الموضوع: خبراء سوبارو

المشاركة الأصلية كتبت بواسطة body

السلام عليكم ورحمة الله وبركاتة

عايز اعرف يااحلى شباب ماهو الاسرع فى سوبارو 2009 الهاتشباك ولا السيدان
وكمان عايز اعرف ماهو الاسرع فالسوبارو المانيوال ولا الاتوماتيك
وهل زرار الكيك داون لسة موجود فى 2009 ولا لا

عايزكم تنصحونى لان انا بحب السرعة فا انا عارف ان السوبارو العربية الذى لاتقهمر على الطريق فاعايز اعرف الاسرع الهاتشباك ولا السيدان اللى قيادتها رياضية اكتر وفيها قوة

-
مش حقدر أفيدك فى حكاية الكيك داون دى ..
-
لكن اللى أعرفه ان الهاتش باك والسيدان يعتبروا عربية واحدة ..
-
الفرق الوحيد فى الشكل الخارجى من وراء .. غير كده مفيش .. ]ده حتى الوزن بتاعهم واحد والسيدان أطول ب 17 سم ... لكن العرض و الارتفاع والواجهة متطابقين ..
-
الأوتوماتيك بتاعهم مفيش فرق واحد بينهم
-
المانوال .. فى فرق بسيط ... ان السيدان مفيهاش فتيس الدوال رانج Dual Range
-
لما دورت على النت لقيت ان trans-axial بتاع العربيتيتن واحد وده معناه ان نقل العربيتين المانوال مفيهوش فرق ..

-
فى الكتالوج .. أرقام العزم فى الهاتش باك لما بتكون فى وضع العزم الأقل بتكون أأقل من السيدان لكن بيتساوى العربيتين لما الهاتش باك بتجيب الدوال رينج على وضع العزم العالى ..
-
وده معناه ان استهلاك البنزين فى السيدان أعلى من الهاتشباك .. لان الهاتش ممكن تجيب الدوال رينج على وضع العزم الواطى وبالتالى استهلاك البنزين أأقل ..
لكن لما سألت فى النقطة دى فى التوكيل قالوا ان السيدان بتظبط بين العزم العالى والواطى لوحدها ...
-
عموما العربيتين أدائهم واحد .. وانا لما سوقت الهاتش باك محستش بفرق حتى والفتيس على وضع العزم العالى .....
---
بس الامبريزا عامة مش أسرع عربية فى فئتها .. بسبب الدفع الرياعى ..
لكن فيها مميزات كتيرة أحسن من التسارع وكده ..

الكيك داون بتاعها حلو في حالتين وتحب صوته وادائه لما تكون ماشي علي 40 او 50 يعني علي التاني وترزع كيك داون تحس ان الناس كلها بتبص عليك مرة كنت ماشي في جسر السويس ولسة واحد باكسنت هياخد غرزة رحت رازع كيك داون من صوت العربية وهجومها راح الواد راجع مكانة وفيه الكيك داون من علي ال100 لل120 سحبته جامده اوي اما بالنسبة للزرار فهما عملو حركة عجبتني اوي السنة دي لو عايز تجيب الاوفر درايف او الاس زي في عربيات تانية بتجيب الفتيس في حارة المانيوال حتلاقي لمبة في العداد نورت (سبورت) هو ده الاس لو عايز تفصلوا يامة تعمل شقت اب او داون يا اما ترجع علي الدي

انا جربت الكيك داون قي الاوتو كان جبار

المشاركة الأصلية كتبت بواسطة body

امممممم طيب ياباشا ممكن اعرف احسن عربية فى التسارع موجودة اية هيا

أى عربية مانوال بتبقى أسرع من الاوتوماتيك بتاعتها والسرعة القصوى كذلك ...
-
لو شفنا العربيات ال 1500 و 1600 اللى فى الفئة دى فمفيش الا اللانسر الجديدة ال 1500 اللى ممكن نقول عليها بتطلع أسرع من السوبارو بفرق واضح لان اللانسر دفع أمامى وأخف فى الوزن من السوبارو .. على فكرة الامبريزا أوتوماتيك وزنها 1350 كجم
و المانوال 1310 كجم وهى أثقل عربية فى الفئة دى ..
-
بس متشغلش بالك بحكاية مين أسرع وكده .. وبلاش تفكر فى الحكاية دى وانت بتشترى ان شاء الله .. لانه كله كلام فاضى .. دى عربيات 1600 يعنى الشركات بتاعتها بتعملها علشان تستهلك بنزين أأقل مش علشان أداء عالى ...
-
السوبارو من أحسن العربيات فى السعر ده ..

المشاركة الأصلية كتبت بواسطة hanystars

الامبيرزااللى فى الرالى بتكون wrxوفى فى مصر واحده بس موديل 2004وكان سعرها 320الف

-
تمام
كان ليا الحظ انى أركب العربية دى وهيا واقفة .. فى روكسى
وكانت شوية أيام فى عبد الهادى .. وكانت زرقاء 5 سرعات على ما أفتكر وبتربو بجنط 17 ذهبى وكانوا حطين عليها vinyl الراللى - من ساعتها مشفتهاش تانى .. سمعت انها لما بتروح الصيانة بتقلب الدنيا :k4:
-
body
-
أكيد ممكن تجيبها بالطلب بس فى صعوبات تانية غير ان ثمنها بالجمارك حيبقى نااار
لازم بنزين 95 على الأقل و لو Sti لازم 98
غير الضريبة الجديدة اللى حتدفعها كل سنة ..