الموضوع: مساعدة بشأن قطع غيار chrysler 300c 2011

المشاركة الأصلية كتبت بواسطة م/أحمد عبد الفتاح

الموضوع طبعا كبير وحساس ولازم تركيز جامد فى شراء هذه الاصناف من امريكا علشان مافيش حاجه تيجى غلط ونصيحتى لحضرتك إنك تبعت لصديقك اسماء القطع دى بالاضافة لرقم الشاسية كامل والموديل طبعا وياريت لو امكن صور للاجزاء التالفة ( حتى لو قدرت تطلع الارقام المكتوبة عليها ) وصديقك يلم الحاجات دى كلها ويبعتها مرة واحدة واسماء الحاجات دى هى كما يلى :
١- طقم ايرباج امامى ( الايرباج بتاع الراكب اللى جنب السواق )
passenger front seat airbag
خلى بالك ده للراكب الامامى اللى جنب السواق - لو غير كده قوللى سواء كان للسائق او اللى فى السقف فوق السائق وفوق الراكب اللى جنبه .
كمان انهى حساسات ؟ فيه تحت الكراسى وفيه فى الاكصدام او الصدر وفيه تحت عصاية الفتيس موديول - انهى حساسات بالظبط -ياريت تنقل كل الارقام والحروف المكتوبة على الحساسات البايظة وتصورها كمان.
٢- موتور الـ ABS
ABS pump
هل الموديول بتاع الـ ABS (اللى فيه الفيشة وطالع منه المواسير ) سليم ؟؟؟
٣- قربة مياه مساحات بالموتور والبزابيز :
القربة : windshield washer fluid reservoir
الموتور : windshield washer pump
البزابيز : windshield washer spray nozzle set ويتاكد انهم طقم ٢ قطعة .
٤- حساس اتزان :
sensor-dynamics lateral acceleration and yaw rate
الحساس ده انت متأكد انه بايظ لانه صعب جدا يبوظ !!!!!! هو حساس خاص بمنطومات الـ ESP و الـ TC
٥- موديول فانوس أمامى شمال :
left front headlight module
٦- ضفيرة اكصدام امامى بالحساسات :
الضفيرة لوحدها : front bumper park assist wiring harness
الحساسات : front bumper park assist sensor PDC وتكتبله العدد بتاعهم لانهم بالواحد .
٧- حساس ABS امامى يمين :
front wheel ABS sensor with harness ( الشمال واليمين قدام زى بعض)
٨- موديول مثبت السرعة :
cruise control module ( برضه ده صعب جدا انه يبوظ )
٩- الفوانيس الامامية عندك ليها اكتر من شكل حسب الموديل والاوبشنات فى منها ثابت وفيه متحرك وفيه سموك smoked وفيه كريستال فانت تدخل عالايباى وتشوف الشكل اللى عندك وتبعتله صورة او لينك وهما عموماً اسمهم : front headlights

بسم الله ما شاء الله

الله ينور يا بشمهندس والف الف شكر على المساعدة الجيدة
المشكلة يا جماعة اني لما زهقت وقرفت من الميكانيكي بعد زهق وقرف اخدت العربية رحت بها الحرفيين علشان ليا حد صاحبي بيشتغل في الامريكي، بس بعد ما رحت له ما لقتش عنده الحاجات واقترج عليا يودي العربية لحد كهربائي كرايسلر هناك وقال الاتي
١- بمب ال ABS مش بتاع العربية ( الميكانيكي كان صلح بمب ال ABS وحاسبني عليه وقال محتاجين حساس abs امامي يمين)
٢- حساس الاتزان مش قاري على الكمبيوتر
٣- قربة المساحات بالبزابيز والخراطيم والموتور مش موجودة اصلا
٤-محتاج ٢ ايرباج أمامي ( الميكانيكي قال طقم)
٥- ضفيرةالحوض او الاكصدام متشالة والحساسات بتاعتها اللي في الاكصدام مش موجودة
٦- مديول الفانوس الشمال مش شغال والفوانيس بصفة عاملة محتاجة تتغير.

انا كلمت حد في دبي قال لي في نص هيجي كمان اسبوع وحد في الكويت قال لي الحاجة متوفرة في اسكرابات هناك بس تمنها موبار غالي جدا وكلمت صديق ليا في كاليفورنيا قال لي ابعت لي الشاسيه مع اسماء الحاجات دي وانا احاول اسأل لك.

ياريت يا بشمهندس لوتدلني على حد بيشتغل فيها اروح له ويكون ابن حلال عشان الموضوع بقاله معايا تلات شهور لما زهقت والله.. ده غير المصاريف اللي على الفاضي والكلام المتناقض اللي انا فيه ده

كمان لو اتعبك تقول لي هو هيحتاج رقم الشاسيه لو هنجيب الحا دي من خارج موبار used مثلا وتنصحني بايه لو عرفت اجيبه استيراد سواء كاليفورنيا او الشارقة او الكويت.

معلش انا عارف اني بتقل عليكم بس انا والله في زنقة واللي عامل فيها كده اقرب اصحابي ليا وربنا بس اللي عالم بالمعاناة اللي انا عانيتها بسببه.

ربنا يجزيكم خير ومش عارف اقول لحضرتك يا بشمهندس بس بس ربنا يجازيك الاحسان احسان بأمر الله