مشكلة فى اوتوماتيك رينو سينيك/ميجان

**RagehYS** · 13-12-2016 01:18 AM

السلام عليكم :)
عندى مشكلة بقالها فترة فى العربية بتاعتى ... رينو سينيك 2000 - زى الميجان 1 تقريبا فى كل حاجة - الفتيس الاتوماتيك بتاعها ماشى كويس مفيش مشاكل ... لحد ما ييجى ينقل اخر نقلة عند سرعة 80 كم تقريبا تقوم لمبة الفتيس منورة .. و الفتيس مينقلش ولا حتى ياخد الغيارات اللى تحت لما اهدى السرعة لحد ما ابطل العربية و ادور تانى .. تشتغل كويس مفيش اى مشاكل لحد ما اوصل للنقلة الاخيرة برضه ترجع تعمل نفس المشكلة ....

روحت عند ميكانيكى كشف كومبيوتر طلع فى ايرور فى الفتيس فى حاجة اسمها ( Oil pressure regulator ) .. قالى ممكن تبقى المشكلة كدة ان زيت الفتيس ناقص او مشكلة فى بلوف الفتيس ... قيسنا الزيت طلع ناقص كيلو تقريبا ... زودناه و لما مشيت بالعربية قعدت يومين مفيش المشكلة دى و الدنيا بقت زى الفل .... بعد يومين فجأة رجع نفس العيب تانى بالظبط ...

كدة انا مش عارف بالظبط المشكلة فين و هل فى امكانية لاصلاحه ولا شكلى هلبس فى تغيير الفتيس كله ولا ايه النظام !

و ياريت لو حد يعرف حد بيفهم فى فتيس الرينو كويس و يكون امين و ميلبسنيش كتير يعنى

**Colin Chapman** · 13-12-2016 04:37 AM

المركز الفنى لأصلاح جميع انواع الفتيس الاوتوماتيك
متخصصون فى مجال صيانة الفتيس الاوتوماتيك
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
- يوجد جميع انواع الفتيس الاوتوماتيك "استيراد"
- قطع غيار الفتيس الاوتوماتيك "استيراد-جديد"
- صيانه دوريه لجميع انواع الفتيس الاوتوماتيك
- صيانه وقائيه لجميع انواع الفتيس الاوتوماتيك
- لدينا الكشف على السيارة بأحدث اجهزة كشف الاعطال
- ضمان على جميع الفتيسات التى يتم صيانتها داخل المركز
ـــــــــــــــــــــــــ ـــــــــــــــــــــــــ ــــ
العنوان/ 71 شارع السودان بجوار البنك الاهلى المصرى فرع التكامل – المهندسين القاهرة
علامه مميزة/ امام محطة اتوبيسات بولاق الدكرور
موبيل/ 01095555626 – 01155598293 – 01020007957
ارضى/ 37626553-02

ادارة/
م: كرم طة
م: زاهر

**م أحمد** · 13-12-2016 01:07 PM

حساس ضغط الفتيس دى قطعة منفصلة فى الفتيس مستقلة بذاتها و مادام طالعة صريحة فى كشف الجهاز غيرها و بالمرة غير بلوف الفتيس الرئيسيين و اعمل سوفت وير ابديت لقيم البلوف الجديدة عند متخصص

و لازم تنزل الزيت القديم كله و تغير بزيت جديد
البلفين 1700 ج و الزيوت حوالى 500 و بلف الضغط مش عارف سعره زائد المصنعية يعنى كله ممكن يدخل فى 3آلاف
لو الفتيس بتاعك (و غالبا هو) DP0 يبقى هو توأم الAL4 بتاع بيجو حتى فى قطع الغيار !!!

أقرأ الموضوع دا

http://www.nilemotors.net/Nile/45988...post3875898401

**RagehYS** · 15-12-2016 03:37 PM

المشاركة الأصلية كتبت بواسطة م أحمد

حساس ضغط الفتيس دى قطعة منفصلة فى الفتيس مستقلة بذاتها و مادام طالعة صريحة فى كشف الجهاز غيرها و بالمرة غير بلوف الفتيس الرئيسيين و اعمل سوفت وير ابديت لقيم البلوف الجديدة عند متخصص

و لازم تنزل الزيت القديم كله و تغير بزيت جديد
البلفين 1700 ج و الزيوت حوالى 500 و بلف الضغط مش عارف سعره زائد المصنعية يعنى كله ممكن يدخل فى 3آلاف
لو الفتيس بتاعك (و غالبا هو) DP0 يبقى هو توأم الAL4 بتاع بيجو حتى فى قطع الغيار !!!

أقرأ الموضوع دا

http://www.nilemotors.net/Nile/45988...post3875898401

الف شكر على الرد :)
هو الحقيقة انا مش عارف الـ oil pressure regulator ده هو الحساس ولا البلف ! ...
و كمان كان فى ايرور تانى طالع فى الكشف على الفتيس Multifunction switch error ... انا قريت فى الموضوع التانى ان له علاقة بالقصة برضه بس مفهمتش قوى كدة المشكلة فين !

اللى انا فهمته ان الـ multifunction switch ده اللى بيوصل للعربية الفتيس على وضع ايه ... فعقلى بيقول انه يبقى مربوط بالحساس اكتر ماهو مربوط بالبلوف !
المشكلة ان الميكانيكية اللى سألتهم كلهم بيستسهلوا ان يقولوا سقط فيتيس جديد و خلاص .. و انا الحقيقة ميزانيتى مش هتسمح بده خااااالص الفترة دى .... فبحاول ادور لو فى حل تانى يظبط العيب اللى حاصل ده خاصة ان العربية فى باقى النقلات شغالة كويس و الفتيس مبيلخبطش غير فى اخر نقلة بس :(

**RagehYS** · 23-12-2016 10:58 PM

للرفع يمكن حد يفيدنى :(

**ahmed9adel** · 12-02-2017 12:02 PM

المشاركة الأصلية كتبت بواسطة RagehYS

السلام عليكم :)
عندى مشكلة بقالها فترة فى العربية بتاعتى ... رينو سينيك 2000 - زى الميجان 1 تقريبا فى كل حاجة - الفتيس الاتوماتيك بتاعها ماشى كويس مفيش مشاكل ... لحد ما ييجى ينقل اخر نقلة عند سرعة 80 كم تقريبا تقوم لمبة الفتيس منورة .. و الفتيس مينقلش ولا حتى ياخد الغيارات اللى تحت لما اهدى السرعة لحد ما ابطل العربية و ادور تانى .. تشتغل كويس مفيش اى مشاكل لحد ما اوصل للنقلة الاخيرة برضه ترجع تعمل نفس المشكلة ....

روحت عند ميكانيكى كشف كومبيوتر طلع فى ايرور فى الفتيس فى حاجة اسمها ( Oil pressure regulator ) .. قالى ممكن تبقى المشكلة كدة ان زيت الفتيس ناقص او مشكلة فى بلوف الفتيس ... قيسنا الزيت طلع ناقص كيلو تقريبا ... زودناه و لما مشيت بالعربية قعدت يومين مفيش المشكلة دى و الدنيا بقت زى الفل .... بعد يومين فجأة رجع نفس العيب تانى بالظبط ...

كدة انا مش عارف بالظبط المشكلة فين و هل فى امكانية لاصلاحه ولا شكلى هلبس فى تغيير الفتيس كله ولا ايه النظام !

و ياريت لو حد يعرف حد بيفهم فى فتيس الرينو كويس و يكون امين و ميلبسنيش كتير يعنى

حضرتك بنسبة كبيرة هتلاقى سلوك حساس الضغط سايحة و ده عيب منتشر فى الفتيس ده. خلى حد يعزلها كويس و كله هيبقى تمام.