-
تعديل فرامل سيارة محمد الهامى
-
الف مبروك لأستاذ محمد الهامى وعقبالنا احنا كمان
من فضلك يا استاذ ممدوح تقولنا اخر الأسعار للحاجات الى اتعدلت ومنتظرين تقييم الهامي
-
مبروك يا ابو اللهاميم هههههههههههههه
طب انا كده بالنسبة ليا مش عايز عملية استيراد وتركيب والشغل الكتير ده انا بس ارش وخلاص
كنت متوقع الرش عملية صعبه عايزة فني بس مدام العملية كده نعملها باذن الله
-
السلام عليكم و رحمة الله وبركاتة ,
الله ينور عليك يا باشا , شغل زى الفل
-
الله ينور عليك يا محمد بجد تعديل مهم :k32: , و مبروك يا إلهامي على التعديل مستنيك تقولنا على الفارق في الأداء
وكل سنه و كل الدايوهيه طيبين
-
اقتباس:
المشاركة الأصلية كتبت بواسطة Shiref_mohamed
الف مبروك لأستاذ محمد الهامى وعقبالنا احنا كمان
من فضلك يا استاذ ممدوح تقولنا اخر الأسعار للحاجات الى اتعدلت ومنتظرين تقييم الهامي
الطنابير 260
الكالبرات 300
الدوشم 150
الماستر العمومى 300
التيل 60
MMamdouh
-
الله ينور يا ابو يوسف
ممكن اعرف اسم الاسبراي الاحمر ده ايه وهل هو مخصص لرش الكالبرات
-
هو سبراى عادى مش مخصوص للكالبرات... لو الهامى لسة معاه العلبة ياريت يكتبلنا ماركة الاسبراى
MMamdouh
-
-
ايه الجمال ده عقبال ما اعدل عربيتي بس لما يخلص الضمان
-
شكراً جداً يا جماعة على الردود ،
طبعاً الفضل كله لمحمد ممدوح تعب معايا اليوم دة ، ربنا يخليك يا دوحة
الفرامل فعلاً بات حاجة تانية ، أنا بنصح إلي عنده مشاكل في الفرامل يعمل ال-upgrade
-
:Ta_clap[1]: الف الف مبروك على التعديل الي نفسي ومنى عيني اعملة بس خايف من حاجات
اول حاجة ::majd(4):
اني لازم اعدل في الجنوط و ده شيئ مخليني اشك ان مش هيقراء عداد السرعة والكيلومترات مظبوط يعني قطر العجلة لما يزيد هيعمل عدد كليو مترات اكبر مع القرائة الأقل يعني مثلا انا مشيت 10000كم على قرائة العداد بس الحقيقة انا مشيت مثلا يعني 12500 لان قطر العجلة زاد وده موضوع انا قرائتة في المنتدى مش بتخيل ولا حاجة بس مش عارف الصح ايه
الحاجة التانية : :majd(4):
قرائة السرعة هتكون مضبوطة يعني لو انا ماشي على 100 قرائة عداد هكون ماشي على 125 مثلا يعني هيبقى في مشاكل مع الردار برضو مش عارف الكلام دة صح ولا غلط
تالت حاجة ودي مهمة :majd(4):
هل العفشة هتتأثر بتغير الجنوط وتركيب عجل اعرض في حاجة فيها حتبوظ مع مرور الوقت ولا ايه
[align=center]انا بعدل عشان انبسط :wink:واداء اعلى وشكل احلى مش علشان ادفع فلوس زيادة وفي المستقبل ادفع فلوس زيادة اكتر:I_angr1[1]: [/align]
-
لو حطيت مقاس كاوتش صح على جنط خفيف مش حتواجة اى من المشاكل دى
MMamdouh
-
ازاي بردو مش فاهم يعني بالنسبة للعفشة مفهومة انما بالنسبة لقرايات العداد و الكيلو متر ازاي
وايه هو مقاس الكوتش الصح وايه هي الجنوط الخفيفة ومتكنش صيني علشان الصيني اشتريني وارميني وكمان متكنش غالية المعادلة صعبة
-
لو حتركب جنط 14 تركب كاوتش 185/60/14
لو حتركب جنط 15 تركب كاوتش 195/50/15
لو حتركب جنط 16 انا مليش دعوة عشان حيتكسر فى المطبات
الجنوط الخفيفة دى تعتمد على اللى موجود فى السوق... حاول تجيب جنط تكون الريش فيه مش ضخمة و عدد الريش ميكونش كتير.. 5 او 6 بالكتير عشان الوزن
MMamdouh
-
ألف مبروك يا إلهامي :Ta_clap[1]:
كدا خلاص العربية مبقتش Brake and Pray :vctry:
-
كل الي انت قولتوا كلام جميل بس معلش خدني على اد عقلي مش الجنط 14 قطر اكبر من 13 يبقى هيفرق في الكيلو مترات صح وفي سرعة العداد بصراحة مش متاكد من موضوع سرعة العداد لو انا مش صح وضحلي بالتفصيل ازاي جنط 14 يقطع مسافة اد الجنط 13 معلش مرة تاني على الأزعاج بس انا عاوز افهم
-
استاذ محمد ممدوح عل وعسي اكون فهمت قصدك انت تقصد اننا هنتحكم في القطر بالكامل ويكوم الجنط 13 = الجنط 14 او الجنط 15 عن طريق الكوتش انو يكون التحكم فيه بارتفاعة عن الأرض الهو بدل
13 / 70
يبقى
14 / 60
او
15 / 50
وبكده تكون نسبة القطر متساوية ويبقى الي اتغير الشكل الى الأجمل و المقاس هو هو صح كدة ولا انا غلطان
-
لانوس 1600 نزله بجنوط 14 مع كاوتش 185/60/14 حسب الكاتالوج
وفي نفس الوقت مفيش تغيير في عدادات الكيلومترات ولا السرعات
-
على فكرة الرش بيتباع في محلات البويات والحدايد ، مش فاكر سعره كام 7 أو 9 جنيه
وفيه منه ألوان كتير ،
-
اقتباس:
المشاركة الأصلية كتبت بواسطة n_nabil76
استاذ محمد ممدوح عل وعسي اكون فهمت قصدك انت تقصد اننا هنتحكم في القطر بالكامل ويكوم الجنط 13 = الجنط 14 او الجنط 15 عن طريق الكوتش انو يكون التحكم فيه بارتفاعة عن الأرض الهو بدل
13 / 70
يبقى
14 / 60
او
15 / 50
وبكده تكون نسبة القطر متساوية ويبقى الي اتغير الشكل الى الأجمل و المقاس هو هو صح كدة ولا انا غلطان
+1 تمام كده يا باشا
ومبروك يامحمد علي الفرامل و عقبالي ......والف مليون شكر لمحمد ممدوح للروح الجميله دي ...ويزيد في ميزان حسناتك
-
الف مبروك وربنا يباركلك فيهم
-
اقتباس:
المشاركة الأصلية كتبت بواسطة n_nabil76
استاذ محمد ممدوح عل وعسي اكون فهمت قصدك انت تقصد اننا هنتحكم في القطر بالكامل ويكوم الجنط 13 = الجنط 14 او الجنط 15 عن طريق الكوتش انو يكون التحكم فيه بارتفاعة عن الأرض الهو بدل
13 / 70
يبقى
14 / 60
او
15 / 50
وبكده تكون نسبة القطر متساوية ويبقى الي اتغير الشكل الى الأجمل و المقاس هو هو صح كدة ولا انا غلطان
كدة الفكرة و وصلتك تماااام... الزيادة فى الجنط بتتعوض فى تقليل ارتفاع الكاوتش و بالتالى القطر العجلة على بعضها (جنط + كاوتش) حيبقى هو هو لاى من المقاسات اللى ذكرتها
MMamdouh
-
بس التعديل دة مختلف عن اللى انت عملته فى عربيتك يا ممدوح انت كنت مستخدم حاجات تانيه مكنش فى اى حاجه للافيو انت كنت مستعمل حاجات اوبل و دايو مش كدة و لا الذاكرة ضربت معايا
-
التعدبل هو هو... كل الفرق ان الهامى جاب كالبرات بالدوشم من عربية افيو بس طلع دوشم الافيو متنفعش فا اشترينا دوشمتين سبيرو
كالبرات الافيو هى هى كالبرات النوبيرا هى هى كالبرات السبيرو و اللانوس 1600 و بالتالى فيش اى فرق غير الدوشمة... و الشبب ان الهامى جاب الكالبرات من افيو ان حاجة الافيو بتبقى حالتها انضف من حاجات الدايو لان الافيو عربية احدث و بالطبع التكلفة اكبر
باقى المكونات هى هى.. طنابير بريمبو و مايتر متللى و تيل جولد
MMamdouh
-
كل سنة وانتو طيبين و بالاخص أ/ محمد ممدوح ممكن توضحلى الفرق بين كالبرات و الدوشم انا كونت فكرهم حاجة واحدة و شكرا
-
الف مبروك يا باشا وربنا يكفيك شرها
-
اقتباس:
يوم الاثنين 1 ديسمبر تم بحمد الله تعديل فرامل سيارة محمد الهامى لينضم لقائمة اصحاب الفرامل المعدلة
يا تري الاستاذ/ محمد الهامي مركب جنوط14 أسبور ولا جنوط حديد بتاعة النوبيرا زيك ياأستاذ/ محمد ممدوح أصل أنا عاجبني التعديل جدا بس الجنط الحديد بتاع النوبيرا هوال مش عاجبني فبفكر في جنط النوبيرا 1 الاسبور ايه رأيك؟؟
-
-
اقتباس:
المشاركة الأصلية كتبت بواسطة pepo7111
كل سنة وانتو طيبين و بالاخص أ/ محمد ممدوح ممكن توضحلى الفرق بين كالبرات و الدوشم انا كونت فكرهم حاجة واحدة و شكرا
الكالبرات هى الجزء اللى فيه الماستر بتاع الفرامل
http://volvospeed.com/Pics/repairpic...er_piston3.jpg
الدوشم هى الجزء اللى بيثبت فيه الكالبر و بيركب علية تيل الفرامل
http://mykidz.net/GTP/Images/HubAsse...emoved_JPG.jpg
MMamdouh
-
اقتباس:
المشاركة الأصلية كتبت بواسطة waleedrahmy
يا تري الاستاذ/ محمد الهامي مركب جنوط14 أسبور ولا جنوط حديد بتاعة النوبيرا زيك ياأستاذ/ محمد ممدوح أصل أنا عاجبني التعديل جدا بس الجنط الحديد بتاع النوبيرا هوال مش عاجبني فبفكر في جنط النوبيرا 1 الاسبور ايه رأيك؟؟
القصة دى حتبقى على مسؤليتك الشخصية لان ممكن الجنط يخبط فى الدوشمة او الكالبر... نفس المشكلة حصلت مع حسام حسن (هو مركب الجنوط السبور بتاعت النوبيرا 2 ) و اضطر يركب فلانشة عشان الجنط ميحكش
معرفش الصراحة الجنط السبور بتاع النوبليرا 1 حيحك ولا لا
MMamdouh
-
طيب يا ممدوح ما كنتوا جيتوا دوشم وكاليبرات سبيرو وريحتوا دماغكم!!
-
مهى كالبرات الافيو حالتها احسن من السبيرو الف مرة بس المشكلة انى مكنتش موجود ساعة الشراء فا فاتت على الهامى حتة الدوشم دى
MMamdouh
-
كل سنة وأنت طيب ياخبيرنا/ محمد ممدوح عيد مبارك عليك وعلينا اقتباس:
القصة دى حتبقى على مسؤليتك الشخصية لان ممكن الجنط يخبط فى الدوشمة او الكالبر... نفس المشكلة حصلت مع حسام حسن (هو مركب الجنوط السبور بتاعت النوبيرا 2 ) و اضطر يركب فلانشة عشان الجنط ميحكش
يبقي جنط سبور نوبيرا 2 مستبعد اقتباس:
معرفش الصراحة الجنط السبور بتاع النوبيرا 1 حيحك ولا لا
طيب نعرف ازاي؟؟؟؟؟؟؟؟؟؟؟؟؟ وهل ينفع الجنط الاسبور الاصلي بتاع الانوس؟؟؟؟؟ لان كده يبقي تعديل سيادتك جوهر.... ومظهر..... كفاءة... وشياكة......
-
التجربة حتبقى تركيب الجنط على العربية بعد التعديل
اكيد جنوط اللانوس السبور مش حتعمل مشاكل لان اللانوس ال 1600 اللى بينزلها الجنوط السبور بيبقى فيها الفرامل الكبيرة بالفعل
MMamdouh
-
الله ينور يا معلم
MMamdouh
-
انا عندي سؤال لو احنا جبنا الطنابير بتاعت الأفيو ...هل يمكن استخدام الجنط ال 13 علي اساس ان الأفيو جنطها 13 ......ولا فرق السعر كتير حتي لو جبناهم استعمال
....مع ملاحظه اننا هنوفر سعر تغيير الجنط
-
اقتباس:
المشاركة الأصلية كتبت بواسطة kh_elshiemy
انا عندي سؤال لو احنا جبنا الطنابير بتاعت الأفيو ...هل يمكن استخدام الجنط ال 13 علي اساس ان الأفيو جنطها 13 ......ولا فرق السعر كتير حتي لو جبناهم استعمال
....مع ملاحظه اننا هنوفر سعر تغيير الجنط
فكره برده ، في أنتظار الردود
-
اقتباس:
المشاركة الأصلية كتبت بواسطة kh_elshiemy
انا عندي سؤال لو احنا جبنا الطنابير بتاعت الأفيو ...هل يمكن استخدام الجنط ال 13 علي اساس ان الأفيو جنطها 13 ......ولا فرق السعر كتير حتي لو جبناهم استعمال
....مع ملاحظه اننا هنوفر سعر تغيير الجنط
مين رايح فين؟؟
اولا طنابير الافيو هى هى طنابير اللانوس ال1600 و طنابير السبيرو... و دول جداد اصلى ب 450 جنية
ثانيا الافيو بتنزل بجنوط 14 و مينفعش يركب جنط 13 على الفرامل المعدلة او الفرامل اللى فيها طنابير كبيرة
ثالثا الطنابير الاستيراد حتبقى مستعملة و حالتها مش قد كدة و لو اتخرطت حتبوظ تماما... انت بتعمل تعديل عشان ترفع مستوى الامان... مينفعش تحط مكونات اى كلام عشان التكلفة لان حياتك اغلى من قطع الغيار
MMamdouh
-
شكرا يا محمد علي الرد .... بس انا لما كنت في جده شفت الأفيو وكان الكاوتش 13
جايز نظري خاني.....علي هذا الأساس جاتلي الفكره