افضل زيت لـ Nissan Sunny 1991 EX

**Mkomaja** · 17-11-2016 05:01 PM

الـسلام عليكم ورحمة الله وبركاته

رجاء من أهل الخبرة ،
- ما هو أفضل زيت للسيارة Nissan Sunny 1999 EX ذات محرك 1300cc.
- وما هو أفضل مكان لشراءه.
- وما هو أفضل مكان لتغييرالزيت فيه.

جزاكم اللهٌ خيراً.

**borio1704** · 19-11-2016 02:54 PM

أفضل زيت اللي مواصفاته مكتوبة في الكتالوج...

دي صفحة توصيات الزيت من كتالوج الصني N16... هي هي نفس التوصيات من الجيل اللي قبلها لإنها نفس المواتير.

توصيات الزيت بتاعت العربية تعتبر متواضعة .. لإن العربية مقصود إنها تبقى اقتصادية في التشغيل.. والموتور اللي فيها يعتبر قديم..

ملخص التوصيات كالتالي:

اللزوجة:
20W-50 أو 20W-40 أو 20W-20
15W-50 أو 15W-40
10W-50 أو 10W-40 أو 10W-30
ممكن تحط 5W-30 في حالة إنه زيت تخليقي فقط.. غير كده ما ينفعش.

مستوى الأداء:
- API SE على الأقل ... يعني يمشي معاك أي زيت مكتوب عليه SE أو SF أو SG أو SH أو SJ أو SL أو SM أو SN
- ILSAC GF-1 على الأقل... ودي تكافئ مستوى SG .. بس بتديك حماية أكتر شوية في الظروف الشاقة.
بردو تقدر تحط أي زيت مكتوب عليه GF-2 أو GF-3 أو GF-4 أو GF-5... بس دول مس موجودين إلا في اللزوجات الخفيفة بس (10W-30 أو أقل).

المهم..

حسب التوصيات دي.. تقدر تحط أي زيت معدني في السوق باللزوجات اللي فوق دي.. وهيكون ممتاز معاك..

ولو حبيت تحط تخليقي.. تقدر تحط أي زيت 5W-30 ... بس أنا ما أفضلش.. لإنه غالبا هينقص.. خصوصا لو كانت الموتور بنفس جواناته الأصلية من سنة 1999.

يا ريت تقولنا إيه أولوياتك بالنسبة للعربية والناحية الاقتصادية وأسلوب سواقتك.. وإن شاء نساعدك باللي يناسبك..

أو ادخل على الموضوع ده..

http://www.nilemotors.net/Nile/481878-a.html

...

**Mkomaja** · 21-11-2016 09:00 AM

شكراً جزيلاً لحضرتك على الأستفاضة والتوضيح ، جزاك اللهُ خيراً وأعانك على نشر العلم.

**borio1704** · 21-11-2016 09:31 AM

المشاركة الأصلية كتبت بواسطة akmm

حضرتك انسان خلوق ومساعد للجميع وبالتفصيل لاى سؤال عن الزيوت .................. تحياتى .

المشاركة الأصلية كتبت بواسطة mkomaja

شكراً جزيلاً لحضرتك على الأستفاضة والتوضيح ، جزاك اللهُ خيراً وأعانك على نشر العلم.

أشكركم على شعوركم النبيل.. وأرجو إن ردودي تكون مفيدة للناس فعلا ومش مملة :)

ولا تنسونا من دعائكم بظهر الغيب.

...

**borio1704** · 21-11-2016 10:28 AM

المشاركة الأصلية كتبت بواسطة Mkomaja

شكراً جدا على أهتمام حضرتك والشرح المفصل ، أما بالنسبة لأولوياتى من ناحية العربية أنها تكون زى ما الكتالوج قال ، ومن الناحية الأقتصادية فمفيش مشكلة إن شاء الله ، أما عن السواقة فبتكون فى أغلب ألأحيان مسافات طويلة مع الأسرة اربع افراد غيرى ، وسرعات عاليه مع مشاوير وسط الزحمة كتير، وطبيعة سواقتى سريعه من غير مخاطرة ومن غير حرق فى السرعات.

حسب طريقة السواقة دي.. فأعتقد إن لزوجة 10W-40 هتكون مناسبة جدا..

اللزوجة دي في أغلب الأحوال هتكون زيوت نصف تخليقية.. ما عدا بعض الاستثناءات..

تقدر تحط واحد من الزيوت دي:

كاسترول ماجناتك بلزوجة 10W-40

آمسويل XL بلزوجة 10W-40 (تخليقي بالكامل)
يقعد في الموتور لحد 16 ألف كيلومتر أو 6 شهور (حسب ماهو مكتوب على علبة الزيت بتاعتهم)

شل هيليكس XH7 بلزوجة 10W-40

مانول ديفيندر بلزوجة 10W-40

مانول كلاسيك بلزوجة 10W-40 (معدني)

فالفولين إنجن آرمر بلزوجة 10W-40

يمكن المتاح منهم بسهولة هو الكاسترول ماجناتك.. علشان كده كتبته أول واحد..

ولو بتفضل الزيوت المتاحة بسهولة... فالأفضل تروح على الزيوت المعدنية العادية في محطات البنزين... بغض النظر عن اللزوجة.

...