مشكرو جدا على هذا الاداء الرائع فى التقديم ولكم هل جميع الشاهين 1300 برده دفع خلفى ولا دفع امامى
مشكرو جدا على هذا الاداء الرائع فى التقديم ولكم هل جميع الشاهين 1300 برده دفع خلفى ولا دفع امامى
ياراجل ازاى اخترت الشاهين
مفيش احسن من الحجات الناعمة دى زى الفيرنا والانوس
الشاهين كفاية شكلها من ورة وشكل الكرونا الفظيع
(كان معايا شاهين بعتها والحمد للة)
تقيم محترم جدا من انسان غايه فى الاحترام و الزوق
طريقه كتابة حضرتك للموضوع 100 /10
بالرغم من اختلافى فى معاك فى بعض النقاط بس عجبنى جدا التقيم ككل .
انا رأيى المتواضع فى الشاهين فيها تلات عيوب 2 منهم قابلين للاصلاح
1- خامات الصالون من فرش الكراسى و السقف سيئه جدا ... بس ديه امرها سهل جدا جدا سروجى كويس يظبط الموضوع ده بأجود انواع الخامات .
2- عفشه و كاوتش من اسوا مايمكن و هى من اهم اسباب سوء سمعة الشاهين , الحل تغير ال4 مساعدين بمساعدين من نوع مونرو , و تغير الكاوتش ب كاوتش من ماركه محترمه مقاس 185-13 و الثبات بيتحسن للافضل بشكل كبير .
3- الفرامل و ديه المشكله الى معرفناش ليها حل ... تيل الفرامل بيتاكل بشكل سحرى !! و الفرامل نفسها ادائها مش ممتاز .
شكرا يا أستاذ مهاب على الرد و المجاملة الرقيقة,
بالنسبة لموضوع الكاوتش فأنا غيرته فعلا الى بيريللى, لكن ده ميعتبرش عيب كبير, و أنا مش شايف انو النسر سىء للدرجة, و فيه عربيات محترمة جدا بتنزل بكاوتش نسر, عندك مثلا البيجو 405 كانت بتنزل بكاوتش نسر, منقدرش نعتبره عيب.
خامات الصالون متوسطة, و مش حاسس انى محتاج أكتر من كده, و عموما الكراسى ليست متعبة للدرجة, الا انها لا تلتف حول الجالس كما هو الحال فى معظم السيارات الحديثة.
العفشة انا مش شايف فيها عيوب, لو عايز تحسن اداء السيارة بشراء عفشة من نوع شهير فده يدخل فى اطار تعديل السيارة, لكن المساعد مش سىء أبدا, و لم اعانى منهم, و الشاهين سمعتها كويسة جدا, الناس بتجيبها على سمعتها بس.
العربية فعلا بتاكل التيل بسرعة, لكن بمعدل فى حدود المعقول, هو عمره الافتراضى فى معظم السيارات الاقتصادية 20 الف, و تقريبا التيل بيعمل 15-20 الف, مش فرق كبير, خصوصا انو رخيص.
موضوع رائع وتفييم ممتاز
شكرا فادي
انا بقى معايا شاهين 2004 1400 من 5 سنين بالتمام والكمال
مشيت فيهم 45 الف كيلو منهم 40 الف في طرق آسف في الكلمة زبالة مدينة بس الأرياف احسن منها
المحصلة مازلت مقتنع بالعربية ومش محتاج اغيرها
غيرت الكاوتش فيها للأعرض 185 70 ومساعدين قدام مونرو من سنة عشان كان واحد مرشح زيت
غيرت البطارية من 5 شهور بس (البطارية بتاعتها قعدت 4 سنين ونص!!) كانت كلورايد
من حوالي شهرين العربية عملت حركة غريبة وكانت بتبطل بصورة وحشة ومش راضية تمشي (طلعت عايزة مشط اسبراتير) جبت الايطالي بـ 97 جنيه وبقت تمام
تيل الفرامل مغيرتوش ولا مرة والباقي الحمد لله كله تمام
كذا مرة مراية الجنب تتكسر اروح لاقرب محل بـ 25 جنيه
وش الفانوس ورا كذلك 10 15 جنيه
فيها ميزة عاجباني قوي ان وانا سايقها بحس اني متحكم فيها ومتملك منها وده بيديني شهور بالأمان والسيطرة عكس عربيات تانية ، كنت بسوق عربية تويوتا 85 كان الباور بتاعها مرعب لدرجة اني كنت ببقى مكلبش في الدريكسيون وانا سايقها وخصوصا ع السرعة
وانا بركن برضه واضحة جدا ابعادها (بس مش سهلة طبعا من غير باور)
بجد العربية مناسبة جدا للبلد دي وربنا يسترها
تقرير مميز من قائد محترف ولكنك لم تطرق الى فتيس الشاهين السئ للغايه ذو البلي الخشن الي خلاني اكره الشاهين
انا باشكر الاستاذ فادي على التقييم الرائع وانا كان عندي شاهين 1300 موديل 95 كان والدي جايبها زيرو وبعتها في شهر 10 اللي فات بعد لما قضيت معاها احلى 13 سنه من ايام اولى ابتدائي لحد ماروحت بيها الجامعه وعايز استفسر عن الشاهين ال1400 2008 هي انجيكشن ولالا وليه مابتنزلش بتكييف وباور ؟ مع العلم ان واحد صاحبي كان عنده شاهين 2001 وكانت 1400 وتكييف وباور بتوع المصنع وليه موديل 1600 مابينزلش بزجاج كهرباء زي الدوجان
انا تطرقت الى خشونة السيارة أثناء القيادة عموما, و فعلا علبة التروس خشنة و مرهقة, و لكن هتعتاد عليها بعد فترة, انا عموما اتعودت على سواقة العربية حاليا و مبقتش الخشونة فارقة معايا كتير.اقتباس:
تقرير مميز من قائد محترف ولكنك لم تطرق الى فتيس الشاهين السئ للغايه ذو البلي الخشن الي خلاني اكره الشاهين
على حد علمى الشاهين 1400 بتنزل باور بس من غير تكييف, و هى انجيكشن زى ال1600 و نفس المحرك بس بحجم أصغر, و عيبها فعلا عدم وجود التكييف,السبب انو نصر نزلت ال1400 عشان معظم مبيعاتها تبقى للتاكسيات و ال1600 عشان الملاكى, لكن فعلا خسرت ال1400 كثيرا من سوقها بفضل عدم وجود التكييف, و كان يمكن جعله اختياريا على الأقل.
ال1600 تفتقد فعلا للزجاج الكهربائى, لكن بينى و بينك هو ملوش اهمية كبيرة, و فى بعض السيارات مشاكله أكبر من مميزاته, كان عندنا فى البيجو 405 المكنة مصرى و باظت مرتين فى أقل من سنة.
حاجة تانية ال1600 مش بديل للدوجان, زمان كان فيه الدوجان و ديه الفئة الفخمة و الشاهين و هى الفئة الأقل, ثم تم الغاء الدوجان و بقيت الشاهين, عشان كده الشاهين حاليا مفيهاش نفس فخامة الدوجان بتاعة زمان.
اشكرك يا استاذ فادي على الرد وربنا يباركلك في عربيتك..........وشكرا