علبة الدريكسيون فى الاوبترا 2009

**Nike2212** · 03-12-2008 07:23 PM

يا جماعة انا عايز اعرف مشكلة علبة الديركسيون دى ايه ؟؟؟ انا قرأت لناس كتير هنا عامليين يقولوا و يكتبوا علبة الديركسيون ,, علبة الديركسيون ,هل فى مشكلة فى علبة الديركسيون و لو فى ايه هيا المشكلة عشان انا لسا جايب اوبترا من شهريين كدا و عايز اخود بالى هل فى حاجة عندى ولا لآ ؟؟ و هل المشكلة دى فى موديلات معينة ولا شاملة كلة ؟؟؟

**Hosam_Optrawy** · 03-12-2008 11:43 PM

والله انا كمان بسمع زيك ومش عارف هو عباره عن ايه
العربيه معايا بقالها 5 شهور ومش ملاحظ حاجه فيها
بس بعد التدقيق الشديد
لاحظت ان الصبح وانا بسخن لو لفيت الدركسيون للاخر او لفيته بسرعه اسمع صوت تزييق خفيف
بس بعد ما العربيه بتسخن يعنى بعد 5 دقايق كدا مفيش اى صوت
وبعدين مش دايما بيحصل الموضوع ده
يعنى احيانا مش كل يوم

**osman hisham** · 04-12-2008 09:05 AM

الصوت فى الأول بيبان و انت واقف على السلانسيه أو على ال N لو أتوماتيك و فى مكان هادىء و طافى الكاسيت حتسمع صوت تزييق من الدركسيون كأنه عايز يتزيت .
الصوت كأنه طالع من الطاره بس هوه من العلبه و طبعا حيزيد مع الوقت و اللى مش حتاخد بالك منه أن البور بيتقل بس علشان أنت حتتعود على العربيه مش حتحس بيه غير لما تركب عربيه تانيه .

**shady_elkady** · 04-12-2008 09:45 AM

صوت تزيق بسط مش هتسمعة غير فى السكون و طبعا من غير م تلف الدركسيون على الاخر

**raed badr El Kelany** · 04-12-2008 04:16 PM

االسلام عليكم
ااانا معايا اوبترا 2006 وكان فيها العيب ده بس ظهر بعد حوالى 16000 كم - وبلغت التوكيل فى الهرم وتم عمل التعديل بعلبة جديدة 2008

واختف الصوت تماما لمدة 15000 كم تقريبا ومنذ شهر تقريبا بدات اسمع الصوت تانى بمعنى انه تقريبا عيب اساسى فى السيارة الاوبترا ليس له حل فى الوقت الحالى حتى لو تم تعديل العلبة وتغييرها ب 2008

**Nike2212** · 04-12-2008 05:49 PM

طب معلش الصوت داه ايه مشكلتة ؟؟؟ هل بيبوظ حاجة او هاينتج من عليه حاجة او مشكلة ؟؟؟ ولا هوا بس المشكلة الى الناس بتكلم عانها على موضوع علبة الديركسيون انوا بيزيق

**osman hisham** · 05-12-2008 12:28 AM

الأستاذ رائد عنده حق , و العيب ده فى علبة الدركسبون محدش عارف أثاره فى المستقبل بس المؤكد الصوت ده حيعلى لو مغيرتهاش و كمان زى ما قولت الدركسيون بيتقل وأنت مش حاسس لأنك سايقها على طول و أيدك بتتعود عليها .

**osman hisham** · 05-12-2008 12:32 AM

وأنصحك يا رائد تلحق تغير العلبه قبل ما يفوت الضمان لأن تمنها 4000 بالتركيب ,أنا غيرتها 3 مرات فى سنتان و نصف و كنت عامل 30000 كم بس و الحمد لله بعتها.

**raed badr El Kelany** · 23-12-2008 04:44 PM

شكرا لنصحيتك يااستاذ / عثمان - انا باحاول الان الاتصال بالتوكيل لاخذ ميعاد لحل المشكلة .

-

الموضوع: علبة الدريكسيون فى الاوبترا 2009

LinkBack

أدوات الموضوع

عرض

علبة الدريكسيون فى الاوبترا 2009 - انشر الموضوع فى :

-

-

-

المواضيع المتشابهه

علبة الدريكسيون للجين نفس علبة الويرا

علبة الدريكسيون

علبة الدريكسيون

علبة الدريكسيون

علبة زيت علبة الدريكسيون للبيتل

الكلمات الدلالية لهذا الموضوع

المفضلات

المفضلات

ضوابط المشاركة