الموضوع: سؤال عن مدة تغيير الزيت لاسبيرانزا 516

المشاركة الأصلية كتبت بواسطة borio1704

بصراحة أنا مستمتع بالنقاش جدا... وكمية المعلومات الموجودة هنا يتعمل بيها مواضيع متخصصة قيمة بصراحة...

ويكفيني من وسط كل المعلومات دي إني عرفت معلومة نزول إصدار جديد من مواصفة الـACEA.. شكرا أخي tasaka


عموما.. أنا رأيي إجمالا إني اتبع الكتالوج بحذافيره ما دمت مش متعمق في خبايا مواصفات الزيوت..

علشان كده .. لو حد استشارني في نوع زيت ومدة خدمته.. هأشير عليه بالموجود في الكتالوج بالضبط..

أما بالنسبة لنفسي .. فممكن أتجاوز المدة .. علشان عندي معلومات أكتر أقدر أفرق بيها بين المميزات أو العيوب الموجودة في الزيوت المختلفة.

للأسف .. معظم المشاكل اللي حصلت في مفاهيم الناس جاية من الحتة دي تحديدا... إن اللي فاهم بيفتي بالحالات الخاصة والناس بتاخدها كحالة عامة.

إن شاء الله أعلق لاحقا على بعض النقط اللي لفتت نظري في النقاش بالتفصيل..

فى انتظار ردود استشارى منتدانا الصديق العزيز المهندس بوريو

الغريب ان الكتالوج عنده موش محدد مده ؟؟ .. طب حنعرف ازاى .. ( انا لم اقرأ الكتالوج الا قراءه بحث سريعه )

تحياتى و اعزازى و تقديرى

نزول إصدار جديد من مواصفة الـacea

ال a!/b1 تم نقله لمجموعه ال c كفكره عامه بدون تفاصيل

و ده منطقى جدا بسبب مفهوم ال saps ( انا لم اقرأ المواصفه ال 2016 بالتفصيل حتى الان )

و لو تفتكر انى كنت دائما موش متقبل ال a!/b1 .. لانى مكنتش فاهم استخداماته ( المحدده )

تحياتى و اعزازى و تقديرى

المشاركة الأصلية كتبت بواسطة tasaka

ال a!/b1 تم نقله لمجموعه ال c كفكره عامه بدون تفاصيل

و ده منطقى جدا بسبب مفهوم ال saps ( انا لم اقرأ المواصفه ال 2016 بالتفصيل حتى الان )

و لو تفتكر انى كنت دائما موش متقبل ال a!/b1 .. لانى مكنتش فاهم استخداماته ( المحدده )

تحياتى و اعزازى و تقديرى

هل تقصد ان ال A1 بقى مع ال A3 ؟
لو عندك رابط لمواصفة ACEA 2016 يبقى عظيم.

نقطة أخيرة بخصوص الزيت:
احنا دخنا كتير مع oil selectors متعددة و انا لو تفتكر دورت مع كاسترول بالذات في كذا بلد في كذا قارة ....

عايز أقول إني بتحليل النتايج مجتمعة لاحظت حاجة ... إن من أول زيت الموتور لحد زيت الباور الكل حاطط اللي الكتالوج حاطه ... حتى ان زيت الباور الكتالوج قايل يتراجع كل 15000 كم و ده اللي حاطه ال oil selectors ...

طب عايز أوصل لأيه؟
إن ماحدش دور ورا ال criteria بتاعة الكتالوج "و ده طبيعي و منطقي"
و بالتالي مواصفة الكتالوج العتيقة SJ فقط بالتأكيد كان يكافئها زيت معدني "شيري مش هاتفكر في زيت تخليقي و هي بتحط مواصفة SJ"
خاصة مع عدم ذكر وقت زمني للتغيير من أساسه.

و ده يخليني أشك بقوة إن مسافة ال 5000 كم يُعتد بيها حالياً بعد وصول الزيوت نصف التخليقية ل SN و A3. اعتقد انها منطقية فقط مع استعمال زيوت معدنية.

اتنقل الى مجموعه C و اصبح C5 على ما اتذكر .. و خرج خالص من مجموعه البنزين A


ده الرابط
ACEA EUROPEAN OIL SEQUENCES 2016



انا لى رد .. ساحاول كتابته فى اقرب وقت .. و فى انتظار تعليق المهندس بوريو على النقاش

https://bobistheoilguy.com/forums/ub...io#Post4336771

المهندس بوريو تقريباً مش عايز يرد هنا و أعتقد انه مش محبذ نتعدى مسافة الكتالوج.

المشاركة الأصلية كتبت بواسطة tasaka

لا الكلام ده لا يمكن يكون صحيح .. ممكن يكون بيخزن هنا زيت الاساس بتاعه .. لكن لا يمكن ان كل الشركات تستعمل نفس الزيت طبعا
لكن برضه ما يمنعش لو اكتر من شركه تكون بتستعمل زيت اساس محدد .. انهم يأخذوه من هنا لو موجود
انا كلامى ده تخمين لانى معرفش خطوات التصنيع و التعبئه هنا ازاى
لكن الاكيد انه موش كلهم بيستعملوا نفس زيت ( او خليط من مجموعه زيوت ) الاساس
و كمان فيه فيديوهات لشل و انا كمان كلمتهم .. الزيت بيجى جاهز هنا و يتعبأ فقط ( جاجه زى كده ) .. يعنى زيت الاساس موش من هنا



لا موش رقيقه .. برغم انها ارق من 5W , 10W .. الا انها فى بدايه التشغيل البارد ستكون اعلى من اللزوجه الكينماتيكيه التصميميه للموتور ..
و لاحظ ان انسيابها اسرع فى التدوير البارد .. يعنى وجود طبقه رقيقه افضل من عدم وصول زيت اصلا
و لاحظ كمان ان 90% من التأكل للموتور بيتم فى بدايه التدوير البارد ( كاسترول بتقوا 75% من التأكل على البارد فى بدايه التشغيل ) .. و ال 10% المتبقيه بتحدث طوال فتره التشغيل .. يعنى الاهم هو وصول زيت فى اسرع وقت

و لاحظ كمان ان الاختبارات القياسيه لتحديد ال Multi Grade Weight .. بيكون اختبارات اللزوجه فقط للرقم اللى بعد ال W
لكن الاختبارات للرقم اللى قبل ال W ( زى 0 و 5 و 10 ) ما بتكونش للزوجه .. و انما لسرعه السريان ( ال Cranking ) يعنى سهوله حركه الاجزاء المتحركه

و فى رأيى الشخصى زيوت ال 0W افضل و اغلى من زيوت 5W , 10W



خلى بالك مواضيع الزيت دى شديده التعقيد .. و كل ما حاولت تفهمها اكتر تدخل فى تعقيدات اكتر و اكتر

و لولا ان المهندس بوريو اسلوبه سلس و مبسط .. كان كتير من الزملاء موش حيقدر يستوعب موضوع الزيوت ده بتعقيداته .. خصوصا ان الشركات بتتعمد الغموض و لاتكشف عن تركيبه زيوتها

فيه ردود ممتازه للمهندس بوريو .. و فيه كمان شويه ردود منى فى مناقشات ممكن تفيدك .. بس للاسف بعضها فى مواضيع متفرقه

ان شاء الله احاول ارد عليك بكره

المشاركة الأصلية كتبت بواسطة borio1704

أبدا والله... أنا حاليا معنديش معلومة مؤكدة في كل اللي حضراتكم بتتكلموا فيه..
والحقيقة انتوا اتكلمتوا في مواضيع كتيرة فعلا بتحتاج مني وقت كبير علشان أتأكد من كل واحد فيها.. فبفضل إني أؤجل الرد لحد ما يبقى عندي معلومة موثوقة.

عموما.. أنا كنت اتناقشت فعلا مع صديقي tasaka في موضوع تاني..
http://www.nilemotors.net/Nile/497609-5w40-5w30.html

ورجعنا لرابط من أحد أشهر مصنعي المحركات في العالم (Briggs & Stratton) والرابط من 2013...
Conventional or Synthetic Engine Oil? | Briggs & Stratton Blog

وملخص الكلام إن: مدة التغيير المفروض ما تختلفش عن توصيات الصانع... والميزة اللي هتاخدها من استخدام زيت تخليقي (أو زيت بمستوى أعلى) هو الحفاظ على المحرك بحالة ممتازة لمدة أطول.

صحيح الرابط بيتكلم على المواتير الصغيرة (أقل من 10 حصان) ... بس الفكرة في رأيي... واحدة.

...

فيه نقطة مش فاكر ذكرتها و لا لأ، بس أبو الفتوح كان بيستعمل موبيل 1 مع كل الإسبيرانزا و بيغيره كل 10.000 كم و في وجود الصينيين أوائل فترة التجميع.