أمر في غاية الخطورة بيحصل أثناء تغييرر زيت المحرك

اخواني في الله في المنتدي الرائع كل التحية والشكر للجميع

في امر لاحظته اثناء تغيير زيت موتور العربية وطبعا لما غلبت مع محلات تغيير الزيت وفتاويهم الجميلة والربط الجامد علي الفلتر او صامولة الطبة اللي تحت اضطريت اغير الزيت بنفسي عشان اعمل شغل علمي وصح

والكارثة اكتشفت حاجتين في غاية الخطورة

الاولي هي ربط صامولة الطبة بشكل بشع لدرجة اني كنت بحافر عشان افكها وطبعا في عربيات البومبية اللي تحت اللي فيه الصامولة دي ساعات بيكون الومنيوم والمصيبة بعد الربط الجامد ده ممكن السن يبوظ ويدمرلك جزء مهم جدا في المحرك او يسرب زيت وهنا مصيبة تانية وحصلت مع ناس ان كان الربط ضعيف واي كلام وكانت النتيجة تسريب الزيت ودمار المحرك .

الكارثة التانية اني لاحظت ان الزيت بعد فك الطبة وكنت مسخن العربية ابلها كويس وكنا كمان في الصيف لقيت ان الزيت بيدنه حوالي 20 او 25 دقيقة بينزل بشكل مستمر ابل مرحلة التنقيط عبارة عن خيط زيت نازل بشكل مستمر .... وطبعا محل الزيت مش هيستني المدة دي عشان يشوف غيرك ومن غير مبالغة بيبقي في العربية يمكن اكتر من تلت لتر زيت قديم في العربية وبيقفل الطبة عليه وبيمشي الحال .

اكيد احنا عرفنا دلوأتي نعمل ايه يا اما نغير الزيت بنفسنا يا اما نسيطر علي الموقف ونغلب الصنايعي الغلباوي برأينا واكيد لما اكبر كمية من الزيت بتنزل بيكون احسن في اداء العربية .

معلومة اخيرة اخواني .... مع كل مرة تغير فيها زيت لازم وضروري جدًا تغير الفلتر كل مرة

دي معلومة عرفتها من كتالوج عربيات كتير اضافة الي كل المواقع الاجنبية اوصت بالكلام ده ...... كل الشكر اخواني ,آآآآآآآآآآآآسف علي الاطالة

:shine[1]::shine[1]::shine[1]:

جزيل الشكر عالمعلومات المفيده

اقتباس:

---

المشاركة الأصلية كتبت بواسطة lovely nonosa

جزيل الشكر عالمعلومات المفيده

---

شكرا علي المرور الكريم

أتفق مع حضرتك تماما بالنسبة للفلتر وأسلوب تغييره ..

والأسلوب الصح لتركيب الفلتر (حسب ما هو مكتوب في كتالوجات السيارات) هو كالتالي:

1- تتأكد من نظافة مكان تركيب الفلتر تماما...

2- تجيب الفلتر الجديد وتمسح على الأورنج الخارجي بتاعه مسحة زيت خفيفة ..

3- تركب الفلتر في مكانه بعد ما تتأكد إنه ركب في السن مضبوط.. وتلفه بإيدك..

4- ربط الفلتر يكون باليد فقط دون أي أداه ربط.

أما بقى بالنسبة لدرجة حرارة الزيت أثناء التغيير... فالصح إن الزيت يكون دافي... وليس ساخن..

ليه؟؟

الزيت السخن بيكون بدأ يتخن علشان البوليمرز بتاعت تحسين مؤشر اللزوجة (اللي بتزود لزوجة الزيت الحار) بتكون اشتغلت .. والبوليمرز دي بتشتغل بكفائتها القصوى لما الزيت يوصل لدرجة حرارة التشغيل (حوالي 100 مئوية)..

حاول لما تغير الزيت تختار محطة قريبة أو مكان قريب.. وتروحله أول ما تطلع بعربيتك بعد ركنة وقبل ما تروح مشاويرك.. بحيث إن الزيت يكون بقى سايل شوية وما يكونش سخن بما فيه الكفاية.


دي بردو توصيات كتالوجات العربيات :)


...

اقتباس:

---

المشاركة الأصلية كتبت بواسطة borio1704

أتفق مع حضرتك تماما بالنسبة للفلتر وأسلوب تغييره ..

والأسلوب الصح لتركيب الفلتر (حسب ما هو مكتوب في كتالوجات السيارات) هو كالتالي:

1- تتأكد من نظافة مكان تركيب الفلتر تماما...

2- تجيب الفلتر الجديد وتمسح على الأورنج الخارجي بتاعه مسحة زيت خفيفة ..

3- تركب الفلتر في مكانه بعد ما تتأكد إنه ركب في السن مضبوط.. وتلفه بإيدك..

4- ربط الفلتر يكون باليد فقط دون أي أداه ربط.

أما بقى بالنسبة لدرجة حرارة الزيت أثناء التغيير... فالصح إن الزيت يكون دافي... وليس ساخن..

ليه؟؟

الزيت السخن بيكون بدأ يتخن علشان البوليمرز بتاعت تحسين مؤشر اللزوجة (اللي بتزود لزوجة الزيت الحار) بتكون اشتغلت .. والبوليمرز دي بتشتغل بكفائتها القصوى لما الزيت يوصل لدرجة حرارة التشغيل (حوالي 100 مئوية)..

حاول لما تغير الزيت تختار محطة قريبة أو مكان قريب.. وتروحله أول ما تطلع بعربيتك بعد ركنة وقبل ما تروح مشاويرك.. بحيث إن الزيت يكون بقى سايل شوية وما يكونش سخن بما فيه الكفاية.


دي بردو توصيات كتالوجات العربيات :)

...

---

رائع كالعادة مشكور كل الشكر علي المرور وعلي المعلومات الرائعة

كلام جميل
بس موضوع الفلتر ده صعب
الأصلي دلوقت بيعمل 60 أو أكتر
مع كل غيار هيبقى صعب
ممكن كل مرتين
أو تغير فلتر مضروب

اقتباس:

---

المشاركة الأصلية كتبت بواسطة sherif_mahalla

كلام جميل
بس موضوع الفلتر ده صعب
الأصلي دلوقت بيعمل 60 أو أكتر
مع كل غيار هيبقى صعب
ممكن كل مرتين
أو تغير فلتر مضروب

---

اعتقد ان تمن الفلتر الاصلى لايساوى شيء امام الحمايه التي نحصل عليها من اضرار الفلتر المضروب .

تعليق صغير خالص ....

لو حضرتك عاوز تشتغل صح .... طبة الزيت ... زى اى مسمار فى الموتور .. ليها عزم مخصوص للرباط ... لا زيادة و لا نقص .. لو حضرتك تقدر تستخدم مفتاح عزم .. و معرفة العزم اللازم للربط .. حيكون كويس جدا و مش حيخلى السن يفوت ...

نقطة تانية ... فى الغالب .. مواتير كتير بتاخد 3.5 لتر زيت بالفلتر ... يعنى بيتفضل معاك نصف لتر زيت باقى فى الجركن ... ممكن تكبهم فى الموتور قبل ما تقفل الطبة ... و كدة حضرتك و كأنك بتغسل الزيت القديم المتبقى بزيت جديد

اقتباس:

---

المشاركة الأصلية كتبت بواسطة ahmed_eng2001

تعليق صغير خالص ....

لو حضرتك عاوز تشتغل صح .... طبة الزيت ... زى اى مسمار فى الموتور .. ليها عزم مخصوص للرباط ... لا زيادة و لا نقص .. لو حضرتك تقدر تستخدم مفتاح عزم .. و معرفة العزم اللازم للربط .. حيكون كويس جدا و مش حيخلى السن يفوت ...

نقطة تانية ... فى الغالب .. مواتير كتير بتاخد 3.5 لتر زيت بالفلتر ... يعنى بيتفضل معاك نصف لتر زيت باقى فى الجركن ... ممكن تكبهم فى الموتور قبل ما تقفل الطبة ... و كدة حضرتك و كأنك بتغسل الزيت القديم المتبقى بزيت جديد

---

مشكور اخي علي المرور .... وردا علي كلامك طبعا اكيد الصمولة بتاعة الزيت لها عزم وليها وحدات للقياس في الربط زي اي صمولة بس للاسف دراع العزم في مصر مش فيه امكانية تحديد مقدار العزم المطلوب ولا حتي في الكتالوج مكتوب اي اشارة من هذا النوع .... وفي حاجة تانية في غاية الاهمية وهي المفروض اننا نغير الصامولة دي كل مرة او علي الاقل نغير الوردة وده شيء اساسي في الصيانة لان الوردة اكثر جزء بيتعرض للاحتكاك بين الصامولة وجسم العربية .. بس مين اللي بيعمل كده ؟؟؟؟؟

[youtube]https://www.youtube.com/watch?v=FpZZEI45Pjc[/youtube]

اقتباس:

---

المشاركة الأصلية كتبت بواسطة zeroten

اخواني في الله في المنتدي الرائع كل التحية والشكر للجميع

في امر لاحظته اثناء تغيير زيت موتور العربية وطبعا لما غلبت مع محلات تغيير الزيت وفتاويهم الجميلة والربط الجامد علي الفلتر او صامولة الطبة اللي تحت اضطريت اغير الزيت بنفسي عشان اعمل شغل علمي وصح

والكارثة اكتشفت حاجتين في غاية الخطورة

الاولي هي ربط صامولة الطبة بشكل بشع لدرجة اني كنت بحافر عشان افكها وطبعا في عربيات البومبية اللي تحت اللي فيه الصامولة دي ساعات بيكون الومنيوم والمصيبة بعد الربط الجامد ده ممكن السن يبوظ ويدمرلك جزء مهم جدا في المحرك او يسرب زيت وهنا مصيبة تانية وحصلت مع ناس ان كان الربط ضعيف واي كلام وكانت النتيجة تسريب الزيت ودمار المحرك .

الكارثة التانية اني لاحظت ان الزيت بعد فك الطبة وكنت مسخن العربية ابلها كويس وكنا كمان في الصيف لقيت ان الزيت بيدنه حوالي 20 او 25 دقيقة بينزل بشكل مستمر ابل مرحلة التنقيط عبارة عن خيط زيت نازل بشكل مستمر .... وطبعا محل الزيت مش هيستني المدة دي عشان يشوف غيرك ومن غير مبالغة بيبقي في العربية يمكن اكتر من تلت لتر زيت قديم في العربية وبيقفل الطبة عليه وبيمشي الحال .

اكيد احنا عرفنا دلوأتي نعمل ايه يا اما نغير الزيت بنفسنا يا اما نسيطر علي الموقف ونغلب الصنايعي الغلباوي برأينا واكيد لما اكبر كمية من الزيت بتنزل بيكون احسن في اداء

العربية .

معلومة اخيرة اخواني .... مع كل مرة تغير فيها زيت لازم وضروري جدًا تغير الفلتر كل مرة

دي معلومة عرفتها من كتالوج عربيات كتير اضافة الي كل المواقع الاجنبية اوصت بالكلام ده ...... كل الشكر اخواني ,آآآآآآآآآآآآسف علي الاطالة

:shine[1]::shine[1]::shine[1]:

---

انا الصنايعي بوظ الطبه وللاسف السن اللي في الاكارتيره هوا اللي بظ

انا ركبت طبه تانيه مسكت كويس بس بقيت اشفط الزيت علشان خايف افكها تاني

اقتباس:

---

المشاركة الأصلية كتبت بواسطة zeroten

مشكور اخي علي المرور .... وردا علي كلامك طبعا اكيد الصمولة بتاعة الزيت لها عزم وليها وحدات للقياس في الربط زي اي صمولة بس للاسف دراع العزم في مصر مش فيه امكانية تحديد مقدار العزم المطلوب ولا حتي في الكتالوج مكتوب اي اشارة من هذا النوع .... وفي حاجة تانية في غاية الاهمية وهي المفروض اننا نغير الصامولة دي كل مرة او علي الاقل نغير الوردة وده شيء اساسي في الصيانة لان الوردة اكثر جزء بيتعرض للاحتكاك بين الصامولة وجسم العربية .. بس مين اللي بيعمل كده ؟؟؟؟؟

[youtube]https://www.youtube.com/watch?v=fpzzei45pjc[/youtube]

---

العفو يا فندم ... فيه اذرع عزم بتتباع فى شارع الجمهورية و ممكن من خلالها تحديد العزم الخاص بالمسامير و الصواميل ...

المشكلة بس ان كل ذراع ليه مدى فى الرباط ... يعنى مثلا من 20 الى 55 .. و ذراع تانى من 50 الى 80 و هكذا

وحدة قياس العزم هى نيوتن.متر او يمكن تحويلها بسهولة الى باوند.فوت ... على ما اتذكر :)

العزوم بتكون مكتوبة فى كتالوجات الصيانة ... مش كتالوج المستخدم ... و بالفعل من المفروض اننا نغير الوردة النحاس فى الفك و التركيب

افتكرت .... مرة كنت بفك طبة الزيت لقيت الميكانيكى كان لافف عليها خيط !!!! ليه كدة يا عم ؟ علشان ميسربش زيت ... طيب مسمعتش عن التفلون بتاع السباكين ؟؟!!! لا كدة اامن و احسن !!!

فى عربيتى
بفك الطبة من اسفل
بفك الغطا من اعلى
بشيل مقاس الزيت
وبكده تفريغ الزيت بيكون اسرع

اقتباس:

---

المشاركة الأصلية كتبت بواسطة ahmed_eng2001

العفو يا فندم ... فيه اذرع عزم بتتباع فى شارع الجمهورية و ممكن من خلالها تحديد العزم الخاص بالمسامير و الصواميل ...

المشكلة بس ان كل ذراع ليه مدى فى الرباط ... يعنى مثلا من 20 الى 55 .. و ذراع تانى من 50 الى 80 و هكذا

وحدة قياس العزم هى نيوتن.متر او يمكن تحويلها بسهولة الى باوند.فوت ... على ما اتذكر :)

العزوم بتكون مكتوبة فى كتالوجات الصيانة ... مش كتالوج المستخدم ... و بالفعل من المفروض اننا نغير الوردة النحاس فى الفك و التركيب

افتكرت .... مرة كنت بفك طبة الزيت لقيت الميكانيكى كان لافف عليها خيط !!!! ليه كدة يا عم ؟ علشان ميسربش زيت ... طيب مسمعتش عن التفلون بتاع السباكين ؟؟!!! لا كدة اامن و احسن !!!

---

الله ينور يا زعيم مشكووووور علي المرور

اقتباس:

---

المشاركة الأصلية كتبت بواسطة abokoko

فى عربيتى
بفك الطبة من اسفل
بفك الغطا من اعلى
بشيل مقاس الزيت
وبكده تفريغ الزيت بيكون اسرع

---

جديدة اننا نشيل مقاس الزيت .... كده انت جبت جون :) ... الله ينور

اقتباس:

---

المشاركة الأصلية كتبت بواسطة abdoumahros

انا الصنايعي بوظ الطبه وللاسف السن اللي في الاكارتيره هوا اللي بظ

انا ركبت طبه تانيه مسكت كويس بس بقيت اشفط الزيت علشان خايف افكها تاني

---

والله العظيم اول مرة افك فيها الطبة بعد الصنايعي اعدت حوالي يومين في ايدي الم شديد نتيجة محاولة الفك .... وقررت بعدها اني اغير الزيت بنفسي بشتريه من التوكيل ومتأكد انه جركن محترم مش ملعوب فيه وبجيب الفلتر وبحاول انه يكون اصلي لان الغالبية للأسف مضروب وهعمل ايه بعمل الشغلانة دي كلها بإيدي ولا فهلوة الصنايعي اللي ماتعرفش تغلبه .

اقتباس:

---

المشاركة الأصلية كتبت بواسطة zeroten

والله العظيم اول مرة افك فيها الطبة بعد الصنايعي اعدت حوالي يومين في ايدي الم شديد نتيجة محاولة الفك .... وقررت بعدها اني اغير الزيت بنفسي بشتريه من التوكيل ومتأكد انه جركن محترم مش ملعوب فيه وبجيب الفلتر وبحاول انه يكون اصلي لان الغالبية للأسف مضروب وهعمل ايه بعمل الشغلانة دي كلها بإيدي ولا فهلوة الصنايعي اللي ماتعرفش تغلبه .

---

معلش ... ده الى كنا بنسميه .. الربط الحمارى .. عذرا على اللفظ .. بس ملهوش شرح اكتر من كدة :)

انا افضل اغير الزيت بنفسى ... بتفرج على العربية عن قرب .... لو فيها رشح او حاجة مخبوطة ... و زى ما قال الباشمهندس احمد البرعى ... لحسة زيت خفيفة على جوان الفلتر قبل ما يركب ... و ركب الفلتر و اربطه باليد .. و ياسلام لو لاحظت لو فيه زيت بينشع او بينقط بعد ما تغير الزيت و تدور العربية شوية

و ربنا يوفقك

اقتباس:

---

المشاركة الأصلية كتبت بواسطة ahmed_eng2001

معلش ... ده الى كنا بنسميه .. الربط الحمارى .. عذرا على اللفظ .. بس ملهوش شرح اكتر من كدة :)

انا افضل اغير الزيت بنفسى ... بتفرج على العربية عن قرب .... لو فيها رشح او حاجة مخبوطة ... و زى ما قال الباشمهندس احمد البرعى ... لحسة زيت خفيفة على جوان الفلتر قبل ما يركب ... و ركب الفلتر و اربطه باليد .. و ياسلام لو لاحظت لو فيه زيت بينشع او بينقط بعد ما تغير الزيت و تدور العربية شوية

و ربنا يوفقك

---

كل الشكر باشمهندس أحمد نورت الموضوع بتواجدك ومعلوماتك الرائعة

والفيديو ده هدية ليك ولإخواني الاعضاء .... شرح مفصل لتغيير زيت المحرك بشكل كامل وعلمي جدًا

https://www.youtube.com/watch?v=O1hF25Cowv8