الموضوع: مساعدة اهل الخبرة في ظل ارتفاع الاسعار

الماروتى فىها كل المتطلبات الا التكييف والاوتوماتيك

سمعت ان ممكن يركبلها موتور وفتيس الالتو الاوتوماتيك (بيتجابو من احمد حلمى)
وممكن يتركبلها تكييف

انا مع ان محدش يلعب فالعربيه وتتساب زى ماهيا من غير تغيير

ممكن تخليها لفتره انتقاليه لمده سنه مثلا وبعد كدا تتباع ويتجاب بدلها حاجه احسن

المشاركة الأصلية كتبت بواسطة مارس

انا اول مرة اعرف ان الماروتي بدون تكييف حضرتك متاكد و لا تقصد ان تكيفها تعبان ، رجاء التوضيح ؟
وانا كمان من رايك ان محدش يلعب فالعربيه بس انا لاقيت الاوتوماتيك اغلي بكتير و بيبقي موديل قديم ، لكن فكرة حضرتك انها تبقي انتقاليه بردو عجبتني ، لكن السؤال هل بتبقي الخساره فيها كبير خصوصا ان موديل 2013 دخل في فئه ال 40 نات لل 50 نات خصوصا لو ماشيه 50 كم او اقل

الماروتى بتنزل من غير تكييف
انا معايا ماروتى موديل 1998
ممكن يتركبلها تكييف وفى موضوع هنا عن تركيب التكييف
مشفتش حد ركب تكييف فى عربيه بتنزل اساسا من غيره وراضى
التكييف هيضعف اداء المحرك- الماروتى كلها 800 سى سى 3 سليندر

اهم حاجه فالمستعمل الحاله
لو بتفكر فالماروتى, حاول تكون كم قليل- اقل من 60 الف كم عشان تكون مصارفها قليله بعد كدا
كمان سنه مين عارف سعرها هيكون كام ويمكن تعجيك ومتبعهاش زى كدا
كنت جايبها لمراتى تتعلم عليها سواقه- رسيت انى انا بستخدمها لكل المشاوير البهدله ونزول وسط البلد وهى لسه متعلمتش سواقه
ولو بعتها انهاردا بفلسها ممكن اجيب اى فون 7 بالسماعه فقررت اخليها

حط فى بالك اى عربيه مستعمله لازم تصرف عليها اول متشتريها
هتصرف حاجات اساسيه زى نقل الملكيه والفحص (1200 جنيه مثلا)
صيانه احطياطيه - تغيير زيت- فلاتر- (500 جنيه)- ممكن سير كتينه- طقم كهرباء- تيل فرامل
حاله الكاوتش لوحده بند كبير (2000 جنيه مثلا)
تظبيطاط للدلع (فرش- كاسيت- انذار وسينتر) 1000 جنيه مثلا

ربنا يفقق فالاختيار