باذن الله سوف افتح قطع غيار سيارات وعايز دراسة جدول وقائمة بقطع الغيار الاكثر احتياجا للملاكى والنقل والفئات الاكثر انتشارات والمحلات الجملة الموجودة فى التوفيقية واى معلومة جزاكم الله خيرا
عرض للطباعة
باذن الله سوف افتح قطع غيار سيارات وعايز دراسة جدول وقائمة بقطع الغيار الاكثر احتياجا للملاكى والنقل والفئات الاكثر انتشارات والمحلات الجملة الموجودة فى التوفيقية واى معلومة جزاكم الله خيرا
انا مش عندي دراسة جدوي لكن عندي شوية نصايح يمكن تنفعك. رايي تتخصص ما ينفعش نقل و ملاكي و كل حاجه لانك كده هتتعب عشان تتعلم و تلم كل الحاجات دي مرة واحدة. اتخصص ملاكي و كمان كوري أو ياباني أو صيني أو ألماني عشان تركز و تلم كل العربيات في الفئة بتاعتك. تاني حاجه انت محتاج مبلغ معقول عشان تبدأ بيه مش اقل من ربع مليون جنيه عشان تحمل محل معقول في ظل الاسعار الحالية. ثالثا أنت جاي في فترة صعبة و كساد رهيب علي كل المجالات ف لازم تامن نفسك و تدرس الموضوع كويس و تحط في بالك انك تعد تتحمل فترة جامدة لحد الامور ما تمشي. اخيرا في تاجر كبير اسمه عايد عند كوبري عرابي في شبرا الخيمة قرب كلية الزراعة جامعة عن شمس و عندك واحد تاني في وسط البلد جنب التابعي الدمياطيبتاع الفول و الطعمية في وش محطة موبيل للاسف اسمه تايه عن بالي لكن روح هناك و هتلاقي كل الناس عارفاه لانه عنده عمارة كاملة بتاعته. في بقي شوية تجار كويسين لكن واخدين اماكن صغيرة في شوارع التوفيقة الضيقة و دول لازم تتمشي و تعرفهم من هناك. منهم واحد اسمه الاخلاص في الشارع اللي قدام سنترال رمسيس. بالتوفيق ان شاء الله.
انا برضه مع فكرة التخصص يعنى ممكن تشتغل فى الفرنساوي او الالمانى ونوووع بضاعتك يعني متخليهاش كلها اصليه او كلها صيني علشان الزبون يبقى قدامه الاختيار
الموضوع مش بسيط ... معقد حبتين ... و على رأى واحد زميلنا فى المنتدى .... قطع الغيار دى عاوزة مال قارون و صبر ايوب
حضرتك حتحتاج تختار مكان كويس .... تختار تجار معقولين .... و ربنا يسترها معاك
آراء الزملاء السابقه غايه في الدقه والامانه تحيه لهم جميعا .... وحضرتك ربنا يوفقك ويفتح عليك من وسع .
انا عايز لسته بالبضاعة زى مثل ى المكانيكا اجيب طرمبة المياه والكهرباء اجيب لمض ايه وى السيور والجلد ايه اللى محتاجة وى الكماليات اللى المحتاجه يعنى عايز قائمة بالمشتريات اللى ممكن ابدا بها