لو سمحتم ممكن اعرف أفضل زيت للفيات 127 وهل يفضل زيت لزوجته معينة فى فصل الصيف والشتاء
عرض للطباعة
لو سمحتم ممكن اعرف أفضل زيت للفيات 127 وهل يفضل زيت لزوجته معينة فى فصل الصيف والشتاء
حسب المكتوب في كتالوجات الـ127 والفيات عموما.. فالزيت المطلوب مواصفاته كالتالي:
اللزوجة 15w-40
مستوى الأداء: API SE على الأقل..
بناء على المواصفات دي.. تقدر تحط أي زيت لزوجته 15w-40 في السوق تقريبا.
عموما.. أنا أنصحك بالزيت ده:
زيت مصر للبترول (مصر 1) بلزوجة 15w-40 ومستوى أداء api sl
ولو حسيت إنه غالي.. الزيوت التانية عند مصر للبترول أرخص.. بس مش بنفس مستوى الأداء.
...
باشمهندس أحمد إزيكاقتباس:
المشاركة الأصلية كتبت بواسطة borio1704
إسمح لى نخرج برة الكتالوج فى النقطة دى عن تجربة متكررة فى ال 128
اللزوجة دى مش هتنفع مع عربية من السبعينات او التمانينات نظرا لحالة الموتور و اتساع خلوصاته حتى لو لسة متعمر ...كنت بستخدم شل 15W50 فلقيت صوت الموتور عالى فنقلت على توتال 20W50 اللى بيقولو بيقعد 5000 آلاف و كان افضل زيت على الاطلاق
زيت التعاون او مصر للبترول لاحظت انه بيسخن جدا لدرجة خرطوم الفايظ كان بينتنى مش شدة الحرارة (اتجاه الفايظ كان لفوق مش تحت) و مرة المكنة فضت زيت بالكامل و اتسرب من الجوانات لما الخرطوم اتنى و قفل بخر الزيت
زيوت موبيل اسوا زيوت حاليا من ناحية سرعة البخر الغريبة !!! و مع اكتر من لزوجة سواء لعربية قديمة او عربية جديدة و دا لقيته مكتوب فى جروبات عربيات زيرو
رأييى توتال 20w50 اللى بيقعد 5 آلاف كيلو احسن زيت و مشيت بيه مرة فى الصيف 6 ساعات متواصلة تقريبا (5متصل و فاصل 5 دقائق و بعدها ساعة) و أداؤه ممتاز مع ال 128 أخت ال 127
افضل زيت جربته لل 127 كان لزوجته فعلا 20w50
من بين الشركات كان زيت شل الله يرحمه
و التعاون كان ممتاز
من الآخر شوف زيت
متعدد الدرجات
20w50
sf
بس اهم حاجة انك تغيره من البنزينة مش من محلات الزيوت علشان تضمن انه مش مضروب
اقتباس:
المشاركة الأصلية كتبت بواسطة م أحمد
أمال لو قلتلك تحط 10W-30 ولا 20W-40 زي ما كانوا كاتبين في كتالوجاتهم زمان!!!
الصورة دي من كتالوج الـ128 موديل 78.. والكلام اللي فيها اتعمم على فيات كلها بعد كده..
http://nileup.com/up/uploads/nilemotors_14838185441.png
وده ترجمة للمكتوب (ترجمته على google translate)
It is now available, the new oilofiat for Otto engines "Multigrade 15W/40" covering the range of applications of Fiat oils "Multigrade 10W / 30" and "Multigrade 20W / 40" - it is an oil with the level MIL-L- 46152 - API SE - European Specification CCMC.
Therefore, the table on the bottom of the page "supplies" of the booklet "Use and Maintenance" is thus modified:
قبل كده كانوا بيتسخدموا 10W-30 للحرارة تحت الصفر.. وفوق الصفر بيستخدموا 20W-40...
وعندي كتالوج صيانة لفيات أونو سنة 1996... وفيها نفس موتور الـ127 (الـ903 cc)... وفيه توصيات الزيت بردو 15W-40 .. بس بمستوى أداء API SG أو مطابق للمواصفات الأوروبية القديمة CCMC G2/G3..
بالنسبة لتجربتك مع الزيوت التانية.. حاول تفتكر إيه أنواع الزيوت اللي حضرتك استخدمتها من ناحية مستوى الأداء.. لإنهم أكيد مش زي بعض...
عموما.. زيوت التعاون مستواها أعلى شوية من زيوت مصر للبترول.. وكفاية إن عندهم زيت معدني بمستوى SM.. ومطابق للمواصفة الأوروبية ACEA A3/B4.. وكمان مطابق لمواصفات فولزفاجن VW 501.00 ومواصفات مرسيدس 229.1.. ونادر قوي تلاقي زي معدني بمستوى الأداء ده في الشرق الأوسط.. ويكاد يكون مفيش أصلا.
المؤكد بالنسبالي إن الزيوت الحديثة من التعاون ومصر للبترول هيكون أداءهم كويس زي أداء الزيوت العالمية..
بالنسبة لزيوت موبل.. فالزيوت المعدنية بتاعتهم مفيهاش حاجة مميزة.. وأغلب تطبيقاتهم في أمريكا مش في أوروبا.. ويبدو إن العربيات الأوروبية فيها حتة إنها بتاكل زيت فبتبقى عايزة نوعيات مخصوصة من الزيوت مش محتاجاها العربيات الأمريكية واليابانية.
عموما.. أنا دايما بدور على مستوى الأداء قبل اللزوجة.. لإنها هي الأهم.. مش اللزوجة خالص.
...
بصراحة مش بدقق فى موضوع الأداء كنت بسأل بس عن فترة الزيت....و دايما شغال على النصف تخليقى و النصف معدنى (5000 كم) شل الاصفر مثلااقتباس:
المشاركة الأصلية كتبت بواسطة borio1704
و المقارنة كلها لنفس الكيلومتر اللى بيقولو عليه....يعنى بيقول لى دا شل او موبيل او التعاون او مصر للبترول او كالتكس او توتال 5000 كم و سعره كذا
فدى كانت النتيجة و الملاحظة كانت واضحة فى موضوع سخونة الخرطوم و انثنائه على نفسه من شدة درجة حرارة بخر الزيت...مش كدة و بس الموتور كان خفيف ساعتها كمان معدل نقصان الزيت كان سريع للتعاون او مصر للبترول مش فاكر..و الفرق بينه و بين شل مثلا فى معدل البخر كان هو تقريبا فرق الفلوس بينهم !!!
و اشك ان عندنا زيوت او منتجات بترولية عموما ذات قدرة تنافسية عالمية و الاسباب كتير !!! يا هندسة دا بنزين 92 طلع 87 !!!
بالمناسبة كتالوج الكورولا فى المناطق الباردة اوى بيوصى بتزويد زيت كل ألف كيلومتر لان العربية يلزمها زيت خفيف اوى فى الحالة دى... يعنى بخر الزيت مرتبط برضه بالاجواء دون النظر لمصنع السيارة
عموما.. أنا متأكد إن في فرق كبير في الأداء..اقتباس:
المشاركة الأصلية كتبت بواسطة م أحمد
مصر للبترول والتعاون زي ما عندهم زيوت متقدمة بالنسبة للسوق.. عندهم بردو زيوت متخلفة جدا.. وكله بيتباع والناس بتشتري بنظام ال1000 وال3000 كيلو والكلام الفاضي ده
وعمر ما حتلاقي شركة زيت تمنعك تشتري زيت كتير.. ماهو كله مكسب..
الصح إنك تدور على أداء الزيت حسب كتالوج عربيتك.. وتخليه شغال في موتورك المدة اللي يقول عليها الكتالوج...
حسب كتالوج ال128... الزيت اللي كانوا بيوصوا إنه يتحط فيها (api se) كان المفروض يتغير على 5000 كم... وبالمقارنة مع زيوت دلوقتي.. فأحقر زيت بتعمله التعاون أو مصر للبترول حاليا يعتبر أعلى منه (api sf)... ولو عايز تخليه في الموتور أكتر من كده خليه..
عموما.. أنا سمعت ناس كتير بتشكر في زيت التعاون sm.. ولما ترجع للداتاشيت بتاعته تلاقيه مطابق لمواصفات مرسيدس وفولزفاجن للعربيات ما قبل سنة 2005 بالإضافة لمواصفة api sm.. يعني تتوقع منه مستوى أداء كويس.
بالنسبة لموضوع استهلاك الزيت في الكورولا.. فالكتالوج مش بينصح بزيادة الزيت كل 1000 كيلو..
الكتالوج بينبه المالك إنه ممكن الزيت يستهلك بحد أقصى 1 لتر كل 1000 كيلومتر..
الحد الأقصى ده علشان يحصل محتاج ظروف معينة تحصل مع بعض.. أولها هو استخدام زيوت خفيفة (0w-20 مثلا) .. ولازم العريية تكون في ظروف التحميل القصوى ولفترة طويلة.. بمعنى إنك تكون محمل أوزان كبيرة أو بتقطر كارافان أو بتطلع جبل مثلا وفي نفس الوقت بترفع دوران المحرك لحدود الخط الأحمر باستمرار.
على فكرة... نفس معدل استهلاك الزيت ده مكتوب في كتالوج السيراتو عندي (1 لتر لكل 1000 كيلومتر)..
ومع إني باستخدم زيت خفيف نسبيا (5w-30).. إلا إن الزيت عندي مش بينقص نهائي من ساعة ما جبتها من حوالي 4 سنين (ودي حاجة أنا مستغربها بصراحة)..
بس أنا جايب زيت مراعي فيه كل طلبات الكتالوج بالكامل.. وأعتقد إن هو ده سر الأداء اللي مريحني ومريح العربية خلال الفترة دي.
...