مميزات و عيوب اللانسر بومة 1600

**waleedseng** · 04-12-2008 12:28 AM

أنا ناوي على Lancer 1600 بس عايز أعرف المميزات و العيوب بكل أمانة من الناس إللي معاها العربية.
و يا ريت لو نتعرض للنقط التالية علشان شفت ناس هنا في المنتدى بتتكلم عليها:

1- الفرامل الناس بتقول عليها سيئة هل دا صحيح
2- التسارع من الـ 0 (الناس بتقول العربية بتكون تقيلة شوية)
3- ثبات العربية

**waleedseng** · 04-12-2008 04:40 PM

why no one is answering my request ?

**civilpharaoh** · 04-12-2008 06:30 PM

بص يا باشا انا حرد علي الاسئلة بناء عن طريقة سواقتي(هادية ومبحبش الشد والغرز)يعني مبزودتش عن 120
انا شايف الفرامل حلوة و مسعفة كمان بناء عن تجربة. بالنسبة للتسارع محسبتوش بصراحة بس انا مرة كنت ماشي علي الD وقلت اجرب ال Ds لقيت العربية كأن ركبها عفريت وبقت عايزة تطير فرجعت لصوابي علطول وجبت الD تاني. بالنسبة للثبات فهو جيد جدا في ال1600 علشان عمود الاتزان الخلفي الي زودوه في العفشة.يا رب اكون افدتك ولو ليك في الشد والغرز شوف رأي حد ليه فيهم

**waleedseng** · 05-12-2008 12:07 AM

شكراً يا civilpharaoh
أنا كنت خلاص فقدت الأمل إن حد يرد عليا و قلت يا إما العربية مافبهاش ولا عيب علشان كدة محدش عنده عيوب يكتبها يا إما العربية كلها عيوب و الناس مش عارفه تكتب إيه ولا إيه.
و بشكرك مرة تانيه و يارب حد تاني يدخل يقول رأيه.

**onsi** · 05-12-2008 12:35 AM

المشاركة الأصلية كتبت بواسطة waleedseng

شكراً يا civilpharaoh
أنا كنت خلاص فقدت الأمل إن حد يرد عليا و قلت يا إما العربية مافبهاش ولا عيب علشان كدة محدش عنده عيوب يكتبها يا إما العربية كلها عيوب و الناس مش عارفه تكتب إيه ولا إيه.
و بشكرك مرة تانيه و يارب حد تاني يدخل يقول رأيه.

ماحدش رد عليك لان الموضوع دة اتكتب عنة مواضيع بالتفصيل قبل كدة, لكن مش عشان حاجة تانية لا قدر الله...... والمواضيع كلها موجودة فى المنتدى ولازم تقرأ كل اللى فى المنتدى كلة ولة حتى كل يوم شوية ودة عشان تبقى عارف احنا اتكلمنا عن اية قبل كدة وبالتالى متسألش لية ماحدش بيرد ودى نصيحة لكل جديد فى المنتدى

**Michael_Lanos** · 05-12-2008 12:13 AM

الصبر جميل
اصبر والناس هاترد عليك

**nasr-eldeen** · 05-12-2008 12:55 AM

إسمح لي يا باشا أرد على أسئلة معاليك بناءاً ال7000كم اللي عملتهم بعربيتي .
_ بالنسبة للفرامل هي جميلة جداً ومن كتر ما كثير من الأعضاء العزاز في هذا المنتدى ما بلغوا في سؤها كدت أقتنع بذلك لدرجة أنني وجدت على هذا المنتدى بعض الأعضاء يشتكون مش بس من فرامل السيارات الصيني بل وجد من يعيب على فرامل الكورولا وكمان BMW والمرسيدس لدرجة إني حاولت أعرف إذا كان كل هذه السيارات بدون فرامل أي السيارات بها فرامل ، حتي جربت بنفسي وتعرضت لموقف على طريق السخنة وعلى سرعة عالية نسبياً ( 120كم ) وجدت أن السيارة فعلت ما أردته وتوجيه ممتاز ABS & EBD.
_ الثبات مش خرافي ولا ممتاز بس جيد جداً لو عايز تحس بيه بس محتاج ثقة قوية بالسيارة وانت تجد ذلك وده جربته في الوصلة بتاعة طريق الغردقة بسرعة 90كم / س في المنحنيات توجيه جيد جداً .
_بالنسبة للتسارع أعتقد إن أنا اللي أطلقت لفظ غريب على هذه السيارة لأني كنت بعد 160ك/س : 170كم/س تسارع بطئ جداً وكنت بقول اللانسر سبورت 2008 بعد 170كم/س بطة بلدي لغاية ما سألت الأستاذ طارق و أجاب أن التسارع بيكون بطئ علشان الكمبيوتر يحسب ثبات السيارة وبيزيد السرعة بالنسبة الملائمة لذلك لكن لو رفعت قدمي من على بدال الإكسراتير وضغط مرة أخرى التسارع بكون ملحوظ وقوي .
وبالفعل جربت هذه الطريقة ووجدت إن لو عملت كدة السيارة بتشد جامد والتسارع بيكون ملحوظ جداً .
_ أنا حاسس إنها بتاكل بنزين بس فيه ناس بتقول حسابات البنزين تبدأ بعد 10000كم الأولى .
هذا ما وجدته في السيارة لانسر سبورت 2008.
وهذا من وجهة نظري الخاااااااااااااااااصة جداً جداً جداً وهذا لا ينفي أي كلام مناقض من شخص يرى غير ذلك .
والإختلاف في وجهات البصل لا يفسد للبط صانية .
وربنا يوفقك لما فيه الخير لك ولأسرتك .

**Dr.SherifMansy** · 05-12-2008 02:34 AM

طبعا اسئلتك دى لو عملت بحث عليها هاتلاقى اتكتب عنها كتير جدا ، و لكن آدى رد سريع يا باشا لغاية اما تبحث و تدور بنفسك :
* الفرامل ممتازة و بصراحة تجربتى معاها كويسة ، احيانا ناس بتقارن الفرامل ال ABS بالفرامل العادية و ده غلط لأن ال ABS بتحتاج دوسة ثابتة و اجمد شوية لو النظام ده اشتغل اما لو مش على ارضية مزحلقة فالأتنين زى بعض ، و فوق كده نظام ABS & EBD بيحافظ على ثبات العربية و مناورتها مع الفرملة من غير ما تلف او تعوم منك ، و ده عن تجربة و الحمد لله (لأن لو كانت فرامل عادية كان زمان الواحد عمل حادثة ) و ربنا هو الستار
* التسارع فى المانيوال ممتاز و الأوتوماتيك جيد جدا لو بتعمل Kick down و لو عايز تحرق فعلا و غاوى يبقى هات ال Ds و دوس يا معلم و لو كمان عملت معاه kick down اتفرج يا سلام و دع الوحش ينطلق
* ما اشتكبتش من ثبات العربية ، بل على العكس باحس انها راسية مقارنة بعربيات اخرى مش عايز اجيب سيرتها علشان مافتحش مناقشات سفسطائية ، و لو محمل العربية ثباتها رائع
أرجو ان اكون قد لفدتك
و تحياتى

**waleedseng** · 05-12-2008 09:00 AM

شكراً يا شباب على الافادة.
أنا كنت دورت فعلاً في المنتدى على العيوب بس بصراحة تهت من كتر إختلاف الأراء فحبيت اني أحصر الكلام في شوية نقاط علشان أوصل لنتيجة.
و شكراً مره تانية على وقتكم.

-

الموضوع: مميزات و عيوب اللانسر بومة 1600

LinkBack

أدوات الموضوع

عرض

العرض المتطور

-

-

-

المواضيع المتشابهه

ايه هى مميزات و عيوب i10

عيوب و مميزات bmw m40

مميزات /عيوب فيات 132 1600 و2000 cc

تفاصيل رقم شاسيه عربيتك اللانسر 1600 او اللانسر 1500

عيوب و مميزات اللانسر 1600 مانيوال مصرى

الكلمات الدلالية لهذا الموضوع

المفضلات

المفضلات

ضوابط المشاركة