الموضوع: سؤال عن مدة تغيير الزيت لاسبيرانزا 516

المشاركة الأصلية كتبت بواسطة tasaka

بصراحه كل كتالوجات الصينى غير واضحه و كمان غير كامله .. معرفش العيب ده لسه موجود عندهم ام انتهى
كتالوج ال شيرى a5 .. كان متعلم فى الثلاثه 5 و 15 و 30 ؟؟؟؟

لاحظ ان الزيوت فى الصين كانت سيئه جدا ( معرفش حاليا الوضع ايه ) .. و فى كتالوجات عربيتى الانجليزى ( اسبرانزا 620 ) بينصح بعدم استعمال الزيوت المحليه ( الصينيه ) و استعمال زيوت مستورده

و لاحظ كمان ان امريكا كان المعتاد فيها هو تغيير زيوت معدنيه .. كل 3 الاف ميل ( حوالى 5 الاف كم ) .. و التغيير كان عاده كل 3 او 4 شهور .. ده كان المعتاد قبل الزيوت التصنيعيه

و لاحظ ان شيرى لم تطلب منك استعمال زيت تصنيعى .. فبالتالى ممكن جدا يحطوا اسوء الاحتمالات انك حتستعمل معدنى ( يعنى ال 5 الاف كم )

و لاحظ كمان انها سياره صينيه و الزيوت الصينيه حتى وقت قريب كانت سمعتها سيئه



و طبعا سواء شركات الزيوت او صانعى السيارات عاده ستجد كلامهم مبهم شويه بخصوص الزيت الا فيما ندر

و لاحظ ان شيرى سمحت لك بمسافه 10 الاف لو الزيت عالى المستوى ؟؟ .. يعنى فين بقى رقم ال 5 الاف بتاع الكتالوج ( لو هو الكتالوج بيقول كده فعلا )



عموما الماجنتيك لو هو 70% تصنيعى زى ما قالوا لك فى كاسترول مصر .. فدى حاجه مطمئنه شويه انه اقرب للزيت التصنيعى
بس خلى بالك برضه كاسترول عندها زيت ماجنتيك تصنيعى 100% ..

فهل انت ذكرت لهم اللزوجه 10w40 اثناء المناقشه ( اقصد كاسترول انجلترا ) ؟؟ .. لان ال 10w40 نصف تصنيعى موش تصنيعى كامل

معلومات غزيرة أعتقدها تصب في صالح ال 10.000 كم أو سنة اللي أكدوا عليها (انجلترا و مصر).

رجعت لكاسترول مصر بخصوص النسبة للتأكيد فطلع فيه سوء فهم و ان ال 70% دي هي المكون المعدني للزيت !! فبعت لانجلترا مبدياً استيائي الشديد من النسبة دي فأكدوا لي إن على الرغم من اختلاف المواصفة الأوروبية للماجنتك عن اللي عندنا إلا إن الإضافات الخاصة بيهم هي اللي بتوصل زيت الأساس أياً كانت نسبة خليطه لل 10000 كم أو سنة في بلادنا مقابل ال 16000 كم أو سنة في بلادهم.
و أكدوا لي اني ما اقلقش من الناحية دي.

و طبعاً في كل الميلات بأكد على كون الماجنتك اللي باستعمله 10w40

بالمناسبة .. الاسبيرانزا 620 اسمها شيري ايه بره؟ لأني دورت في كل ال wizards بتاعة مصنعي الزيوت مالقيتهاش !!

المشاركة الأصلية كتبت بواسطة NaAZoOR

بالمناسبة .. الاسبيرانزا 620 اسمها شيري ايه بره؟ لأني دورت في كل ال wizards بتاعة مصنعي الزيوت مالقيتهاش !!

ابحث باسم .. Chery Easter و الموتور 2 لتر ميتسوبيشى .. و اسمه الكودى 4G63 S4M علشان تتأكد من نتيجه البحث ( لو بيظهروا رقم الموتور فى النتائج )



لها اسماء كتير
هى اسمها الكودى B11
فى الصين هى chery Easter .. بس الايستر بتكون ستيشن او شبه ال SUV ( فى العاده ) و ممكن منها صالون برضه نفس شكل ال 620 هنا
فى روسيا هى Chery Oriental Son .. دى نفس شكل ال 620 هنا
فيه برضه اسم Chery Mikado .. بس موش فاكر كان فى روسيا ام دوله اخرى
فى مصر هى Speranza a620



بينزل عليها محركين ميتسوبيشى فقط ( مفيش محرك صينى ليها )
محرك 2 لتر اسمه الكودى 4G63 S4M .. ده اللى فى مصر هنا فقط
و محرك اخر 2.4 لتر و اسمه الكودى 4G64 ( بس موش متأكد من باقى الرقم بالظبط ) .. ده موش موجود فى مصر .. لكن موجود فى روسيا و الصين


ياريت تبعت لى لينكات لمواقع ال Wizards للزيت .. اكون شاكر جدا ليك

المشاركة الأصلية كتبت بواسطة NaAZoOR

معلومات غزيرة أعتقدها تصب في صالح ال 10.000 كم أو سنة اللي أكدوا عليها (انجلترا و مصر).

رجعت لكاسترول مصر بخصوص النسبة للتأكيد فطلع فيه سوء فهم و ان ال 70% دي هي المكون المعدني للزيت !! فبعت لانجلترا مبدياً استيائي الشديد من النسبة دي فأكدوا لي إن على الرغم من اختلاف المواصفة الأوروبية للماجنتك عن اللي عندنا إلا إن الإضافات الخاصة بيهم هي اللي بتوصل زيت الأساس أياً كانت نسبة خليطه لل 10000 كم أو سنة في بلادنا مقابل ال 16000 كم أو سنة في بلادهم.
و أكدوا لي اني ما اقلقش من الناحية دي.

و طبعاً في كل الميلات بأكد على كون الماجنتك اللي باستعمله 10w40

بص ده كلام كبير .. و اتمنى المهندس بوريو يشارك فى النقاش

عموما الزيوت عاده بيكون فيه تخمين كتير لان شركات الزيوت بتتعمد عدم الوضوح .. و لان تركيبه الزيت بيكون عليها ابحاث و تطوير كتير و بتكلف الشركات دى .. فبتعتبر من الاسرار .. بس برضه الغموض الزايد موش من حقهم

كاسترول اقعد اقرا من هنا لبكره فى موقعهم .. كلام عام جدا .. بالرغم من انها من افضل الزيوت فى العالم من ناحيه السمعه


ساكتب رد لاحق لاوضح لك معنى كلامهم اللى قالوه ده ايه علشان تكون مستوعب المضمون

الان الزيوت تطورت .. و لازم نحاول نفهم نتايج ده على معلوماتنا الثابته القديمه اللى احنا اتعودنا عليها .. يعنى تخمين اقرب للصحه ؟؟؟؟

المشاركة الأصلية كتبت بواسطة tasaka

ابحث باسم .. Chery Easter و الموتور 2 لتر ميتسوبيشى .. و اسمه الكودى 4G63 S4M علشان تتأكد من نتيجه البحث ( لو بيظهروا رقم الموتور فى النتائج )



لها اسماء كتير
هى اسمها الكودى B11
فى الصين هى chery Easter .. بس الايستر بتكون ستيشن او شبه ال SUV ( فى العاده ) و ممكن منها صالون برضه نفس شكل ال 620 هنا
فى روسيا هى Chery Oriental Son .. دى نفس شكل ال 620 هنا
فيه برضه اسم Chery Mikado .. بس موش فاكر كان فى روسيا ام دوله اخرى
فى مصر هى Speranza a620



بينزل عليها محركين ميتسوبيشى فقط ( مفيش محرك صينى ليها )
محرك 2 لتر اسمه الكودى 4G63 S4M .. ده اللى فى مصر هنا فقط
و محرك اخر 2.4 لتر و اسمه الكودى 4G64 ( بس موش متأكد من باقى الرقم بالظبط ) .. ده موش موجود فى مصر .. لكن موجود فى روسيا و الصين


ياريت تبعت لى لينكات لمواقع ال Wizards للزيت .. اكون شاكر جدا ليك

شكراً عالمعلومات الخاصة بال 620 بس في الحقيقة دورت باسم Easter و ظهرتلي ال station و ال mikado برضه طلعتلي عربية تانية :(

اللينكات أهي:

كاسترول:

http://applications.castrol.com/oils...en_ae/c/search

شل:

Find the right oil | Shell Global

موبيل (بس مش دقيقة لأن خيارات زيوتهم مش كتير في مصر .. أنا مثلاً طلعلي 0w40 و ده مش في الكتالوج):

Which oil for my car? | Mobil 1

وولف (ماركة بلجيكي أعتقد بس محترمة و جربتهم في سائل التبريد و كان ممتاز) "اختار advanced search":

https://www.wolflubes.com/EN_EU/

ليكوي مولي "اختار oil guide" :

https://www.liqui-moly.com/

فالفولين:

Valvoline Europe

توتال و ولفر و زادو لازم تكون عارف اللزوجة اللي بتدور عليها.

المشاركة الأصلية كتبت بواسطة tasaka

بص ده كلام كبير .. و اتمنى المهندس بوريو يشارك فى النقاش

عموما الزيوت عاده بيكون فيه تخمين كتير لان شركات الزيوت بتتعمد عدم الوضوح .. و لان تركيبه الزيت بيكون عليها ابحاث و تطوير كتير و بتكلف الشركات دى .. فبتعتبر من الاسرار .. بس برضه الغموض الزايد موش من حقهم

كاسترول اقعد اقرا من هنا لبكره فى موقعهم .. كلام عام جدا .. بالرغم من انها من افضل الزيوت فى العالم من ناحيه السمعه


ساكتب رد لاحق لاوضح لك معنى كلامهم اللى قالوه ده ايه علشان تكون مستوعب المضمون

الان الزيوت تطورت .. و لازم نحاول نفهم نتايج ده على معلوماتنا الثابته القديمه اللى احنا اتعودنا عليها .. يعنى تخمين اقرب للصحه ؟؟؟؟

مستني رد حضرتك على أحر من الجمر .. يا ريت ما تتأخرش عليا.

دي قائمة ال oil selector كاملة بعد إضافة بعض الماركات ليها:

كاسترول:

http://applications.castrol.com/oils...en_ae/c/search

شل:

Find the right oil | Shell Global

موبيل (بس مش دقيقة لأن خيارات زيوتهم مش كتير في مصر .. أنا مثلاً طلعلي 0w40 و ده مش في الكتالوج) :

Which oil for my car? | Mobil 1

وولف (ماركة بلجيكي أعتقد بس محترمة و جربتهم في سائل التبريد و كان ممتاز) "اختار advanced search":

https://www.wolflubes.com/EN_EU/

ليكوي مولي "اختار oil guide" :

https://www.liqui-moly.com/


فالفولين:

Valvoline Europe

توتال:

Total GBR Mobile


موتول:

https://www.motul.com/cz/en/lubricants

آمسويل (بس ماعندهمش شيري) :

AMSOIL Auto & Light Truck Lookup Guide

بينز اويل (بس ماعندهمش شيري) :

Oil Selector | United States

ولفر و زادو لازم تكون عارف اللزوجة اللي بتدور عليها.

متشكر جدا جدا جدا على مجهودك

رد المهندس بوريو هو الاهم و الفيصل .. لانه دائما حذر و حيعطيك الرد الامن لك

ردى حيكون معلومات عامه مفيده للتوضيح ليك فقط لا غير


ده رابط لزيت وولف Wolf لعربيتك
https://www.wolflubes.com/EN_EU/prod...&Type=91047935

انا استخدمت الاسماء دى
Chery - A5 / Fora / Elara 1.6 16V (2006 - ...)


الموتور اللى ظهر رقمه الكودى SQR481F .. سعه 1600

الزيت اللى تم اختياره منخفض المواصفه جدا جدا SF و معدنى بالكامل و لزوجه 15W40 .. و التغيير على 5 الاف كم ..
و الغريب ان حتى اعلى زيت فى نفس المجموعه دى برضه معدنى و لزوجته 10W40 و مستوى خدمه SN .. بالرغم من كده لم يختاره و اختار الاقل و اختار لزوجه مختلفه ؟؟ ؟؟

يعنى بكده اتأكدنا ان المعدنى بيمشى 5 الاف كم فى الظروف الطبيعيه .. و احتمال الكتالوج عامل حسابه على اقل المواصفات المطلوبه ( و اعتقد ده تفكير طبيعى انه يفكر كده طالما لم يطلب منك زيت مرتفع الاداء )

المشاركة الأصلية كتبت بواسطة tasaka

متشكر جدا جدا جدا على مجهودك

رد المهندس بوريو هو الاهم و الفيصل .. لانه دائما حذر و حيعطيك الرد الامن لك

ردى حيكون معلومات عامه مفيده للتوضيح ليك فقط لا غير


ده رابط لزيت وولف Wolf لعربيتك
https://www.wolflubes.com/EN_EU/prod...&Type=91047935

انا استخدمت الاسماء دى
Chery - A5 / Fora / Elara 1.6 16V (2006 - ...)


الموتور اللى ظهر رقمه الكودى SQR481F .. سعه 1600

الزيت اللى تم اختياره منخفض المواصفه جدا جدا SF و معدنى بالكامل و لزوجه 15W40 .. و التغيير على 5 الاف كم ..
و الغريب ان حتى اعلى زيت فى نفس المجموعه دى برضه معدنى و لزوجته 10W40 و مستوى خدمه SN .. بالرغم من كده لم يختاره و اختار الاقل و اختار لزوجه مختلفه ؟؟ ؟؟

يعنى بكده اتأكدنا ان المعدنى بيمشى 5 الاف كم فى الظروف الطبيعيه .. و احتمال الكتالوج عامل حسابه على اقل المواصفات المطلوبه ( و اعتقد ده تفكير طبيعى انه يفكر كده طالما لم يطلب منك زيت مرتفع الاداء )

هما مختارين لزوجات بعيدة عن الكتالوج 15w40 و 20w40 و موبيل طلعلي 0w40 و ده غالباً بيبقى نتيجة عدم توافر اللزوجة المطلوبة لالمواصفة المطلوبة عندهم أو في المنطقة الجغرافية اللي ال ip address تبعها.

كاسترول مثلاً و ليكوي مولي طلعولي 10w40 على طول.

هاستنى زيك رد المهندس بوريو لكن هانتظر المعلومات اللي عندك لأني باستفيد من كل معلومة جديدة عليا .. ما تبخلش عليا بقى :)