رقم العضوية : 187785
تاريخ التسجيل : 09May2016
المشاركات : 5
النوع : ذكر
الاقامة : Riyadh
السيارة: Kia Cerato
السيارة[2]: Toyota yaris
الحالة :
السلام عليكم ورحمة الله
دي أول مشاركة ليا في المنتدى ده وحبيت أعرض تقييمي للهوندا سيفيك المظلومة حتى هنا في السعودية، كان معايا قبلها كيا سيراتو ٢٠١٥ هاي لاين وقعدت معايا حوالي سنتين إلا كام شهر وبعدها بدأت مشاكل الكوري تظهر من أصوات التابلو على المطبات والأسفلت الخشن وعيون القطط وخلافه إلى ضعف سحب العربية وصوت الموتور العالي، فقررت إني أشوفلها بيعة والحمد لله ربنا وفقني بعد بحث مطول إني أشوف السيفيك الجيل العاشر، بصراح أول شئ لفت نظري للعربية هو شكلها الجديد والمختلف في كل حاجة عن الجيل اللي قبلها، الشكل رياضي جميل وكمان فيها تطعيمات كروم على الأبواب وإطار الشبابيك حلوة جداً مع الاسبويلر على الشنطة بنفس لون العربية، الفرش من جوا جلد وخامته حلوة جداً وطري وحتى خامات التابلوه من البلاستيك الجيد المطعم بالجلد، العربية فيها أبل كار بااي وأوامر صوت ونظام ملاحة عالي جداً، طبعاً بحكم المسافات الشاسعة في الرياض عملت ١٥ ألف كيلو في ٤ شهور بس الحمد لله العربية لسة جديدة، صوت الموتور كويس بس طبعاً بيعلا بعد ٢٠٠٠ آر بي إم لإن التيربو بيشتغل، سحب العربية فظيع، من الصفر للمية في حوالي ٩ ثواني وده بدون تشغيل السبورت مود، أصوات من برة العربية أو من جواها مفيش، عزل العربية ممتاز ببدأ أسمع صوت الهوا بعد ال ١٥٠، كشافات إل إي دي كاملة ورا وقدام، مصابيح ضباب إل إي دي. عموماً العربية دي خرجت من المقارنة مع مثيلاتها في نفس الفئة زي الإلنترا و الكورولا والصني وغيرها لإن مفيش وجه مقارنة بينهم أساساًلا من ناحية المواصفات ولا الخامات ولا القوة، العربية هنا بتتقارن بالفئة الأعلى زي الأوبتيما و الكامري و المازدا ٦نيجي للعيوب..
العربية هاي لاين ومع ذلك مفيهاش مواصفات مقنعة مقارنة بسعرها زي المنافسين اللي ممكن تكون اسعارهم ارخص، زي المرايات الأوتوماتيك والمراية اللي في النص عادية مش كهربا ومفيش نظام مراقبة الخروج عن المسار ، أوحش حاجة في العربية هو الكاوتش، نازلة ببريدجستون تورانزا إي آر ٣٠٠ وده من أردأ أنواع البريدجستون وصوته عالي جداً على الأسفلت لكنه في نفس الوقت قافش في الأسفلت كويس، بس بوجه عام العربية تستاهل وحتكون مقنعة جدا لمحبي الأداء الرياضي. أنا معرفش العربية دي حتنزل مصر بمواصفات شكلها إيه بس معتقدش انها حتنزل تيربو، غالباً حتنزل ١٦٠٠ سي سي بدون تيربو. التصنيع أمريكي وليس تركي. إن شاء الله الموضوع التالي حنزل صور للعربية.
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
لو نزلت مصر هتنزل بالموتور ال ١٦٠٠ القديم
م/ احمـد عـزت
المفضلات