اقتباس المشاركة الأصلية كتبت بواسطة refaat78 مشاهدة المشاركة
الموضوع طويل قوي.. بس هحاول اختصر
السوزوكي برجمان 650 executive هو ملك السكوترات..
2 سيلندر.. 650 سي سي.. ستيب ترونيك.. مرايات ضم.. سكرين كهرباء.. فرامل abs.. تخزين واسع.. قعده مريحه للاتنين راكب.. موديل بدايه من 2006 لغاية 2012.. ومن 2013 اتعدل الشكل لكن الموتور هو هو..
سعره جديد حالياً لن يقل عن 150 الف جنيه.. مستعمل لو 2007-2008 ممكن يبقي في حدود 50 الف..
عيوبه صيانته وقطع غيار قليله شويه وغاليه.. استهلاك بنزين عالي
الهوندا سيلفر وينج 600 سي سي.. 2 سيلندر.. ناعم وقوي سريع جدا.. اعطاله شبه منعدمه.. قطع غيار متوفره اكتر وارخص وفيه منها اصلي وتايوان وصيني.. حجمه كويس جدا..
الياماها تي ماكس.. 500 سي سي.. 2 سيلندر.. رياضي اكتر منهم الاتنين.. تخزين ضيق.. قطع غيار متوسطه..
انت عامةً بتقارن بين افضل 3 انواع سكوترات.. بس اقلهم تكلفة تشغيل وارخصهم الهوندا.. بعده الياماها واغلاهم السوزوكي..
احلي ركوبه السوزوكي.. اشيك واكبر واتقل عالارض..
الياماها شبه الريس اكتر..
الهوندا زيرو اعطال..
بخصوص الشراء.. هتلاقي معروض هنا.. بس لو عندك سكه بره هيبقي اضمن طبعاً.. عشان ممكن في مصر يبقي ملعوب ق'في عداد الكيلومتر..
ممكن كمان تدخل علي اكبر جروب سكوترات في مصر عالفيسبوك.. Cairo Scooters Club هتلاقي معلومات كتير.. ولو عايز تسأل علي حاجه كلمني.. 01225400411
اشكرك جدا على التوضيح الوافي ولو في اي حاجه محتاجها هتصل على حضرتك