الموضوع: احسن نوع زيت !!!

أفضل زيت اللي مواصفاته مكتوبة في الكتالوج...


دي صفحة توصيات الزيت من كتالوج الصني N16..




توصيات الزيت بتاعت العربية تعتبر متواضعة .. لإن العربية مقصود إنها تبقى اقتصادية في التشغيل.. والموتور اللي فيها يعتبر قديم..

ملخص التوصيات كالتالي:

اللزوجة:
20W-50 أو 20W-40 أو 20W-20
15W-50 أو 15W-40
10W-50 أو 10W-40 أو 10W-30
ممكن تحط 5W-30 في حالة إنه زيت تخليقي فقط.. غير كده ما ينفعش.

مستوى الأداء:
- API SE على الأقل ... يعني يمشي معاك أي زيت مكتوب عليه SE أو SF أو SG أو SH أو SJ أو SL أو SM أو SN
- ILSAC GF-1 على الأقل... ودي تكافئ مستوى SG .. بس بتديك حماية أكتر شوية في الظروف الشاقة.
بردو تقدر تحط أي زيت مكتوب عليه GF-2 أو GF-3 أو GF-4 أو GF-5... بس دول مس موجودين إلا في اللزوجات الخفيفة بس (10W-30 أو أقل).


المهم..

حسب التوصيات دي وحسب طريفة استخدامك اللي بتوصفها.. فالأفضل إنك تحط زيوت بلزوجات تقيلة.. ﻹن اللزوجات التقيلة هي اللي بتستحمل الأحمال العالية..

أي زيت معدني في السوق باللزوجات اللي آخرها 50 تمشي معاك.. وهتكون ممتازة معاك..

أنا شخصيا أفضل زيت التعاون SM بلزوجة 20W-50... زيت مستوى جودته أعلى من كل الماركات المعروفة التانية.. بما فيها موبل وشل وكاسترول وتوتال.

ولو حبيت تحط تخليقي فللأسف مفيش زيت تخليقي يناسبك غير زيوت آمسويل التقيلة.. وأعتقد إن عندهم زيت بلزوجة 20W-50...


ادخل على الموضوع ده.. فيه تفاصيل أكتر علشان تعرف تختار الزيت الصح اللي يناسبك ويناسب عربيتك..

http://www.nilemotors.net/Nile/481878-a.html


...

المشاركة الأصلية كتبت بواسطة tasaka

الجمله بالازرق دى .. هل موجوده فى الكتالوج ؟

حسب الجدول لغايه 15 مئويه .. ام ان الجدول كان معمول لزيوت غير تصنيعيه ؟؟

ارجو التوضيح

تحياتى و اهزازى و تقديرى

مؤكد إن الجدول عامل حسابه إن الزيوت اللي هتتحط كلها معدنية.. والزيوت المعدنية بلزوجة 5w-30 مش موصى إنها تشتغل في درجات حرارة عالية..

إنما الزيوت التخليقية ممكن تشتغل في أي درجة حرارة.. مع مراعاة أقل درجة حرارة لبداية التشغيل.

أما حاليا.. فالكتالوجات بتوصي باللزوجة حسب أقل درجة حرارة العربية "هتبدأ" تدوير المحرك فيها فقط.


...