بخصوص الدفع

**MR-Saleem** · 24-11-2016 03:08 AM

هو ليه لما بيكون الغرز مثلا شغال بحس ان الدفع الخلفي اقوي من الامامي يعني لو عربيه ماشية ف رملةة كتير

تلاقي العجل الخلفي بيلف بسسسسسسسرعه لدرجه انه بيفرك ف الارض
عكس العجل الامامي

**ahmed_eng2001** · 24-11-2016 04:28 PM

اعتقد ان عربية حضرتك قديمة شوية ... النظام الى بيمنع موضوع العجل ده على ما اعتقد اسمه Traction control ... و ده ببساطة بيحس بالعجلة الى بتلف اكتر و يوقفها ... و يوزع العزم على بقية العجلات ....

فيه حاجة اقدم شوية اسمها كارونة لوك .... و دى خاصة بالكارونة .. يعنى الاكس الخلفى او الاكس الامامى ... و دى بتخلى العجلتين يلفوا مع بعض ... حتى مع حدوث قلة مقاومة الطريق تحت احداهما .... تفضل برضوا تلف بنفس سرعة دوران العجلة التانية

عدم وجود اى نظام من دول ... يخلى كل عجلة ممكن تفرك بغض النظر عن العجلة التانية ... و دى حاجة طبيعية بتقوم بيها الكارونة العادية

فى انتظار المزيد من الشرح من بقية الاعضاء الكرام

**م/أحمد عبد الفتاح** · 24-11-2016 07:29 PM

هل مثلا الرملة سطحية يعنى شوية رملة على الاسفلت وحصل كده ولا الرملة سميكة شوية ومافيش تحتها اسفلت لو الاربع عجلات ظروفهم واحدة يعنى الاربعة على نفس الرملة مافيش مثلا واحدة على رمل والتانية على حصى ولا طين مثلا - لو الاربع عجلات ماشيين على نفس التضاريس والرملة عميقة وحصل معاك كده يبقى العربية معشقتش الغرز ولسه دفع ثنائى خلفى .

**ahmed_eng2001** · 25-11-2016 02:32 PM

المشاركة الأصلية كتبت بواسطة mr-saleem

الاربع عجلات ف رمال ومش مجرد شوية رمال صغيرين لا ده العجل بيغرز فيها ~ والغرز بيبقا معشق وبيظهر ف التبلوو وبيلف والعجل الامامي بيلف كمان وجربت كلام حضرتك قبل كدا شديت الهاند واتحركت ب العربيه كان بيلف والعجل الخلفي ثابت بس بيبقا الخلفي دفعه اشد دايما ده مش ف عربيتي بس ده فكذا عربيه بلاحظ ده يعني لما باجي اتفرج ع تطعيس ب اي عربيه بلاحظ ان العجل الخلفي العزمه عليه اقوي من الاماامي مجرد ملاحظه معرفش الكلام صح او لا

عربيتك نوعها ايه ؟؟

**م/أحمد عبد الفتاح** · 25-11-2016 10:53 PM

فيه عربيات فى حالة التعشيق على الدفع الرباعى الاكس الخلفى بياخد عزم اكبر من الامامى فبعض العربيات بيبقى نسبة العزم فى الخلفى الى الامامى هى ٥٨٪ الى ٤٢٪ وبعض العربيات بيبقى ٦٠٪ الى ٤٠٪ وفيه عربيات بتبقى بالتساوى يعنى ٥٠٪ الى ٥٠٪ حسب نوع العربية .
وممكن كمان يكون السبب هو الدوسة الجامدة على دواسة البنزين ممكن تسبب كده - وضع الدفع الرباعى وخصوصاً الـ low عاوز الدوس على دواسة البنزين يبقى بحنية وثبات - وكمان تكنيك الدخول فى الرمال بيبقى محتاج تقليل ضغط الكاوتش شوية علشان تزود التراكشن بتاع العجل (لأن مساحة الكاوتش الملاصق للأرض بتكون اكبر) وكمان فى خط مستقيم على قدر الامكان.

**Colin Chapman** · 25-11-2016 11:07 PM

المشاركة الأصلية كتبت بواسطة م/أحمد عبد الفتاح

فيه عربيات فى حالة التعشيق على الدفع الرباعى الاكس الخلفى بياخد عزم اكبر من الامامى فبعض العربيات بيبقى نسبة العزم فى الخلفى الى الامامى هى ٥٨٪ الى ٤٢٪ وبعض العربيات بيبقى ٦٠٪ الى ٤٠٪ وفيه عربيات بتبقى بالتساوى يعنى ٥٠٪ الى ٥٠٪ حسب نوع العربية .
وممكن كمان يكون السبب هو الدوسة الجامدة على دواسة البنزين ممكن تسبب كده - وضع الدفع الرباعى وخصوصاً الـ low عاوز الدوس على دواسة البنزين يبقى بحنية وثبات - وكمان تكنيك الدخول فى الرمال بيبقى محتاج تقليل ضغط الكاوتش شوية علشان تزود التراكشن بتاع العجل (لأن مساحة الكاوتش الملاصق للأرض بتكون اكبر) وكمان فى خط مستقيم على قدر الامكان.

http://www.nilemotors.net/Nile/49503...post3876111208

**م/أحمد عبد الفتاح** · 26-11-2016 09:55 AM

المشاركة الأصلية كتبت بواسطة colin chapman

http://www.nilemotors.net/nile/49503...post3876111208

معلش ياستاذ كولن ماخدتش بالى وبعد اذن صاحب الموضوع :
المواتير الكورى اتطورت جدا فى السنين الاخيرة وحكاية انها ماينفعلهاش عمرة انا كمان مش مقتنع بيها بس فيه ملحوظة صغيرة لو كان بلوك الموتور الومنيوم فده من وجهة نظرى ماينفعش فيه غير عمرة واحدة وبعد كده النتيجة حاتبقى مش مضمونة علشان موضوع شحط البطانة فى الالومنيوم بيحتاج تسخين للبلوك وتبريد للبطانة وانت عارف وانا عارف اننا هنا شغلنا مش بالورقة والقلم والحسابات وكمان العده بعافية شوية :)

**Colin Chapman** · 26-11-2016 02:16 PM

المشاركة الأصلية كتبت بواسطة م/أحمد عبد الفتاح

معلش ياستاذ كولن ماخدتش بالى وبعد اذن صاحب الموضوع :
المواتير الكورى اتطورت جدا فى السنين الاخيرة وحكاية انها ماينفعلهاش عمرة انا كمان مش مقتنع بيها بس فيه ملحوظة صغيرة لو كان بلوك الموتور الومنيوم فده من وجهة نظرى ماينفعش فيه غير عمرة واحدة وبعد كده النتيجة حاتبقى مش مضمونة علشان موضوع شحط البطانة فى الالومنيوم بيحتاج تسخين للبلوك وتبريد للبطانة وانت عارف وانا عارف اننا هنا شغلنا مش بالورقة والقلم والحسابات وكمان العده بعافية شوية :)

يا افند م البيجو 305 وال 304 وال 104 والمرسيدس 190 كان بلوك الموتور المونيوم وكانوا بيتعمروا كذا مرة بدون ورقة وقلم وبصراحة الصنايعية عندنا كلهم هما اللى بقوا بعافية قوى زيادة عن اللزوم !!