السلام عليكم كنت من يومين بغير العلبه الكبيره الداخليه للشكمان اللي بتكون تحت الكنبه
علشان القديمه انتهت
المهم الميكانيكى جابلى واحده جديده
وقالي تمنها بالمصنعيه ٨٠ ج
قلتله وماله اشتغل
بعد ماقطع القديمه وشالها
وهو بيركب الجديده
جاب مسمار تخين بسمك صابع اليد
ودخله فى فتحه الشكمان
اللي موجود فيها اخرام صغيره على شكل
دائره جنب بعض كده
وبعدين دق خرم بالمسمار فى النصف
وقلب العلبه وعمل نفس الخرم بالمسمار
تانى
ولما سألته ليه كده قالي دى حاجه ليا انا
علشان مش بثق فى اخرام المصنع
هل كلامه ده صح ولا قلة ضمير من الميكانيكى؟
وهل ده يكون سبب فى الصوت العالى؟
المهم دلوقتى صوت الشكمان عالي شويه
ولما بجيب الغيار الثالث والرابع صوت الشكمان بيكون عالى جدا
رغم اني بشوف فيات ١٢٨ اخرى صوتها واطى جدا جدا
على الرغم أنى بعد ماغيرت العلبه الداخليه
اشتريت باقى الشكمان العلبه الخارجية اللي بتكون عند الاكصدام والماسوره كلها جديده وتوكلت على الله وركبتها
بس برده الصوت عالى
ولما بجيب اخر الغيار الصوت بيكون عالى جدا
وبيعلى اكتر فى الغيار الثانى والثالث والرابع والعربيه بتكون مكتومه عند ٨٠
اعزرونى مش عارف اعمل ايه اصلى لسه جديد فى الحاجات دى
برجاء من اهل الخبره الافاده
وشكرا جزيلا لحضراتكم