علشان تنقل الملكية بتروح على المرور و بتطلب انك تاخد شهادة بيانات للشهر و طبعا لازم يبقى معاك البائع بعد ما تخلص عملية نقل الملكية و اجرائتها و شهادة المخالفات كل ده حيصب فى اجراءات تجديد الرخصة تلقائى و تقريبا بالنسبة للعربيات الصغيرة كلها اللى سعة المحرك 1000 سم3 أو أقل بيجدد لك الرخصة تقريبا 152 جنيه طبعا ده زائد 100 جنيه لو حيغيروا لك النمرة ضمان .
بالنسبة للفحص فيه برضه اوراق حتجيبها من المرور و طفاية الحريق ما تنساهاش الفحص سهل ما تقلقش .
بالنسبة للخبطات اشترى دماغك الكلام ده كان زمان أيام الأمن و المتانة .
و طالما انها لاتؤثر على اداء السيارة .
بالنسبة للكاوتش اكشف الأول على عفشة السيارة و شوف ضبط الزوايا قبل ما تشترى كاوتش جديد .
الكاوتش فيه انواع كتير لو عايز اللى على قد ايدك عندك الصينى او التايوانى مع انه بقى اليومين دول مش على قد الأيد خالص . عن نفسى انا مركب نسر و شغال معايا كويس الحمد لله لا مأثر على عفشة ولا غيره .
بس الأهم من كل ده أكشف كويس على العربية و شوف صاج العربية من تحت اذا كان فيه بارومة ( صدأ ) .
خد معاك ميكانيكى محترم ان شاء الله ياخد حتى كتير بس الأهم يشوف العربية كويس و يكشف عليها و يديك تقدير عن حالتها .
وربنا يوفقك
المفضلات