الموضوع: ارجو نصيحتكم في صيانة ال 60000

السلام عليكم يا أهل الخير

انا معايا عربية لوجان اوتو 2014 الشكل القديم وقفلت ال 3 سنوات على 54000 كيلو
غيرت زيت وفلتر زيت من شهرين وحيت زيت كاسترول ايدج
سألت عن صيانة ال60000 وجدت التالي:
- في التوكيل من 3500 او 3800 جنيه على حسب سير الكاتينة وموديل العربية (السعر شامل الضريبة والمصنعية)
- عند برازيلي 2800 جنيه (من غير تغيير زيت الموتور او فلتر الزيت - وسير الكاتينة من التوكيل)

وكمان عندي شوية حاجات فرعية: تنظيف البوابة - تغيير تيل أمامي

سؤالي لحضراتكم: على الاسعار دي يستحسن اعمل الصيانة فين: التوكيل - برازيلي - اى ميكانيكي او مركز رينو؟ وهل ينفع الصيانة دي تتأجل كام شهر؟ وزيت الفتيس بيتغير امتى؟

والله المستعان

المشاركة الأصلية كتبت بواسطة adel_edrees

أولا أزيك يا أستاذ محمد
طبعا التوكيل
و ممكن تأخرها شهر شهرين على الأكثر

ازيك يا استاذ عادل ليك وحشة والله - شكرا لردك يا كبير ربنا يباركلك
انا نويت على التوكيل فعلاً باذن الله وحجزت السبت القادم احتياطي
بس لسه باشاور نفسي اروح ولا أأجلها - لانى خايف ان تمن الصيانة تغلي عن كده كمان
الله المستعان