الموضوع: التقييم الصحيح للاطار

الإطارات فيها عوامل كتير بتفرق في تقييم الإطار نفسه..

وكل شركة بتعمل إطارات مختلفى وبمواصفات مختلفة علشان تناسب العربيات المختلفة والأسواق المختلفة وكمان الميزانيات المختلفة..

فقبل ما تقارن .. لازم تعرف الأول إيه الاختلافات اللي ممكن تبقى موجودة بين الإطارات وبعضها.. حتى جوه نفس الماركة..

وكمان لازم تعرف انت عايز إيه من الإطار أصلا..


الإطار مش مجرد مقاس وخلاص...

المتغيرات اللي داخلة في نوع الكاوتش المستخدم في التصنيع بتخلي عندك اختلافات من ناحية تحمل الكاوتش للحرارة.. وتحمل الكاوتش للتآكل.. وكمان تحمله للسرعات.. وتحمله للأوزان

وبالنسبة لشكله.. فاختلاف المقاس وبالذات البروفايل بتاعه بيفرق في توازن العربية

شكل النقشة بيتعمل حسب الاستخدام اللي انت عايزه من العربية..

فيه نقشات مهمتها الأولى طرد المية من تحت الكاوتش.. .. ونقشات مخصوصة بتساعد على الثبات في المنعطفات.. وكاوتش تاني مهمته إنه يمشي على الأسفلت من غير صوت.. وكاوتش تالت مهمته إنه يمشي في الأدغال والصحرا

الأول حدد انت عايز إيه من الكاوتش.. واعرف أقصى سرعة للعربية علشان ده بيفرق في نوع الكاوتش وسعره..

ادخل على الموضوع ده.. فيه كلام مفيد قوي..

http://www.nilemotors.net/Nile/314227-a.html


...