سؤال عن الاوتوماتيك في اللانسر 2007

**M_H** · 04-08-2007 07:08 PM

السلام عليكم يا اخواني الافاضل
انا معايا لانسر 2007 اتوماتيك, عايز اعرف الاستخدام الصحيح للفتيس الاتوماتيك ده بمعني ينفع انقل من D ل Ds في اي وقت ولا لازم تكون السرعه منخفضه او طالع مطلع كوبري مثلا والعربيه محمله ناس وايه احسن طريقه احافظ بيها علي الفتيس الاتوماتيك والف شكر ليكم[

**memoo_1st** · 04-08-2007 07:49 PM

اولا ممكن حضرتك تنقل من D لل Ds في اي وقت عادي و ممكن متكونش العربيه محمله بس ال D بيريح العربيه يعني لو ماشي في وسط البلد او طرق جوه البلد لانو بينقل على rbm منخفض
لكن ال Ds بينقل على rbm عالي ف دا لو عايز تجمع سرعه في وقت قليل او على الطرق السريعه
وبالنسبه للمحافظه على الاوتوماتيك حضرتك بس متعملش كيك داون كتير ولو في مطلع جامد او العربيه محمله كتير على حسب القدره الي انتا عاوزها تجيب ال L او ال Ds لان لو مطلع و العربيه محمله بيبقى غلط انك تتطلع على ال D

و انا تحت امرك في اي استفسار

**عمرو عبيد** · 05-08-2007 10:22 AM

يعنى يا باشا ممكن و العربية ماشية احول من ال d الى الds او الL و لا لازم العربية تكون واقفة

**memoo_1st** · 05-08-2007 12:03 PM

اها ممكن عادي وهيا ماشيه تنفل لل Ds او ال L

**M_H** · 05-08-2007 03:42 PM

الف الف شكر ليك يا باشا وشكرا جدا علي ردودك وربنا يكرمك بالخير دائماء :)

**tahereyad** · 01-09-2007 01:43 AM

بالنسبه لوضع ال DS القياده الرياضيه ممكن ننقل عليه في أي وقت و عند أي سرعه بالذات لما تحب تاخد غرزه أو تجمع سرعه,,, لكن طبعا وضع ال L لازم تكون سرعة السياره منخفضه لو حولت عليه,,,

و عامة لما نحول من Lالي DSأو من DS الي D لا نحتاج للضغط علي اللوك لكن العكس نحتاج للضغط علي اللوك لتقليل احتمال الخطأ في التحويل,,

تاني حاجه السي في تي اللي في اللانسر 1.6 كفاءته عاليه جدا و مشاكله أقل بكتير غير انه كمان أبسط كتير من الأوتوماتيك العادي في باقي السيارات اللي بيكون 4 أو 5 تروس. و التحكم فيه بيكون عن طريق برنامج كنترول ذكي جدا اسمه FUZZY CONTROL و بالتالي هو بيتحكم فالعربيه بناء علي حاجات كتير جدا و بيحقق أعلي آداء للعربيه.