مساعدة بشأن قطع غيار chrysler 300c 2011
[size="4"]السلام عليكم
لو سمحتم يا جماعة أنا عندي مشكلة في كرايسلر ٢٠١١ بانوراما وقطع الغيار مش لاقيها في مصر.. ممكن تساعدوني في اسماء القطع دي بالانجلش لأن لي صديق بيحاول يجيبهال من امريكا
١- طقم ايرباج بقشرة الطابلوه الحساسات
٢- موتور ِabs
٣- قربة مساحات كاملة ( بأدوات التغذية خراطيم وموتور وبزابيز
٤- حساس اتزان
٥- مديول فانوس امامي يسار
٦- ضفيرة حوض أو ضفيرة اكصدام امامي بالحساسات
٧- حساس ABS امامي يمين
٨- موديول مثبت سرعة
٩- فوانيس امامية
متشكر لوقتكم ولذوقكم جدا[/size]
الراجل طالب طلبية قطع غيار بتاعت اسبيشيليست كارز سبير بارتس ده كده ناقص البارتس نمبر
اقتباس:
المشاركة الأصلية كتبت بواسطة م/أحمد عبد الفتاح
الموضوع طبعا كبير وحساس ولازم تركيز جامد فى شراء هذه الاصناف من امريكا علشان مافيش حاجه تيجى غلط ونصيحتى لحضرتك إنك تبعت لصديقك اسماء القطع دى بالاضافة لرقم الشاسية كامل والموديل طبعا وياريت لو امكن صور للاجزاء التالفة ( حتى لو قدرت تطلع الارقام المكتوبة عليها ) وصديقك يلم الحاجات دى كلها ويبعتها مرة واحدة واسماء الحاجات دى هى كما يلى :
١- طقم ايرباج امامى ( الايرباج بتاع الراكب اللى جنب السواق )
passenger front seat airbag
خلى بالك ده للراكب الامامى اللى جنب السواق - لو غير كده قوللى سواء كان للسائق او اللى فى السقف فوق السائق وفوق الراكب اللى جنبه .
كمان انهى حساسات ؟ فيه تحت الكراسى وفيه فى الاكصدام او الصدر وفيه تحت عصاية الفتيس موديول - انهى حساسات بالظبط -ياريت تنقل كل الارقام والحروف المكتوبة على الحساسات البايظة وتصورها كمان.
٢- موتور الـ ABS
ABS pump
هل الموديول بتاع الـ ABS (اللى فيه الفيشة وطالع منه المواسير ) سليم ؟؟؟
٣- قربة مياه مساحات بالموتور والبزابيز :
القربة : windshield washer fluid reservoir
الموتور : windshield washer pump
البزابيز : windshield washer spray nozzle set ويتاكد انهم طقم ٢ قطعة .
٤- حساس اتزان :
sensor-dynamics lateral acceleration and yaw rate
الحساس ده انت متأكد انه بايظ لانه صعب جدا يبوظ !!!!!! هو حساس خاص بمنطومات الـ ESP و الـ TC
٥- موديول فانوس أمامى شمال :
left front headlight module
٦- ضفيرة اكصدام امامى بالحساسات :
الضفيرة لوحدها : front bumper park assist wiring harness
الحساسات : front bumper park assist sensor PDC وتكتبله العدد بتاعهم لانهم بالواحد .
٧- حساس ABS امامى يمين :
front wheel ABS sensor with harness ( الشمال واليمين قدام زى بعض)
٨- موديول مثبت السرعة :
cruise control module ( برضه ده صعب جدا انه يبوظ )
٩- الفوانيس الامامية عندك ليها اكتر من شكل حسب الموديل والاوبشنات فى منها ثابت وفيه متحرك وفيه سموك smoked وفيه كريستال فانت تدخل عالايباى وتشوف الشكل اللى عندك وتبعتله صورة او لينك وهما عموماً اسمهم :
front headlights
:post:
الراجل طالب طلبية قطع غيار بتاعت اسبيشيليست كارز سبير بارتس ده كده ناقص البارتس نمبر وتبقى طلبية ديلر او سول ايجنت!!
الاعضاء فى نايل موتورز شايفين كل شىء سهل
مصنعية الكتابة للطلابية ديه مش اقل من 1000 جنيه فقط !!علشان كتابتها فقط!!
ربنا يباركلك يا بشمهندس احمد حط بقى البارتس نمبر وتبقى كملت وخود رقم الشاسيه علشان الريبلاسمنت ان وجد!!!!!!!!
فروم اند اب !!
من السى دى او بارتس بوك
:post:
الريبلاسمنت ان وجد!!!!!!!!
اقتباس:
المشاركة الأصلية كتبت بواسطة م/أحمد عبد الفتاح
بالنسبة للـ part numbers أنا ممكن اكتبله لكل حاجه ٣ او ٤ ارقام لنفس السنة والماركة والطراز بس حايجيب اى قطعة فيهم ؟؟؟؟ معظم شركات العربيات كده !!!!فى السنة الواحدة ممكن ينزلك فى اول السنة العربية فيها قطعة معينة وفى نص السنة يغيرها بسبب بعض الشكاوى مثلا ويغير فى الفيشة أو فى الشكل وتلاقى نفسك جايب قطعة معينة لنفس الموديل والطراز بس ماتركبش - الفيصل بيبقى رقم اللوت والحروف بتاعة العربية ودى بتتعرف من الشركة او الوكلاء بيدخلوا برقم الشاسية يحددوا اللوت والحروف بتاعة العربية وبتاعة الجروب الفرعى وبكده يقدروا يحددوا القطعة بالظبط - او تصور القطعة التالفة او تاخد البارت نمبر المكتوب عليها .
كان نفسى اساعد فى البارت نمبر بتاع القطع دى بس انا مش باحب افتى بارقام محددة الا لو كنت جربت بنفسى.
وخود رقم الشاسيه علشان الريبلاسمنت ان وجد!!!!!!!!
فروم اند اب !!
من بارتس السى دى او بارتس بوك
ربنا يباركلك
:shine[1]::Y_hi_3[1]: