نصيحة بشأن فورد فوكاس ١٠٠٠ سي سي ٢٠١٧!

**citadeldeath** · 03-01-2017 07:38 AM

الأصدقاء الأعزاء،

أحتاج نصيحتكم بشان اقتناء سيارة فورد فوكاس ١٠٠٠ سي سي الجديدة لعام ٢٠١٧؛ طبعًا أعرف أنه لم يتسلم أي واحد منكم السيارة بعد، والتوكيل قال لي أن الدفعة الأولى سيتم تسليمها قريبًا جدًا والدفعة الثانية في شهر ٤. المهم، أعلم أن السيارة هي نفسها فوكاس ١٥٠٠ سي سي باختلاف المحرك المدعم، لذا أتمنى أن تشاركوني خبراتكم مع السيارة خلال الفترة التي جرى طرح السيارة بها أي منذ عام ٢٠١٥ وحتى الآن، ماذا عن مزاياها؟ ماذا عن عيوبها؟ ماذا عن التوكيل وتوافر قطع الغيار به أو الأعطال التي ظهرت على السيارة في تلك الفترة؟ هل هناك مشكلة مع بنزين ٩٢؟ هل تنصحوني باقتناء السيارة أم أن نيسان سنترا قد تكون أفضل لعائلة؟

وشكرًا مقدمًا

**MADMIDO** · 03-01-2017 10:46 AM

بص الفورد هتتعبك مش اي حد يصلحلها انا معايا فورد بتاعت والدي لما بترخم في قطع الغيار بتبقي كارثه لكن هي معايا من الزيرو من زمان فاتعودت انت كان معاك لانسر فيرنا خليك في السنترا ارحم في قطع الغيار و الصيانه اسهل من الفورد لكن لو بتدور عل اسم فورد ده شئ تاني و تستحمل الصعوبات في قطع غيارها و انك تلاقيها و الصيانه بتاعتها بره التوكيل عند 5 لو 6 ميكانيكيه بس عل مستوي القاهره الكبري بس و المحلات بتاعت القطع هما حوالي 5 او 6 برده في القاهره الكبري برده

**citadeldeath** · 03-01-2017 11:53 AM

شكرًا على الرد...أنا الحقيقة ما بتعاملش إلا مع التوكيل، أنا كان معايا نيسان صني برضه وقبلها فيرنا وكل صيانتهما كانت في التوكيل، فمعنديش مشكلة في الموضوع ده...

**a7medsh3rawi** · 21-01-2017 07:53 AM

تقريبا كل مشاكلها الفتيس وحراره الموتور
وبفكر اجيبها برضه

**ALshahba** · 23-01-2017 02:10 PM

فورد فوكاس الجديده ......
موفرة في البنزين - عزم قوي - تسارع عالي - سرعه عاليه - اقل انبعاثات حراريه بفضل الموتور ذو السعه الصغيره وايضا تكنولوجيا "ايكو بوست"

قطع الغيار غاليه طبعا مقارنتا بالانواع الاخري....ولكن انت راكب فورد , يعني دخلت علي كاتيجوري تاني عالي
اعادة البيع مش سريعه لان السوق المصري المسيطر عليه هو الكوري والياباني وجزء من الالماني ..... لكن ليها زبونها

تقبل مروري
في امان الله

**tasaka** · 23-01-2017 04:04 PM

اعتقد نقطه هامه لابد من دراستها

انك تدرس التوجه للمواتير الصغيره جدا جدا مع استخراج قدره عاليه منها لسيارات ذات حجم كبير

هل ده توجه صحيح ؟؟ ام لا .. ام توجه له اسبابه !!

بمعنى دراسه مدى قدره هذه المواتير الصغيره على الاستمراريه .. يعنى بعد كام سنه موتور زى ده حيفضل سليم ؟

انا لا اتحدث عن ابداع التصميم .. لكن اتحدث عن الاعتماديه

**tasaka** · 23-01-2017 04:09 PM

المشاركة الأصلية كتبت بواسطة a7medsh3rawi

تقريبا كل مشاكلها الفتيس وحراره الموتور
وبفكر اجيبها برضه

المواتير الصغيره جدا بيحصل لها Overheating فى بعض الماركات الاخرى .. و جزء من حل تخفيض الحراره هو جعل الخليط Rich لاستغلال الوقود فى امتصاص الحراره الزائده ( الوقود له القدره على التبريد و ايضا زيت المحرك )

ما اعرفش هل فورد كده ام لا .. لكن لو حسب كلامك انها بتسخن زياده .. يبقى فى احتمال انها تكون نفس الفكره التى ذكرتها باعلى

**tasaka** · 23-01-2017 04:16 PM

deleted

**nm2311** · 20-02-2017 02:03 PM

في أخبار عن الإستلام ؟

**mohamed physic** · 20-02-2017 09:33 PM

طب عايز اعرف يا جماعه هل حجم العربيه والصالون الداخلي زي ماهو عن الموديل ال 1500cc ولا حجمها بقى اصغر ؟

الموضوع: نصيحة بشأن فورد فوكاس ١٠٠٠ سي سي ٢٠١٧!

LinkBack

أدوات الموضوع

عرض

-

-

المواضيع المتشابهه

النترا ٢٠١٧ ولا شيراتون ٢٠١٧

فورد فوكس ١٠٠٠ سي سي الجديدة

أحتاج نصيحة بشأن كاوتش تيريوس 99

مطلوب نصيحة بشأن تركيب ريموت و ان>ار فى السيريون

نصيحة بشأن شراء ميجان

المفضلات

المفضلات

ضوابط المشاركة