أكتب تقييمك لهذه السيارة بذكر أهم مزايا وأهم عيوب في نظرك
عرض للطباعة
أكتب تقييمك لهذه السيارة بذكر أهم مزايا وأهم عيوب في نظرك
هيا كل الاسباب دي يا ابو حميد مجتمعه فيها.
بس بالنسبالي اقول انها عربيه معقوله علي قد فلوسها
و انا كمان راى من راى الأخ حازم
بس طبعا هية عربية حمالى اسية بس فيها عيوب خطيرة زى ما حضرتك قولت بيض المقص و امان صفر
بس طبعا مناسبة انا شايف لسعرها
مع كل اعتزازى وتقديرى للاخ العزيز احمد
وشكرة على اسهماتة الجميلة معنا فى المنتدى
الا اننى لم اقل رايى فى هذا الاستفتاء الا بعد ان تم اغلاقة
فالاستاذ احمد عمل استفتاء مابين العيوب والعيوب
على مبدا
تشرب شاى ولا مش كييف
تتعشى ولا تنام خفيف
فهو سرد جميع اركان الاستفتاء وهى جميعها عبارة عن عيوب كانة يتحدث مع نفسة ولا يريد راى الناس فقال
- خدمة شاقة رخيصة الثمن
- كثيرة الاعطال..........عيب
- دركسيون ثقيل........عيب
- مزعجة...........عيب
- تكنولوجيا قديمة.........عيب
- تصميمات خطيرة.........عيب
-سيارة عادية.............عيب
- سيارة غالية لقدم تصميماتها.......عيب
-سيارة غالية لسوء خاماتها..........عيب
فباللة عليك يا اخ احمد هل هذا استفتاء على المميزات والعيوب ام فرض لوجهة نظر شخصية انك لم تترك المجال لاحد ليقول راية فعلى الرغم من تحاملك القوى جدا على السيارة فى جميع مداخلاتك منذ اشتراكك فى المنتدى الا انة كان لزاماً عليك يا اخ احمد عند عمل استفتاء ان تخلط مابين المميزات والعيوب وتتركك الراى للناس فيتضمن الاستفتاء على سبيل المثال
- انخفاض اسعار قطع الغيار
- سهولة الصيانة
- صلابة الشاسية والبودى
- الانتشار الواسع
- سعر اعادة البيع
-اعتماد القوات المسلحة والشرطة وسائقى التاكسى عليها لعشرات السنوات
- ارتفاعها عن الارض
- توافر قطع الغيار بالتوكيل باسعار السوق ان لم تكن ارخص
- حجم مبيعاتها الكبير حتى الان
ولو فكرت اكيد هتلاقى بعض المميزات مش سيارة كلها عيوب كما ذكرت لدرجة ان الاخ حازم قال لك (هو كل دة فيها يا ابو حميد)
فاعذرنى يا اخ احمد فانا ارى انة يوجد حالة خاصة من الكراهية بينك وبين السيارة التى تجوب بمئات اللاف شوارع مصر ولا يخلو منها شارع فى مصر لذا فان جميع تقيماتك عن هذة السيارة تفتقد الى الموضوعية والعدالة بسبب كرهك القوى لهذة السيارة .
واخيرا شكرا لك
وبالتوفيق
اخوك حسام
في كمان ميزة إن شنطتها واااااااااااسعة جدا يعني في عد الصيد مية مية :wink:
معلش بس يا ا/حسام
ا/احمد حط فى اول اختيارات الاستفتاء انها سيارة خدمة شاقة رخيصة الثمن يعنى مدح فى العربية مش ذم
يعنى انا حختلف مع حضرتك يا استاذ حسام ان م/احمد مش متحامل على العربية للدرجة اللى توص لانك توصفه بانه بيكره العربية
وان كان من رايى انه كان المفروض ان اخويا م/احمد كان يحط فى الاختيارت اختيار بيقول سيارة ممتازة بالنسبة لثمنها
وانا مشاركتش فى الاستفتاء لانى ملقيتش الاختيار اللى يعبر عن وصف العربية
ارجو انى اكون موضوعى فى رايى وانا متقبل اى رد على كلامى باذن الله بصدر رحب
وارجو ان تقبلوا كلامى اللى نابع من معزة لمداخلاتكم وتقدير
ْ
لا يا أستاذ أوضحلك أنا الإختيارات إيه:اقتباس:
المشاركة الأصلية كتبت بواسطة حسام كرم
-سيارة خدمة شاقة رخيصة الثمن ـــــــــــــــــــــــــ ـــــــــــــــــــــــــ ـــــــ ميزة
-سيارة خدمة شاقة كثيرة الأعطال ـــــــــــــــــــــــــ ـــــــــــــــــــــــــ ــــــ عيب
-سيارة خدمة شاقة صعبة المراس (دركسيون ثقيل ومزعجة)ــــــــــــــــــ عيب
-تكنولوجيا عفا عليها الزمان وعيوب تصميمية خطيرة (بيض المقص) ــــ عيب
-سيارة عادية مناسبة لسعرها ـــــــــــــــــــــــــ ـــــــــــــــــــــــــ ــــــــــــ ميزة
-سيارة عادية غالية بالنسبة لخاماتها وقدم تصميمها ـــــــــــــــــــــــــ ـــــــ عيب
يعني إختيارين في صالحها وأربعة ضدها (مش ثمانية ضدها وواحد معاها زي حضرتك ما بتقول)
أيوه دا إستفتاء على رأيين في صالحها وأربعة لمنتقديها وطبعاً مش فرض لوجهة نظرياقتباس:
فباللة عليك يا اخ احمد هل هذا استفتاء على المميزات والعيوب ام فرض لوجهة نظر شخصية انك لم تترك المجال لاحد ليقول راية فعلى الرغم من تحاملك القوى جدا على السيارة فى جميع مداخلاتك منذ اشتراكك فى المنتدى
أنا مش متحامل على السيارة ولا حاجة وجايز حضرتك الي متحمس لها بشده
بالنسبة للمميزات جمعتها كلها في (سيارة خدمة شاقة رخيصة الثمن) أو (سيارة عادية مناسبة لسعرها) أنا شايف إن ده يجمع سعرها المناسب وصيانتها السهلة وقطع غيرها الرخيصةاقتباس:
كان لزاماً عليك يا اخ احمد عند عمل استفتاء ان تخلط مابين المميزات والعيوب وتتركك الراى للناس فيتضمن الاستفتاء على سبيل المثال - انخفاض اسعار قطع الغيار - سهولة الصيانة - صلابة الشاسية والبودى - الانتشار الواسع - سعر اعادة البيع -اعتماد القوات المسلحة والشرطة وسائقى التاكسى عليها لعشرات السنوات - ارتفاعها عن الارض - توافر قطع الغيار بالتوكيل باسعار السوق ان لم تكن ارخص - حجم مبيعاتها الكبير حتى الان
لا طبعاً هو قال (هيا كل الاسباب دي يا ابو حميد مجتمعه فيها) وفرق شاسع بين كلامه ده وبين إلي إنت قلت إنه كلامه والمفروض حضرتك تنقل الكلام كما هواقتباس:
لدرجة ان الاخ حازم قال لك (هو كل دة فيها يا ابو حميد)
لا يا أستاذ حساماقتباس:
فاعذرنى يا اخ احمد فانا ارى انة يوجد حالة خاصة من الكراهية بينك وبين السيارة التى تجوب بمئات اللاف شوارع مصر ولا يخلو منها شارع فى مصر لذا فان جميع تقيماتك عن هذة السيارة تفتقد الى الموضوعية والعدالة بسبب كرهك القوى لهذة السيارة .
لا توجد كراهية بيني وبينها فهي حديد والدليل على ذلك أنني ذهبت من شهرين لشراء لادا 2107 موديل 2006 وعلى فكرة الي شجعني أروح أشتريها (كلام حضرتك في المنتدى إن الدركسيون مشكلته إتحلت نسبيا) وروحت ولاقيت الدركسيون بنفس الحالة العمياء وفتحت موضوع بالكلام ده
ورغم كده معنديش حاجة إسمها كره عربية بعينها
ومعنديش حاجة إسمها تحمس وحب شديد لها يحول العيوب لمزايا
ولذلك فإستنتاجك أن تقييماتي تفتقد الموضوعية والعدالة هو إستنتاج عار عن الصحة ولا دليل عليه
وأظن أن إتهامك الشديد لي بعدم الموضوعية والعدالة والعجيب قولك (جميع تقييماتك) لا يبرر هذا الهجوم الضاري على كل تقييماتي سوى حبك الشديد لهذه السيارة الذي لا يجعلك تطيق أن تسمع تقييما ينتقدها على خلاف هواك وأرى أن هذا هو مكمن الخطأ في أن يدافع الإنسان عن سيارة بإستماته ويرمي من يخالفه الرأي بعدم الموضوعية والعدالة
يا استاذ اهلا وسهلاً بالنقد والى عايز ينتقد ينتقد من هنا لبكرة
فلكل شخص وجهة نظرة وارائة المتمسك بها والتى قد تغيرها او لاتغيرها اراء الناس
فانت مقطنع مثلاً بالجولف ووجهة نظرك تحترم
وانا لو تكلمت عن رايى فيها لانتقدتها واحتجت الى عشر صفحات لاكتب لك عن مساؤها بالنسبة للموديلات القديمة ولكن لابد ان اذكر ايضا مميزاتها ولو حتى فى سطر واحد لاكون موضوعى واكتسب ثقة من يستمع الى وانا حر فى وجهة نظرى وانت حر فى وجهة نظرك بدون ان يفرض اياً منا راية على الاخر فانا لست صاحب العلامة التجارية ولست الخواجة صاحب المصنع
واذا كنت انت لاتكرة قطعة حديد فانا لااتعلق بقطعة حديد ولا ارمى من يخالفنى بالراى بعدم الموضوعية من اجلها .
فالسيارة لاتمثل اى شيى الى الانسان سوى اداة حركة مثلها كمثل اى سلعة معمرة فى المنزل تستطيع ان تغيرها فى اى وقت وتستبدلها باخرى او تتحول هى الى كومة خردة لاقدر اللة فى لحظة .
فالكلام هنا عن اسلوب استقطاب الناس للمشاركة والحوار واعتقد انك لو ضمنت بعض المزايا الحقيقية التى تعبر عن السيارة فى الاستفتاء لشارك فية المئات بدلاً من 20 شخص .
وكما قلت لك انة لايوجد عداء بينى وبينك وان لاارميك باتهامات او شيى من هذا القبيل لاسمح اللة فانا لااعرف حتى اسمك كامل او شكلك ولا تربطنى بك سوى وجهات النظر المتبادلة والحوار وهى الشيى الذى يجمع غالبية الاعضاء فى هذا المنتدى سوى بعض الاشخاص المعدودين اللذين تربطهم علاقات شخصية وصداقة من خارج المنتدى .
واخيرا يا استاذ احمد
وكما اقول لك فى نهاية اى حوار جدالى محتدم بينى وبينك
الخلاف لايفسد للود قضية
حسام كرم
ا/حسام كرم كتب
انا معاك فى ان العربية اداة حركة ْ لكن بختلف انها زى اى سلعة معمرة فى الغالب الانسان بيكون فى رابطة روحية بينه وبين عربيته طبعا مش لدرجة انه مستحيل يفرط فيها اكيد لا لانه لما يلاقى فرصة ويجيب احسن اكيد حيغير ويجيب الاحسن لكن انا قصدى انه حتى لما يجيب الاحسن تلاقيه لما يفتكر العربية القديمة يقول ياااااااااه كانت ايام فيها الحلو وفيها الوحش ولو حصل مرة انه شاف العربية القديمة مع صاحبها الجديد تلاقيه تتحرك مشاعره ناحيتها :cry: :cry: :cry: :cry: :cry: :cry:اقتباس:
واذا كنت انت لاتكرة قطعة حديد فانا لااتعلق بقطعة حديد ولا ارمى من يخالفنى بالراى بعدم الموضوعية من اجلها .
فالسيارة لاتمثل اى شيى الى الانسان سوى اداة حركة مثلها كمثل اى سلعة معمرة فى المنزل تستطيع ان تغيرها فى اى وقت وتستبدلها باخرى او تتحول هى الى كومة خردة لاقدر اللة فى لحظة .
وعلى فكره امشاعر دى مش مع العربيات وبس لا دى مع حاجات كتير انا مثلا معايا ساعة casio بعتز بيها جدا وليها معايا حوالى 6 سنين ولسه مزهقتش منها ومش بقعلها نهائى رغم انها تقيلة (طبعا هيا مش الساعة ال casio المشهورة ام 60جنيه دى لا دى شكلها روش شوية) حتى وانا نايم مش بقلعها حالة واحدة بس بقلعها هيا لما بروح البى نداء الطبيعة :oops: :oops: :oops: :oops: :oops:
مثال تانى عمى كان معاه شال بتاع الاحرام وعمل فيه كذا حجة وكام عمرة (رقم كبير يمكن اكتر من 30 بس مش متاكد عشان مفتيش) المهم ان الشال بتاعه دا ضاع وهوا بيتوضا فى الحرم الشريف (ربنا يوعدنا واياكم) المهم قعد يدور عليه وهوا فى منتهى الحزن والتأثر لدرجة انه العسكرى السعودى دله على مكان المفقودات قعد يدور عليه وسط مئات الحاجات التانية ملقيهوش ولما سأله هوا انت زعلان عليه كدا ليه :?: :?: :?: :?:
قال له انا عملت فيه كذا حجة وكذا عمرة بيه وكنت حوصى انه يكفنونى فيه لما اموت املا انه ربنا يرحمنى :cry: :cry: :cry: :cry: :cry:
كلامك مضبوظ 100% يا ابو حميد
اكيد يا ابو حميد انة قد تنشأ بعض العلاقات بين الاشخاص والجماد ولكنها علاقات روحانية نفسية خاصة ولكن لاتصل الى ان يسى شخص الى شخص اخر بسبب قطعة الحديد .
واكيد كمان ان الانسان الطموح يسعى دائما للتغيير للافضل والاحسن لو سمحت لة الامكانيات بذلك .
ويارب يرزقك بالحج والعمرة ويديك ويدى عمك طول العمر
ويدى كل واحد الى نفسة فية
ويركب كل واحد الى نفسة فية
وشكرا لك يا ابو حميد
اخوك حسام
تم الالغاء للتكرار
تم الالغاء للتكرار
تم الالغاء للتكرار
انا صوتت لسياره خدمه شاقه رخيصه الثمن
وحقيقه هى فعلا كذلك
سياره حماله اسيه وممتازه ربما تفتقر للنعومه ولكنها بالتأكيد الافضل لعامه الشعب
كل من اقتناها يعلم ذلك وعلى فكره انا اعرف اناس كثيرون لديهم سيارات حديثه جدا ومع ذلك يقتنونهاللخدمه الشاقه التى يستحيل ان تقوم بها اى سياره اخرى
وحقيقه اخى حسام كرم
الاستاذ احمد ليس بينه وبينها عداوه بالعكس فكثيرا مايعطيها حقها وقد رشحها للكثير ومنهم انا شخصيا على سبيل المثال وان شاء الله سوف اشتريها قريبا
وكونه طرح هذا الموضوع لهو دليل على حبه وتقديره لها
فرغم ذكره عيوبها ومميزاتها لاينفى انه يقدرها كسياره خدمه شاقه لاتقوم بها سياره اخرى
ربنا يطمنك يادكتور ابراهيم انا نويت اشتري لادا 2107
أشكرك يا دكتور إبراهيم على كلامك
والحقيقة أنني عندما أظهر عيوب سيارة لإنسان مقدم على شرائها وقد أكون أنا الذي أنصحه بشرائها
أعتبر أن إظهار عيوبها له نوع من الأمانة وليس العداوة حتى يكون على بصيرة بتلك العيوب وبالتالي يستطيع تجنبها بنسبة كبيرة بالإهتمام بمتابعتها والمواظبة على صيانتها
ولكن لو سردت للمقدم على شرائها ألف ميزة بها ولم أذكر عيوبها فبذلك أتحول إلى بوق دعاية يصور السيارة موضع الدعاية في أفضل صورة ويكتب أسفل الصورة كل مميزاتها بدون ذكر عيوب
ولا توجد في هذه الدنيا سيارة بلا عيوب
وهنا يكون دوري أنا وغيري إظهار تلك العيوب التي أغفلها المعلنون حتى نبصر المشتري بالواقع ويستطيع التغلب على تلك العيوب
ونسأل الله تعالى أن يجعل عملنا خالصاً لوجه الكريم
والله أعلم
ياجماعه العربيه فعلا" حماله خدمه شاقه بس العيب الفيها هو الدركسيون بس عشان البيض المقص انت بحس بيه لما يبتدى يبوز وغير كده العربيه كانت مع اخويا الكبير والله عمر ما بيض المقصات ملص لانه كل 6شهور كان بيشحم البيض واول ما الدركسيون يتقال عن المعتاد يروح للعفشاجي عشان يعرف العربيه فيها ايه دا مره روحنا بيها الاسكندريه ركابين 7 افراد فوق بعض وكان جايب 130 كيلو في الساعه والله هو ندم بعض ما تباعت
العربيه كانت الادا 2105 موديل 95
هو الفرق في الماتور ليس الا بس العربيه محترمه جدا"
هى دة مصر اضربوا بعض احسن
:mad:سيارة خدمة شاقة كثيرة الأعطال لا مش بتعطل كتير
سيارة خدمة شاقة صعبة المراس (دركسيون ثقيل ومزعجة) بالباور بقت سيارة خدمه شاقه سهله جدا جدا جدا جدا جدا في القيادة
تكنولوجيا عفا عليها الزمان وعيوب تصميمية خطيرة (بيض المقص) مش خطيرة اوي بس نواظب علي الصيانه
كفايه ان تمن قطع الغيار رخيصه جدا والجديد منها الثبات علي الطريق ممتاز
ماشي علي 120 ومش حاسس بيها
سيارة عادية مناسبة لسعرها لادا مش سيارة عاديه دي دفع خلفي يارجاله وعلي شاسيه
فين العربيه اللي بنفس تمنها دفع خلفي علي شاسيه
سيارة عادية غالية بالنسبة لخاماتها وقدم تصميمها مش غاليه دي رخيصه جدا
وقدم التصميم دي اذواق كفايه انها مش سيارة ورق و مش اي خبطه تكلفك
العيبوب اللي انا شايفها
1 عزل السيارة في الصوت وحش
2 صوت الماتور عالي يضايق الواحد في المسافات الكبيرة
3 السماعات دي ممكن تتغير مش مشكله اوي
4 الابواب لازم تقفلها بالجامد خصوصا باب السواق علشان تقفل
5 السنتر بيقفل مدام باب السواق مقفول كويس ومش مهم الابواب الاخري علشا كدة بعد ماتقفل السيارة لازم تتاكد ان باقي الابواب مقفوله كويس لان الحاله الوحيدة ان السنتر ميقفلش اذا كان باب السواق مش مقفول كويس اما اذا كانت الابواب التانيه مش مقفوله مش هتعرف الاا لما تتاكد بنفسك
(مش عارف اذا كان دة في كل السيارات ولا لاءة)
انا كان عندى لادا وبتمتاز بالأتى
1- خدمة شاقة
2- صاج مرعب
3- تمشى فى الطريق ذى الوحش
4- صيانة ببلاش
5- وسع خطير
6- اعادة بيع وانت واقف فى المزلقان او بتغير زيت ممكن تبيع
عيوبها الأتى
1- مفيش اى كماليات ناشفة
2- الأت الجر صوتها عالى
3- قطع غيار غير معمرة
4- لازم ايدك فيها بعد كل مشوار طويل
5- شكل قديم مش منظر
المحصلة عربية ممتازة للظروف المصرية
انا اقصد انها علي شاسيه :d:d:d
مش قصدي حاجه تانيه
يعني مش علي كبالن وهناك فرق بين الشاسيه والكبالن
اذا كان عند حضرتك معلومه ممكن تزودها ليا ...ياريت ويكون كرم من اخلاقك
الف شكر علي المعلومة بس علي حد علمي:D:D اللي اتضح انه مفيش علم اصلا
الكرونه احسن من الكبالن:rolleyes::rolleyes: هل هذا صحيح:cool::cool::cool:
أنا معايا لادا 2107 موديل 2007 بجميع المقاييس العربية كويسة قطع غيارها رخيصة جداً لكن لك أن تتخيل انى فى خلال 3 أسابيع من شرائها قمت بتغيير الأتى:
- تيل الفرامل قمت بتغييره لأنه تآكل فى 1000 كيلو الأولى تصوروا.
- مروحة الريادتير تم تغييرها بأخرىجديدة لأنها موتورها أفش لوحده .
- طلمبة البنزين كانت متآكلة وايضاَ قمت بتغييرها لأنها كانت تؤدى لعدم ضخ البنزين بصورة جيدة.
كل ده خارج التوكيل لإن التوكيل رفض تغيير هذه الأشياء داخل الضمان وأيضاً التكلفة كانت عاليه جداً جداً
mr.roofy007
ياترى اسعار قطع الغيار التى قمت بشرائها ايه و هل من التوكيل ام من محلات قطع الغيار و يايت حضرتك توضح منين اشترتهم.
تيل الفرامل الروسى 35 جنيه مصرى غير متوفر فى التوكيل أصلاً
المروحة روسى 140جنيه - التوكيل 170 جنيه غير شامل الضريبة
طلمبة البنزين روسى 85 جنيه - وقتهاغير متوفرة فى التوكيل
التركيب 30 جنيه فقط
الواضح ان سيارتك كاربراتير مش injection الكلام كده صح
كلامك مضبوط يا سيدaboadham
على فكرة كل قطع الغيار من سعيد لادا بالجيزة
ممكن اعرف طلمبة البنزين الخاصة بالموديل injecion ثمنها كام.
انا سالت عليها فى التوكيل 1250 جنيه
إسأل عليها في التوفيقية في وسط البلد
هتلاقيها أرخص
اسمحو لي ان اقيم السيارة في سطور
السيارة خدمة شاقة مش ملاكي
انا باتكلم من البيت لأني طريح الفراش بسب كسر في ساقي بحادث في السيارة اللادا
العيب طبعا ان بيض المقصات اتكسر والعربية ماشية على 80 وطبعا العربية الحمدلله بس انا رجلي اتكسرت
هذا للعلم وشكرا
حمد الله على سلامتك يا أخ \firstknight216 وأتمنى لك الشفاء العاجل ولكن ممكن نعرف إمتى كانت آخر مرة غيرت فيها البيض عشان نتجنب ملص البيض اللي حصل وأدى للحادث؟
ومرة أخرى أسأل الله لك الشفاء العاجل.
محمد فتحي
ان مع حضرتك يا باشمهندس فى الكلام ده بس ليه تعليق :
سيارة خدمة شاقة رخيصة الثمن اوافق
سيارة خدمة شاقة كثيرة الأعطال ليس بالضرورة لان عدم الانتظام فى الصيانة والاتكال على انها دبابة روسى بيخلى البعض من ملاكها يسترخصوا فى كل حاجة سواء قطع الغيار او السرفيس الخاص بالسيارة بالنسبة لى ايدى فيها والحمدلله وماشية معايا زى الفل
سيارة خدمة شاقة صعبة المراس (دركسيون ثقيل ومزعجة) ده حقيقى فى الموديلات القديمة بس مع التعود والمواظبة على التمرين بتعمل دراع ولا ارنولد
تكنولوجيا عفا عليها الزمان وعيوب تصميمية خطيرة (بيض المقص) تكنولوجيا مناسبة لثمنها وتم تلافى العيب ده فى الجديد وممكن تغيير البيض بالنوع الجديد وبردوه مشاكل القديم راجعة لسوء الاستعمال وعدم الانتظام فى الصيانة وماخدش المطبات على ان معايا لاند روفر وبالنسبة لى بحسس على العربية واخذ بيها المطبات ولا اما تكون bmw وباغسل بشحم واربط العفشة بالنسبة لاستعمالى كل 4 شهور.
سيارة عادية مناسبة لسعرها أوافق
سيارة عادية غالية بالنسبة لخاماتها وقدم تصميمها لا اوافق بالنسبة للقديم بس فى الجديد فى تطويرواضح المعالم (باور - سنتر - تكييف ) بتكلم عن 2107 ونزل منها انجيكشن كمان يعنى سعر مناسب لامكانات مناسبة .
سلام عليكم
مع الأعتذار للأخوة
العربية من أسوء العربيات حتى لو كانت كل المزايا من قوة تحمل ورخص قطع الغيار...
إلا ان فيهاعيب خطير وهو بيض المقصات
العيب ده مش عيب عادي علشان نتكلم عنه كأن عيب دهان او موتور بيعلق
لكن هو عيب ممكن تتوقف عليه حياتك
ويمكن انا اتكلمت في الموضوع ده قبل كده
انا عملت حادثة من سبع شهور ولحد دلوقتي بتعالج واصبحت معاق في رجلي اعاقة مستديمة بسبب الموضوع ده (الحمدلله طبعا وبدون شك) ولولا ستر ربنا واني كنت رابط الحزام كان زماني مكتبتش الرسالة ديه :)
بأكد أن ده رأي الخاص واكيد الزملاء ليهم رأي اخر
تحياتي للجميع
تم حل مشكله ملص بيض العافشه
http://www.nilemotors.net/Nile/showt...?t=4258&page=2
أنا كان معايا لادا 2107 موديل 2006 روسى إنجكشن و كنت شاريها زيرو عملت بيها 60000كم فى 3سنوات مفيش مرة عطلت بيا فى الشارع و مغيرتش فيها أى حاجة غير طقم دبرياج مرة (نتيجة السير فى طرق مزحمة فترات طويلة يوميا لمدة سنة و نص) وغيرت البيض لأول مرة قبل ما أبيعها بأسبوعين تقريبا
وأنا شايف أنها عربية ممتازة بالنسبة لسعرها أقتصادية فى البنزين ثابتة على الأرض وليها هيبتها فى الشارع و الإشارات يعنى أى حد هيفكر 100 مرة قبل ما يكسر عليك تكيفها مقبول(يرحمك من الحر) واسعة من قدام فقط بالإضافة لسهولة صيانتها
ولم يكن يعيبها من وجهة نظرى سوى أضطرارى الدائم لتربيط العفشة والكشف على البيض و تشحيمه و صعوبة الحصول على قطع غيار مضمونة بالرغم من إنتشارها و الثقل الكبير فى الدريكسيون والمحاور الضيقة.
متابع