بصراحة موضوع جامد جدا جدا جدا جدا
الف شكر
بصراحة موضوع جامد جدا جدا جدا جدا
الف شكر
من ساعة ماشتريت العربية السيئة دي وانا نفسي اقيمها
إنت قيمت المحرك : 9/10 ودة رئيك انا بقول انة مش اكتر من 7/10 دة كفاية صوتة
و الثبات : 6/10 الثبات بالمساعدين ازبالة بتاعتها البولندي اخرة 4/10 بالمنرو 7/10
و الراحة : 5/10 الصراحة الصراحة انا لو رايح مشوارطويل بروح موصلات علشان مأندمش اني جبت عربية 2007 مش عارف اسافر بيها وانا مرتاح دي ضيقة وزفت.
و الاعتمادية : 8/10 مش عارف ممكن اتفق معاك في دي شوية.
و المتانة : 8/10 لاء الصراحة كنت فاكر زيك كدة لحد مخبطني موتسكل في الداير بتاع الرفرف وبوظة فعرفت انها اوحش من صاج الفيرنااو زية.
و التصميم : 6/10 الصراحة ميخدش اكتر من 2/10 يراجل دة كفاية القف والفرش الي جاي كلة اخطاء والتصميم القديم جدا ولا الشنطة الي واخدة من الصالون كتير قوي.
و القيمة بالنسبة للسعر : 7/10 انا شايف ان السعر مبالغ فية دة انا كنت حعيط لما عرفت انها وصلت 72 الف جنية دي عالم بتسطعبط هي حلو عليها قوي 50 الف.
أكتر عيوب جايبلي الضغط:
1-التكيييييف زباااااااااااااااااااالة
2-الكراسي ضيقة جدااااااااااااااا
تمام كدة .. كلام سليم
بس التصميم 4/10 في رأيي لانه قديم و ثابت من التسعينات يعني مفيش فرق بينك و بين العربية اللي بقالها 15 سنة !!
--------
بصراحة انا لو هجيب هفضل الفيرنا لعدة اسباب :
قبل اي اسباب هي الارخص !!
1- الاداء مش وحش هو معقول ولا يعيبها الا الثبات (زي الشاهين مش فارقة كتير)
الاعتمادية في الفيرنا انت وحظك بصراحة بس الف مين يظبطها
2- يمكن يكون موتور الشاهين انعم لكن موتور الفيرنا اهدىء كتير و تجيب الـ 120 و الار بي ام مش عالي قوي كدة زي الشاهين
3- شكل الفرينا مش اوى لكن جديد الي حد ما
4- الفيرنا عفشة انعم و تكييف اقوى بكتير و سهولة اكتر في السواقة يعني دبرياش طري بمدى صغير و فتيس مرن عارف حاراته كويس
5- اذا كانت الشاهين سحبها حلو فالفيرنا طيارة بردة
--------
ارجع و اقول اذواق بس الشاهين تعيش اكتر مفيش فيها كلام (اتفرج على الاكسنت اللي مفوته بعد 10 سنين شغل يمكن مكملوش) ... يمكن لو هجيب تاكسي افضل الشاهين و هي عربية كويسة و فيها مميزات مش موجودة في اي عربية في تمنها او اغلى منها حتى زي الدفع الخلفى ..
انما الملاكي مش مشكلة ان العربية تكون ضعيفة شوية بس تريحني بمعنى
(سهولة قيادة - عفشة طرية - تكيف قوى - صوت هادىء - سحب قوي)
شكرا لكل اللى اهتموا بالتقييم و بجد كلمات الاعجاب الرائعة أثلجت صدرى,
شكرا يا استاذ سبعاوى على مجاملتك الرقيقة و بجد هى وسام على صدرى.
استاذ كاسبر فعلا انا مقدر وجهة نظرك, الفيرنا ممكن تكون أحسن للبعض حسب الاستخدام, لكن برضو قرار شراء السيارة فى الأول و الأخر اعتقد انو فيه نسبة كبيرة جدا من العاطفة, يعنى شراء سيارة زى زواج الحب لا زواج العقل :).
أستاذ زيزو فون أعتقد انو مشكلتك الأساسية انك شارى الشاهين و متوقع منها انها تبقى زى عربية ب200 الف, مستحيل طبعا, عموما انا نصيحتى ليك بيعها مادام مش حاببها انا نفسى مقدرش اتخيل انى اركب عربية انا مش حاببها.
علي فكرة و بالرغم من اني كان رأيي في المقارنة اللي بين الشاهين و اللادا مش اللي هو او مش اد كدة من ناحية الشاهين لكن طريقة شرحك و تقييمك حلوة جداً.
بس انا مش معاك في كام نقطة منهم انها افضل من اللانوس و الفيرنا في الأداء!!!!!!!!!!
انا اشك جدا في ده و سيبك من كلام التاجر انها احسن من الكوري و الياباني طيب لو فرضنا انها احسن من الكوري و معتقدش برضه اني ده صحيح يبقي ازاي احسن من الياباني؟؟!!
و للعلم انا سقت التلاتة الشاهين و الفيرنا و اللانوس (حضرتك لو سقت اي واحدة غير الشاهين طبعا ياريت تقول لنا عن تجربتك) و بصراحة بالنسبة لسواقتي للانوس كانت مشكلة بجد حكاية و الفيرنا ناعمة و متسمعلهاش حس تقريبا اما الشاهين فأنا كنت بقول كويسة و خلاص لكن بصراحة برضه لما سقتها حسيت انها عربية حلوة بجد و سواقتها عجبتني اوي غير ما كنت متوقع بس لما شغلت التكييف و انا ماشي طلع نار.
و علي كل ربنا يباركلك فيها و اهم حاجة يكون كل واحد مبسوط من العربية اللي راكبها و مقتنع بيها لحد ما يجي يوم ونغير.
تقييم رائع مع انى ما كنتش بحب العربية دى لكن انت خلتنى افكر فيها بالتقييم المرتب ده
التقييم ده كان ناقص بعض الصور وكان هيتثبت
اخوكم يوسف
مسقتش الفيرنا لكن سقت الاكسنت و معجبتنيش, على فكرة الأكسنت هى هى الفيرنا تقريبا فى كل حاجة ماعدا الشكل,
الشاهين أعتقد ان تسارعها اعلى من اللانوس و الفيرنا و يمكن استنتاج ذلك بسهولة من مواصفات كل السياراتين, بس يمكن هتحس انو الفيرنا أسرع بسبب سهولة القيادة و صوت المحرك المنخفض, سهولة قيادة السيارة و نعومة صوت المحرك بتدى احساس كاذب بالتسارع,لكن الحقيقة غير ذلك, لكن ربما تكون الفيرنا سرعتها القصوى اعلى قليلا من الشاهين.
العبارة التى اوردتها فى الأول ديه على لسان التاجر نقلتها بالضبط زى ما قالهالى , و عموما هى عبارة مطلقة منقدرش نقيمها.
10 / 10 اسلوبك و تقييمك
انا حابب ازود حاجة
المواطن المصرى العادى لما يشترى عربية موضوع الثبات عند سرعة 180 موضوع لا يهمه فى شىء لانه اساسا ما بيجريش اكتر من 110
و من الممكن تظبيط الثبات بقص لفة من الياى عشان العربية توطى و نقرب نقطة الثقل من الارض و كمان مساعدين مونرو و كده كفاية اوى
اهم شىء بالنسبة لعربية عادية بتاعة شخص عادى يعنى مش شوماخر مثلا انى انزل من البيت و ادور تدور اروح مشوارى و ارجع بدون مشاكل و مش عايز اجرى اكتر من 120 لو مستعجل و اصلا مفيش طريق فى مصر يستحمل السرعة دى و لو الجو حار قوى التكييف يظبطه شوية اما لو حر نص نص هستحمله و مش هشغل التكييف علشان استهلاك الوقود و مش مشكلة لو الفتيس بيعض شوية او الدركسيون تقيل حبة ما هو انا مش شارى بى ام دبليو
و نسيت تقول ميزة مهمة جدا هى سهولة اعادة البيع و انها ماسكة سعر فى السوق و كمان انك ممكن تعمل فيها اى شغل برة التوكيل
نسيت تقولنا بتستعمل بنزين كام
متوسط استهلاكها للبنزين جوة البلد و على السريع
درجة احتمال العفشة للطرق المكسرة و بتظبط عفشة كل اد ايه
فيه ناس كتير اشتكت من الكرونة فى الشاهين , فهل ده حقيقى
فيه ناس كتير بتقول ان نظام الانجكشن بتاع الشاهين وحش اوى و غيروه الى كاربراتير ما هو تعليقك
و الف شكر يا باشا
شكرا على الملاحظات الذكية,
فعلا انا فى 90% من الأحيان مبحتجش أى سرعة فوق ال120 كلم/ساعة على الأقل داخل المدينة لكن فيه طرق بتحتاج فيها للسرعة و خاصة اثناء السفر. و خشونة القيادة مش فارقة معايا كتير.
انا بستعمل بنزين 92 دايما و ماشى معاها كويس, و فى قليل من الأحيان 90 عندما لا اجد 92, لكن ال92 انسب للسيارة.
متوسط استهلاكها لم احسبه بشكل دقيق, لكنه ليس مثاليا, العربية 1600 سى سى و دفع خلفى و ده ليس فى صالح استهلاك الوقود, هو فى المدينة له حدود معقولة (حوالى 180-200 كيلو فى الصفيحة), لكن لاحظت انو استهلاك الوقود يرتفع بشكل كبير لو تعديت ال120 كلم/ساعة, و السبب هو أن مقاومة الهواء ربما تتضاعف عند هذه السرعة حيث يصل تدفق الهواء الى مرحلة الدوامات.
العفشة معملتش أى مشكلة لحد دلوقتى, و اخر مرة ربطت العفشة كانت عند ال20 الف و من ساعتها اهملت ذلك تماما منذ أن توقفت عن الذهاب الى التوكيل, لكن ناوى اربطها قريب, و احتمالها للصدمات و المقبات ممتاز.
انا مشتكتش من الكرونة لحد دلوقتى, يمكن انا حظى حلو مع العربية, لكن من فترة كبيرة سمعت صوت شبيه بصليبة الكردان, و كشفت على العربية و مطلعش فيها حاجة, و الصوت اختفى بعدها, غير كده مفيش مشكلة, و لم اعرف حتى الأن مصدر هذا الصوت الحقيقى.
نظام الانجيكشن ملوش اى مشكلة و كفاءته عالية جدا و انا عمرى ما سمعت حد اشتكى منه, عيبه الوحيد انو احادى النقطة أى لا يضمن توزيع متساوى للوقود على كل الاسطوانات, لكنه ذو جودة عالية نظرا لأنه ينتمى لشركة ماجنيتى ماريللى الايطالية, و مكشفتش عليه برضو من ساعة ما بطلت اروح التوكيل, و مشاكله معدومة و يؤدى وظائفه بكفاءة و هو احدى اسباب تفوق المحرك, و أداءه جيد عند ادارة المحرك على البارد و أثناء التسخين, لكن فيه تخوف طبيعى فى مصر دائما من اى اضافات الكترونية للسيارة, و ده مفهوم لأن الأجهزة الالكترونية عموما اعطالها فجائية و معقدة و غير مفهومة دائما.