الموضوع: مساعدة - عاوز أشتري شقة

السلام عليكم

انا متجوز و عايش في شقة إيجار بس عقدها هيخلص خلال 5 شهور و ناوي إن شاء الله ربنا يكرم و أخد شقة تمليك و عاوز أسأل علي حجتين

1- أيه أحسن مكان أخد شقة فيه في محيط الجيزة لأن أهلي في المنيب و انا محتاج أكون قريب منهم ( انا فكرت في نصر الدين أو خاتم المرسلين )
2- أيه الحجات اللي أخد بالي منها و انا بشتري الشقة ؟ يعني مثلاً انا هنا بعاني من كتر التراب للأن الشقة علي شارع رئيسي و الدوشة و المية ضعيفة و في حجات فعلاً الواحد مبيبقاش واخد باله منها في الأول
انا المواصفات اللي بفكر فيها
- هادية
- التهوية كويسة و بيدخلها شمس
- قريب منها جامع كبير
- دور تاني بالكتير ( انا ساكن في السابع و مفيش أسانسير فلو حد كبير في السن جيلي بيبقي الموضوع صعب جداً عليه )
- قريبة من المواصلات
- مش علي شارع رئيسي
- فيها غاز و الماية وصصللها كويس

لو حد عنده مقترحات أو أي نصيحة يقولي ربنا يكرمكو

للرفع