للفردة.. علشان ده بيأثر في سحب العربية واستهلاك البنزين وقراية العداد..


أنا اعتبرت إن المقاس الأصلي هو بتاع جنط الـ15 وجنط الـ16.. لإن القطر بتاعهم زي بعض بالضبط...


دي شوية صور لبرنامج منزله على الموبايل عندي بيقارن مقاسات الكاوتش


دي مقارنة بين مقاس الـ15 (195/65R15) والـ16 (205/55R16)



ودي مقارنة بين مقاس الـ16 والمقاس الأصلي بتاع الـ17 (215/45R17)


هنا بيقوللك إن العربية بالمقاس ده أوطى بـ3.3 مم.. وده ممكن يخلي العربية تحك في المطبات.

ودي مقارنة بين مقاس الـ16 والمقاس اللي المفروض يركب في الـ17 (225/45R17)


نفس قطر المقاس الأصلي بتاع الـ15 والـ16


ركب الـ225/45R17 وما تقلقش.


...