السلام عليكم كنت عايز اعرف احسن نوع زيت لمطور نيسان صني ماشيه 60000km بيعمل احسن اداء و يستحمل الحرق و الجري
عرض للطباعة
السلام عليكم كنت عايز اعرف احسن نوع زيت لمطور نيسان صني ماشيه 60000km بيعمل احسن اداء و يستحمل الحرق و الجري
وضح نوع الصنى اللى معاك شكل قديم و لا جديد .. و الموديل
هى ال 2010 اللى فى البروفايل بتاعك ؟؟
صني 2010 n16
أفضل زيت اللي مواصفاته مكتوبة في الكتالوج...
دي صفحة توصيات الزيت من كتالوج الصني N16..
http://nileup.com/up/uploads/nilemotors_14600224151.jpg
http://nileup.com/up/uploads/nilemotors_14600224152.jpg
توصيات الزيت بتاعت العربية تعتبر متواضعة .. لإن العربية مقصود إنها تبقى اقتصادية في التشغيل.. والموتور اللي فيها يعتبر قديم..
ملخص التوصيات كالتالي:
اللزوجة:
20W-50 أو 20W-40 أو 20W-20
15W-50 أو 15W-40
10W-50 أو 10W-40 أو 10W-30
ممكن تحط 5W-30 في حالة إنه زيت تخليقي فقط.. غير كده ما ينفعش.
مستوى الأداء:
- API SE على الأقل ... يعني يمشي معاك أي زيت مكتوب عليه SE أو SF أو SG أو SH أو SJ أو SL أو SM أو SN
- ILSAC GF-1 على الأقل... ودي تكافئ مستوى SG .. بس بتديك حماية أكتر شوية في الظروف الشاقة.
بردو تقدر تحط أي زيت مكتوب عليه GF-2 أو GF-3 أو GF-4 أو GF-5... بس دول مس موجودين إلا في اللزوجات الخفيفة بس (10W-30 أو أقل).
المهم..
حسب التوصيات دي وحسب طريفة استخدامك اللي بتوصفها.. فالأفضل إنك تحط زيوت بلزوجات تقيلة.. ﻹن اللزوجات التقيلة هي اللي بتستحمل الأحمال العالية..
أي زيت معدني في السوق باللزوجات اللي آخرها 50 تمشي معاك.. وهتكون ممتازة معاك..
أنا شخصيا أفضل زيت التعاون SM بلزوجة 20W-50... زيت مستوى جودته أعلى من كل الماركات المعروفة التانية.. بما فيها موبل وشل وكاسترول وتوتال.
ولو حبيت تحط تخليقي فللأسف مفيش زيت تخليقي يناسبك غير زيوت آمسويل التقيلة.. وأعتقد إن عندهم زيت بلزوجة 20W-50...
ادخل على الموضوع ده.. فيه تفاصيل أكتر علشان تعرف تختار الزيت الصح اللي يناسبك ويناسب عربيتك..
http://www.nilemotors.net/Nile/481878-a.html
...
الجمله بالازرق دى .. هل موجوده فى الكتالوج ؟اقتباس:
اللزوجة:
20w-50 أو 20w-40 أو 20w-20
15w-50 أو 15w-40
10w-50 أو 10w-40 أو 10w-30
ممكن تحط 5w-30 في حالة إنه زيت تخليقي فقط.. غير كده ما ينفعش.
حسب الجدول لغايه 15 مئويه .. ام ان الجدول كان معمول لزيوت غير تصنيعيه ؟؟
ارجو التوضيح
تحياتى و اهزازى و تقديرى
مؤكد إن الجدول عامل حسابه إن الزيوت اللي هتتحط كلها معدنية.. والزيوت المعدنية بلزوجة 5w-30 مش موصى إنها تشتغل في درجات حرارة عالية..
إنما الزيوت التخليقية ممكن تشتغل في أي درجة حرارة.. مع مراعاة أقل درجة حرارة لبداية التشغيل.
أما حاليا.. فالكتالوجات بتوصي باللزوجة حسب أقل درجة حرارة العربية "هتبدأ" تدوير المحرك فيها فقط.
...
فيه حلقه مفقوده !!! بيتهيئ لى فى عامل تانى داخل فى الموضوع
الجدول اللى كنت بعته لك .. كان زيت تصنيعى و موصى بحراره 16 مئويه فقط !! للموتور بتاعى ؟؟
يمكن مستوى الخدمه ( بس الزيت اللى بعته فى الجدول مستويات الخدمه بتاعته عاليه طبعا ) .. و اكيد ان الموقع بيتكلم عن الزيوت بتاعته ( موش المعدنيه )
اعتقد فى عامل آخر هو السبب ؟؟
موش عارف ؟؟
موش فاهم الجمله دى معناها ايه ؟؟ ممكن توضيحاقتباس:
أما حاليا.. فالكتالوجات بتوصي باللزوجة حسب أقل درجة حرارة العربية "هتبدأ" تدوير المحرك فيها فقط.
و كلمه " اما حاليا " .. دى بدء من سنه كام بالتقريب .. يعنى من كام سنه نقريبا
تحياتى و اعزازى و تقديرى
استخدم زيت كاسترول 10w40 شبة تخليقى