الموضوع: اوبل استرا توب لاين ٢٠١٧ الشكل الحالى

متابع مع حضرتك ................

المشاركة الأصلية كتبت بواسطة shifoo68

يا ترى اخبار الاسترا سيدان اعلى فئة من ناحية قطع الغيار ووالوكيل وصيانتها خصوصا لانى بفكر اطلع من الكورى والسيراتو تحديدا اعلى فئة برضه ياريت حد يقولى بامانة وصراحة مميزات وعيوب الاسترا وخصوصا موضوع البنزين وكل حاجة تانية هل تستهال التغيير من السيراتو ولا حادبس واخبار اعادة البيع اية وشكرا لردكم

انا مقتنع بالعربية.
البنزين من محطات مضمونة وجديدة لا يسبب اى مشاكل.
المميزات ثبات وشكل خارجى وداخلى وتجهيزات أمان وكماليات كويسة جدا
تيل الفرامل الامامى غالي وعمره قصير نسبيا.

انا شارى العربيه موديل 2017 توب لاين وانطباعى عنها كالتالى

1- العربيه ركوبه حلوه وممتعه بالنسبه للكورى واليابانى

2- العربيه ثابته ما شاء الله على الطريق وفى الملفات ثبات حلو جدا

3- الانتريور والشكل الخارجى للعربيه حلو ويشد العين

4- قطع غيار العربيه غاليه جدا بزياده بطريقه مبالغ فيها بصراحه كمثال للتوضيح مثلا سعر الفانون الزيتون الواحد 17500 جنيه وتيل الفرامل الاصلى ب 1800 بيتغير كل مده صغيره

5- سحب العربيه اقل من الكورى واليابانى بالذات فى الطلعه الاوولى فبلاش تقارن بينهم لكن بع النقله الثلثه السحب حلو والعربيه بتجرى

6- صوت الماتور حتسمعه جوا العربيه بالذات فى النقلات الاولى

الملخص العربيه ممتعه فى سواقتها وشكلها وقعدتها حلوه ونظم امان عاليه فى المقابل قطع غيار ناار وبعضها غير معمر

اعاده البيع انا شايف انها مقبوله او اكثر من مقبوله نظرا لان العربيه ابتدى ناس كتير تشتريها وتطلبها لكن مش زى السيراتو اكيد

وجهه نظرى لو عاوز العربيه دى للمشاوير الكتير والمرمطه بلاش منها علشان حتكلفك كتير

لو العربيه راكنها تحت البيت واستخدامك قليل او معقول وعاوز عربيه تدلع بيها وتحس بالرفاهيه فهيا مناسبه جدا



اعمل استخاره اولا واخيرا

المشاركة الأصلية كتبت بواسطة colin chapman

والمساعدين والفتيس كمان عمرهم قليل نسبيا !!!


والشكل الجديد خلاص متوفر !!

مافيش مشاكل من المساعدين والفتيس، إيه مصدر كلام حضرتك؟
الشكل الجديد مانزلش منه سيدان فى أى حتة، يبقى لسة قدامه شوية كويسين عقبال ما ينزل مصر.