مشروع قطع غيار السيارات

**ahmed wahat** · 20-12-2016 09:39 PM

باذن الله سوف افتح قطع غيار سيارات وعايز دراسة جدول وقائمة بقطع الغيار الاكثر احتياجا للملاكى والنقل والفئات الاكثر انتشارات والمحلات الجملة الموجودة فى التوفيقية واى معلومة جزاكم الله خيرا

**svneleven** · 21-12-2016 07:41 AM

انا مش عندي دراسة جدوي لكن عندي شوية نصايح يمكن تنفعك. رايي تتخصص ما ينفعش نقل و ملاكي و كل حاجه لانك كده هتتعب عشان تتعلم و تلم كل الحاجات دي مرة واحدة. اتخصص ملاكي و كمان كوري أو ياباني أو صيني أو ألماني عشان تركز و تلم كل العربيات في الفئة بتاعتك. تاني حاجه انت محتاج مبلغ معقول عشان تبدأ بيه مش اقل من ربع مليون جنيه عشان تحمل محل معقول في ظل الاسعار الحالية. ثالثا أنت جاي في فترة صعبة و كساد رهيب علي كل المجالات ف لازم تامن نفسك و تدرس الموضوع كويس و تحط في بالك انك تعد تتحمل فترة جامدة لحد الامور ما تمشي. اخيرا في تاجر كبير اسمه عايد عند كوبري عرابي في شبرا الخيمة قرب كلية الزراعة جامعة عن شمس و عندك واحد تاني في وسط البلد جنب التابعي الدمياطيبتاع الفول و الطعمية في وش محطة موبيل للاسف اسمه تايه عن بالي لكن روح هناك و هتلاقي كل الناس عارفاه لانه عنده عمارة كاملة بتاعته. في بقي شوية تجار كويسين لكن واخدين اماكن صغيرة في شوارع التوفيقة الضيقة و دول لازم تتمشي و تعرفهم من هناك. منهم واحد اسمه الاخلاص في الشارع اللي قدام سنترال رمسيس. بالتوفيق ان شاء الله.

**Colin Chapman** · 21-12-2016 07:54 AM

المشاركة الأصلية كتبت بواسطة svneleven

انا مش عندي دراسة جدوي لكن عندي شوية نصايح يمكن تنفعك. رايي تتخصص ما ينفعش نقل و ملاكي و كل حاجه لانك كده هتتعب عشان تتعلم و تلم كل الحاجات دي مرة واحدة. اتخصص ملاكي و كمان كوري أو ياباني أو

صيني

أو ألماني عشان تركز و تلم كل العربيات في الفئة بتاعتك. تاني حاجه انت محتاج مبلغ معقول عشان تبدأ بيه مش اقل من ربع مليون جنيه

عشان تحمل محل معقول في ظل الاسعار الحالية. ثالثا أنت جاي في فترة صعبة و كساد رهيب

علي كل المجالات ف لازم تامن نفسك و تدرس الموضوع كويس و تحط في بالك انك تعد تتحمل فترة جامدة لحد الامور ما تمشي. اخيرا في تاجر كبير اسمه عايد عند كوبري عرابي في شبرا الخيمة قرب كلية الزراعة جامعة عن شمس و عندك واحد تاني في وسط البلد جنب التابعي الدمياطيبتاع الفول و الطعمية في وش محطة موبيل للاسف اسمه تايه عن بالي لكن روح هناك و هتلاقي كل الناس عارفاه لانه عنده عمارة كاملة بتاعته. في بقي شوية تجار كويسين لكن واخدين اماكن صغيرة في شوارع التوفيقة الضيقة و دول لازم تتمشي و تعرفهم من هناك. منهم واحد اسمه الاخلاص في الشارع اللي قدام سنترال رمسيس. بالتوفيق ان شاء الله.

**gade2** · 21-12-2016 10:58 AM

انا برضه مع فكرة التخصص يعنى ممكن تشتغل فى الفرنساوي او الالمانى ونوووع بضاعتك يعني متخليهاش كلها اصليه او كلها صيني علشان الزبون يبقى قدامه الاختيار

**ahmed_eng2001** · 21-12-2016 12:29 PM

الموضوع مش بسيط ... معقد حبتين ... و على رأى واحد زميلنا فى المنتدى .... قطع الغيار دى عاوزة مال قارون و صبر ايوب

حضرتك حتحتاج تختار مكان كويس .... تختار تجار معقولين .... و ربنا يسترها معاك

**Colin Chapman** · 21-12-2016 02:38 PM

المشاركة الأصلية كتبت بواسطة ahmed_eng2001

الموضوع مش بسيط ... معقد حبتين ... و على رأى واحد زميلنا فى المنتدى .... قطع الغيار دى عاوزة مال قارون و صبر ايوب

حضرتك حتحتاج تختار مكان كويس .... تختار تجار معقولين .... و ربنا يسترها معاك

بارك الله لك وفيك وعليك

**akmm** · 21-12-2016 03:34 PM

آراء الزملاء السابقه غايه في الدقه والامانه تحيه لهم جميعا .... وحضرتك ربنا يوفقك ويفتح عليك من وسع .

**ahmed_eng2001** · 21-12-2016 07:01 PM

المشاركة الأصلية كتبت بواسطة Colin Chapman

بارك الله لك وفيك وعليك

و يباركلك يا استاذنا

**Colin Chapman** · 22-12-2016 04:26 AM

المشاركة الأصلية كتبت بواسطة ahmed_eng2001

و يباركلك يا استاذنا

يارب امين

والله لست استاذ لكن انا دائم البحث فى عالم السيارات

**ahmed wahat** · 25-12-2016 10:13 PM

انا عايز لسته بالبضاعة زى مثل ى المكانيكا اجيب طرمبة المياه والكهرباء اجيب لمض ايه وى السيور والجلد ايه اللى محتاجة وى الكماليات اللى المحتاجه يعنى عايز قائمة بالمشتريات اللى ممكن ابدا بها