مشكله في رانجلر ٢٠١٢

**Marwan94** · 09-02-2017 03:05 AM

انا معايا جيب رانجلر ٢٠١٢ وكانت مايه الريداتير بتخلص واما واديتها الصيانه قالوا ان الترموستات معلق وشالوه ومجبتش مكانه........ وبعدها باسبوع عداد الحراره معدش شغال والمروحه بتشتغل باقصي سرعه وكان بيظهرلي علامه الصمام الخانق فوديتها الصيانه قالولي دا حساس حراره وغيرته بواحد جديد وظبط ........وبعدها باسبوع الوقتي اما تجي اعمل كيك داون احس ان المكنه فصلت واشتغلت تاني والعربيه سرعتها تقل وبيظهرلي علامه المكنه وعلامه الصمام الخانق وعلامه التراكشن...ايه المشكله الوقتي وايه الحل علشان الصواحه انا زهقت وحاسس كده اني دخلت في دوامه كل اما اصلح حاجه اسبوع بالظبط وحاجه تانيه تبوظ ......
واسف علي الاطاله

**رامي مصطفى** · 09-02-2017 10:03 AM

ربنا يعينك وتلاقي الحل

**Marwan94** · 09-02-2017 05:35 PM

يا رب

**Marwan94** · 09-02-2017 05:37 PM

هو محدش هيفيدني في المشكله دي ولا ايه

**م/أحمد عبد الفتاح** · 09-02-2017 08:14 PM

حضرتك أول حاجه تعملها تروح تركب ثرموستات جديد - تانى حاجه تروح تكشف كمبيوتر عند مركز صيانة وتكتب الأكواد اللى طلعتلك هنا وربنا يسهل ونقدر نحدد المشكلة - بس اهم حاجه تركب ترموستات لأن عدم وجوده بيدى عطل ولمبة تشيك انجن بتنور ولما تكشف حتلاقى إن العطل هو "عدم وصول درجة حرارة مياه التبريد للحد المسموح بيه" فلازم تركبه الاول ونشوف الاكواد علشان نقدر نعرف المشاكل اللى مخلية لمبة التشيك ولمبة التراكشن منورين - وبالمرة اكشف على البطارية لأنها إحتمال تكون فى بداية التفييص .

**Marwan94** · 11-02-2017 09:47 PM

روحت كشفت اعطال بالكومبيوتر قالي حساس حراره الفتيس مش شغال ولازم يتغير وهنشوف الفتيس اما نفكه ايه اللي معطل سحب الكيك داون (مع العلم ان العربيه بتسحب معايا تمام انما مبتسحبس في الكيك داون خالص اخرها ٤ في عداد لفات الموتور)

**Marwan94** · 11-02-2017 10:44 PM

https://youtu.be/3-4sTctcGKw
اللي بيحصل معايا زي الفيديو ده بس في الكيك داون بس

**م/أحمد عبد الفتاح** · 12-02-2017 09:09 PM

طيب اخبار العربية فى الجرى ايه يعنى لما بتعوز تجيب سرعة ١٢٠ ولا ١٣٠ بتجيب معاك ولا صوتها بيعلى وبتبقى بطة بلدى :) وتوصل للـ ١٢٠ بعد ٣ او ٤ دقايق ؟؟؟؟؟

**م/أحمد عبد الفتاح** · 12-02-2017 09:18 PM

لو العربية تمام معاك يبقى تبدأ الأول بصيانات بسيطة زى فلتر الهوا والبوجيهات (تكون بوجيهاتها الاصلى الموبار ويستحسن تشتريها من التوكيل اضمن) - لو مافيش تحسن تروح التوكيل وتقولهم ينزلوا سوفتوير جديد للفتيس وشوف - لكن ماتفكش حاجه فى الفتيس لغاية ماتعمل الحاجات دى .