نقاش مفتوح
هل المحركات الصغيره المزوده بتيربو هى اتجاه تصميمى امثل ؟ ام ان هناك اسباب اخرى
ام هو حل اجبارى مؤقت ينفذ حاليا ( للخروج من مأزق الجدول االزمنى الملزم لانبعاثات السيارات للوقت الحالى ) !! .. و اضطرت اليه الشركات المصنعه للسيارات بسبب جدول التوقيتات الاجباريه للقوانين البيئيه المنظمه لانبعاثات السيارات
بناءا على ما صرح به بعض كبار صانعى السيارات بانه سيتم العوده الى محركات اكبر ( للالتزام بجدول توقينات الانبعاثات لمواكبه االمتطلبات المستقبليه للجدول االزمنى الملزم لانبعاثات السيارات )
متابع
والله من وجه نظري التي لا قيمه لها علي الاطلاق إطلاقا والله كل العالم بقا شغال بمواتير صغيره و تلاته سليندر لتقليل استهلاك البنزين و اكيد الانبعثات بسباب الازمات الماليه الي بيعاني منها العالم و بتأثر علي الاشخاص الاداء مش بيختلف كتير مع وجود التريبو لكن عندنا في مصر مع البنزين المغشوش ايدك و القبر من العربيات ديه
الفكره ان العربيات علشان يسمح بتسويقها .. لازم تحقق التزامات معينه و تحصل على الموافقات الضروريه .. و الا لا يسمح بتسويقها .. يعنى شركات السيارات تفلس
دى هى الاهميه الحقيقيه لتلك القوانين .. و الشركات لازم تلتزم علشان تستمر ( موش حبا فى الحفاظ على البيئه )
و الجدول الزمنى مضغوط جدا حاليا و فى المستقبل القريب .. و ده اللى خلاهم يلجئوا لحلول سريعه ( غير مبتكره ) .. حتى يتسنى لهم بعض الوقت لايجاد حلول دائمه
و كمان الاختبارات القياسيه ستتغير فى المستقبل القريب جدا .. مما سيضع ضغوط اضافيه على الشركات للتوافق مع المتطلبات البيئيه
دى وجهه نظرى الشخصيه
اقتباس:
المشاركة الأصلية كتبت بواسطة tasaka
المحركات الثلاثة سلندر واتنين سلندر + تيربو ستكون حل دائم !!!!!!وثلاتة سلندر بدون تيربو كمان!!!!رقم الاوكتان هيكون مهم جدا فى السنوات القادمة المقبلة ولا نعلم كيف التصرف مع ردائة البنزين المصرى بمختلف انواعه!!!والحل رفع الاداء مع خلايا هيدروجين
والغاز الطبيعى لن يفيد ايضا!! لاءنه ليس بكفائة الهيدروجين!!
https://scontent-frt3-1.xx.fbcdn.net...52&oe=58DBBC90
اللى اقصده بالمحركات الصغيره و الكبيره .. هو سعه المحرك و ليس عدد السلندرات ..
بمعنى العوده الى زياده سعه المحركات ( الكلام المبدئى ان نسبه الزياده موش كبيره )
مشكلنهم مش عدد السلندرات لكن المشكلة في سعة المحرك نفسه لان عدد السلندرات بتتحكم فيه وجهة النظر التصميمية و الجدوي الاقتصادية و تكاليف الانتاج و اداء المحرك. لكن عدد السلندرات ما اعتقدش ان له علاقة مباشرة مع الانبعاثات.
أتفق مع أخي tasaka في وجهة نظره...
ولازم نخلي بالنا من حاجة.. إن فكرة استخدام التيربو في المواتير الصغيرة أساسها جاي من أوروبا.. لإن قوانين البيئة في أوروبا صارمة جدا..
لحد دلوقتي معظم العربيات مطابقة لمعايير Euro 4 للبيئة.. وEuro 5 طالبة اشتراطات أعلى بكتير والشركات مش قادرة تلاحق.
خد على سبيل المثال حالة فولزفاجن لما بدأت تغش في نتائج الاختبارات بتاعت البيئة... ده دليل واضح على عدم قدرة شركة كبيرة زي فولزفاجن على تلبية الطلبات الحالية... فما بالك بالطلبات المستقبلية!!!!!
عموما.. شركات العربيات العالمية بتبقى عايزة أداء كافي في الأساس .. والمسألة مالهاش دعوة بسعة المحرك نهائي إلا في بعض الدول المتخلفة - زي مصر للأسف - اللي لسه بتحاسب على الجمرك حسب سعة الموتور على اعتبار إن السعة مرتبطة باستهلاك الوقود... مع إن أي عربية بموتور 2400 cc دلوقتي بيستهلك بنزين زي عربية 1600 cc من 30 سنة.. وبيطلع حوالي ضعف الطاقة اللي كان بيطلعها موتور الـ2400 من 30 سنة.
الفكرة كمان إنك لما تركب تربو على موتور صغير.. فإوعى تتخيل إن استهلاك البنزين هيكون زي استهلاك نفس الموتور من غير تربو... مؤكد مؤكد مؤكد الاستهلاك هيزيد ويقرب من استهلاك الموتور العادي الأكبر اللي بيطلع نفس القدرة الحصانية.
الميزة اللي عرفتها قريب إن المواتير اللي فيها تربو بيبقى أداءها أحسن كتير لو بتستخدم العربية في مناطق جبلية أو مرتفعة عن سطح البحر بالمقارنة مع موتور عادي بيطلع نفس القدرة الحصانية ونفس العزم..
الفكرة هنا إن الموتور العادي بيتأثر بسهولة جدا بالجو الخارجي ونسبة الأكسجين اللي فيه... والمعروف إن كل ما ترتفع عن سطح الأرض كل ما نسبة الأكسجين قلت.. وبالتالي جودة حرق الوقود كمان بتقل جدا.
الموتور اللي فيه تربو مش بيتأثر بشدة في الحالات دي زي الموتور العادي .. لإنه معتمد أساسا على ضغط الهوا أكتر من الطبيعي... وبالتالي فحتى لو نسبة الأكسجين أقل.. التربو يقدر تشحن هوا كفاية للحرق بكفاءة.
طبعا دي ميزة مهولة في أوروبا.. لإن أوروبا فيها أماكن جبلية كتير.. واستخدام التربو هيفرق كتير في الحالة دي.
عموما.. وبعيدا عن موضوع التربو خالص... أنا شايف إن التوجه حاليا رايح للعربيات الكهربائية.. وحاليا العربيات الهجينة تعتبر حل مؤقت في تقليل الانبعاثات بشدة... بس ما زالت أسعارها تعتبر غالية شوية عن العربيات العادية..
واحنا طبعا ما لناش دعوة بالكلام ده... وماعتقدش الحكومة هتسمح بدخول السيارات الكهربائية في السوق قبل ما تلاقيلها شريحة جمركية تدبح بيها اللي عايز يشتريها... كعادة الحكومات المصرية خلال الـ60 سنة الماضية.
لنا الله.
لنا الله.borio1704
وجهة نظرك لها قيمة كبيرة طبعااقتباس:
المشاركة الأصلية كتبت بواسطة bahaa mohamed
يعنى فى الغالب من 800 الى 1200 سى سى مش اكتر من كده !!اقتباس:
المشاركة الأصلية كتبت بواسطة tasaka
لا اعتقد .. خصوصا لتر و اقل .. لانه موش حيقدر يحقق متطلبات الانبعاثات المستقبليهاقتباس:
المشاركة الأصلية كتبت بواسطة Colin Chapman
و فى شركات تنوى رفع السعات الموجوده حاليا .. و خصوصا للديزل
ساوضح لاحقا
سابقا ارسلت لسيادتك على الخاص روابط للواحد والاثنين سلندر هل شملتهم بعين الرعاية والاهتمام من جانبك !!؟؟اقتباس:
المشاركة الأصلية كتبت بواسطة tasaka
رديت عليك على الخاصاقتباس:
المشاركة الأصلية كتبت بواسطة Colin Chapman
افكار التصميم الجديده دى حاجه كويسه
لكن انا باتكلم على ارض الواقع .. اللى بيتم دلوقتى .. ده بيتم ليه
هل لانه تصميم امثل ؟؟
ممكن محرك 4 سلندر واحد لتر .. ايه الجديد فى التصميم هنا ؟؟ زود تيربو ؟؟ ايه الجديد برضه
سؤالى هل ده يعتبر تطوير ؟؟ ... ام حل واقعى لقوانين ملزمه حاليه
تحياتى و اعزازى
اقتباس:
المشاركة الأصلية كتبت بواسطة tasaka
حل واقعى لقوانين ملزمه حاليه
طيب و لو ده حل واقعى .. و لتفرض انه كان اجبارىاقتباس:
المشاركة الأصلية كتبت بواسطة Colin Chapman
يبقى اللى حيشترى الان يضمن منين الاستمراريه لسيارته كسعر لفنره 10 سنوات مثلا ؟؟
يعنى من 20 او 10 سنين مثلا .. اللى بيشترى عارف ان ده الاتجاه اللى ماشى فيه المستقبل القريب و المتوسط للسيارات .. عربيات عاديه مع اختلاف السعات و عدد السلندرات .. يعنى كل شيئ واضح للمشترى .. و سعر المنتج و البيع سيكون طبيعى بعد 10 او 15 سنه مثلا
و لو ده اتجاه اجبارى او حل مؤقت .. يضمن منين ان المنتج جيد تصميمه جيد .. و ان السعات الصغيره دى مصممه لكى تتحمل الاحمال المطلوبه لفتره كبيره من الزمن بدون تلف المحرك
و يضمن منين ان عربيه اشتراها النهارده يجدها بعد 7 او 10 سنين غير مناسبه لتكنولوجيا ذلك الوقت ( سيارات هجين او كهربائيه ) .. او حتى سيارات عاديه و لكن بعد رفع سعه المحركات مره اخرى ( حتى و لو بنسب قليله )
اتجاه التطوير للمستقبل القريب جدا .. سيارات هجين Hybrid كفتره انتقاليه ( قد يكون بحلول 2020 تقريبا ) .. ثم سيارات كهربائيه ( المفترض ان ده قبل 2025 ) ..
يعنى بنتكلم فى فتره قريبه جدا جدا .. 7 سنوات بالكتير من الان لانتاج السيارات الهجين Hybrid و الكهربائيه بكثافه .. خصوصا فى اوروبا
اما للمستقبل البعيد .. فده لسه شويه .. لن يتضح الان ماذا تنتوى شركات السيارات
صعب جدا ضمان شىء كهذا !؟!!
. يضمن منين ان المنتج جيد تصميمه جيد و ان السعات الصغيره دى مصممه لكى تتحمل الاحمال المطلوبه لفتره كبيره من الزمن بدون تلف المحرك !؟!
The article is very useful for us, please to be updated daily Cat Mario