مناقشه مفتوحه لمسافه و مده تغيير زيوت المحرك - و بعض المعلومات العامه

فى البدايه ساوضح بعض المعلومات العامه ( القديمه ) المتعارف عليها .. و اصبحت من المسلمات

يجب ملاحظه ان الزيوت فيها تطورات سريعه .. و ايضا ان شركات الزيوت قد تقوم بتعديل تركيبه زيوتها كليا او جزئيا ( بدون الاعلان عن ذلك ) ..

و ده بينتج عنه اننا بتنكلم باخر معلومات متاحه ( قد تكون من عده اسنوات مثلا ) .. بينما قد تكون تركيبه الزيت تغيرت تماما مثلا

و فيه مثال للتطورات السريعه فى الزيوت شفته امبارح .. زيت معدنى من شركه موتول بيخالف كل اللى اعتدنا عليه فى الزيوت المعدنيه ( ساضعه فى رد لاحق منفصل )


1- المسافه
- الاساس هى المسافه المحدده فى الكتالوج ( طبقا لمواصفه زيت محدده ) .. او من الشركه صانعه الزيت لو تم تحديدها رسميا فى مواصفه الزيت ( بشرط اساسى ان الزيت يكون متوافق مع متطلبات الكتالوج )

- الزيوت المعدنيه الجيده مسافتها بتترواح من 4 الى 5 الاف كم

- الزيوت التصنيعيه 100% من اساس معدنى مجموعه 3 .. المسافه 10 الاف كم و قد تصل الى 15 الف كم

- الزيت التصنيعى الحقيقى 100% مجموعه 4 او اعلى ..المسافه تبدأ من 25 الف كم .. و تصل الى 40 الف مع زيت امسويل سيجنتشر ( و ده اعلى زيت )

- الزيوت النصف تصنيعيه .. المسافه من 7 الاف كم و قد تقل عن ذلك او تزيد قليلا حسب جوده الزيت

- طبعا المواتير المجهزه لتحديد ميعاد تغيير الزيت فى العاده مسافتها اكبر من مسافه الزيوت التصنيعيه 100% من اساس معدنى مجموعه 3 .. لان كل من الموتور و الزيت ( الخاص ) بيكون مصمم لمده و مسافه طويله لبقاء الزيت


2- الزيوت النصف تصنيعيه ..
- نسبه الزيت التصنيعى المعتاده فيها بتتراوح من 20 % الى 30%


3- المده
- الاساس هى المده الحدده فى الكتالوج ( طبقا لمواصفه زيت محدده ) .. او من الشركه صانعه الزيت لو تم تحديدها رسميا فى مواصفه الزيت ( بشرط اساسى ان الزيت يكون متوافق مع متطلبات الكتالوج )

- فى حاله ان المواصفه الاوروبيه حددت هذه المده لاحد مواصفاتها .. مع وجوب الحذر الشديد جدا فى الاختيار .. لان المواصفه قد لا تناسب بعض المحركات ( ساوضح فى رد منفصل )

- لن تجد اجابه شافيه محدده مهما بحثت على الانترنت .. بل لن تجد اجابات وافيه مسهبه لشرح هذا الامر

- المده ترتبط اكثر بالاضافات اكثر من ارتباطها بجوده الزيت الخام ( ده المعتاد ) .. لكن ايضا الزيت وحده واحده فلذلك هى لها ارتباط وثيق بزيت الاساس
لكن بعض الشركات قد تفضل ( اقتصاديا ) انها توفر - فى زيت الاساس ( لبعض زيوتها ) و تعوض ده ببعض الاضافات ( لو وجدت التركيبه دى مجديه اقتصاديا ) .. يعنى الموضوع مفيش فيه اتجاه محدد تقدر تحس انه اتجاه عام عند الشركات

- بصفه عامه للحصول على مده اطول يمكن تصميم مجموعه الاضافات ( بالكميات اللازمه ) للحصول على المده المطلوبه من هذا الزيت .. بمعنى ان يمكن لزيت اقل فى الجوده ان يصمم للاستعمال لمده مطوله بينما زيت تانى اعلى فى الجوده من نفس الشركه يكون مصمم لحمايه و اداء متفوق و لكن لفتره قصيره .. و طبعا فى طرق اخرى غير كده للحصول على المده المطوله

- الزيت المعدنى .. مدته من 3 الى 4 شهور .. و ده هو اللى كان متداول فى امريكا لفتره طويله
- الزيت النصف تصنيعى .. مدته 6 شهور ( دى المده المتعارف عليها )
- الزيت التصنيعى 100% من اساس معدنى .. مفيش كلام شافى فى الموضوع ده
- الزيت التصنيعى الحقيقى 100% مجموعه 4 او اعلى .. المده سنه لكل الزيوت اللى شفتها و حددت المده بتاعته ( دى ملاحظه من مقارنه مواصفه الزيوت دى )

انا عن نفسى لو الزيت التصنيعى 100% من اساس معدنى مجموعه 3 .. و مستوى خدمته عالى ( جدا ) و متوافق مع المواصفتين الامريكيتين + المواصفه الاوروبيه ( بمستوى عالى جدا ) بشرط ان المواصفه الاوروبيه تكون ( المده المطوله )

يعنى يكون sn و gf5 .. و a5 .. و كمان لازم مع a5 انه يكون a3 علشان اضمن طبقه حمايه رقيقه مناسبه .. و ممكن استغنى عن a5 بمواصفه c3 لانها حتدى حمايه كويسه لان زيوتها بتكون تقيله فى تدرج نفس اللزوجه 30 او 40 مثلا

لو الزيت حقق ده .. ساغير هذا الزيت على مده سنه ( ده عن نفسى ) .. و سابدأ فى اختبار الزيت كل شهر بدأ من الشهر التاسع


4- المحركات
يعنى لم ابحث هذه النقطه بالتفصيل ( ارجو التصحيح لو انا اخطأت ) و لكن اعتقد طبعا تصميم المحرك سيؤثر اكيد فى مده بقاء الزيت .. و ساعطى امثله واضحه

- كتير من الزيوت بتشتغل ديزل و بنزين .. ستجد ان محركات الديزل القديمه التصميم بتغيرالزيت ده على فترات اقل من المحرك البنزين .. بينما محركات الديزل الحديثه .. الزيوت عاليه المستوى المخصصه لها تستمر لمسافات كبيره جدا

- محركات التيربو ايضا تتطلب زيوت عاليه المستوى و اعتقد برضه لو الزيت منخفض الاداء سيحتاج تغيير على فترات اسرع

- المواتير الحديثه المصممه للتوافق مع المعايير البيئيه .. الزيت سيستمر لفترات اطول بكثير

- و احيانا فى ال Oil Selector بتاع بعض شركات الزيوت .. ستجد ان المسافه المسموحه بتختلف حسب المحرك لنفس الزيت

اقتباس:

---

و فيه مثال للتطورات السريعه فى الزيوت شفته امبارح .. زيت معدنى من شركه موتول بيخالف كل اللى اعتدنا عليه فى الزيوت المعدنيه ( ساضعه فى رد لاحق منفصل )

---

ده مثال للتطورات السريعه فى الزيوت شفته امبارح .. زيت معدنى Minral من شركه موتول ( يعنى حتى موش نصف تصنيعى )

ال Oil Selector طلع مجموعه اختيارات مناسبه لى كلها تصنيعيه 100% .. ما عدا اخر اختيار كان زيت معدنى عادى .. فحبيت اشوف مواصفته



اولا :
ال Oil Selector حدد لى الاتى لزيت موتول المعدنى 4000 Motul Motion 10W-30

- سمح بمسافه استخدام 15 الف كم للزيت !!!! .. عندى فى الكتالوج 10 الاف كم
- سمح بمده الاستخدام المحدده فى الكتالوج .. عندى فى الكتالوج سنه



ثانيا :
- لزوجه الزيت 10W30 .. و دى حاجه غريبه على زيت معدنى بالكامل .. لان اللزوجه دى هى المعتاده نجدها فى تصنيعى 100%

- زيت موفر للبنزين !!!!

- زيت منخفض اللزوجه ( ده سبب توفير البنزين ) .. و دى حاجه غريبه على زيت معدنى بالكامل .. برغم انى شايفها 12.1 يعنى موش منخفضه داخل لزوجه ال 30 .. بس طبعا مفيش مقارنه مع الزيوت المعدنيه لزوجه 50

- زيت منخفض ال HTHS ( منخفض القص Shear عند درجات الحراره العاليه جدا.. 150 درجه مئويه ) و ده بيكون من ضمن الحاجات اللى بتصاحب اللزوجه المنخفضه و توفير البنزين .. و دى حاجه غريبه على زيت معدنى بالكامل .. لان ده بيكون متطلبات مواتير حديثه مصممه للزوجه المنخفضه ( فورد على سبيل المثال )

و كمان لان الزيوت المعدنيه اهم نقط ضعفها و قصر مده بقاء الزيت .. لان الزيت المعدنى بيحصل له قص Shear بعد فتره قليله من الاستخدام

و لان ده معناه انه بيوفر طبقه الحمايه الرقيقه للزيت برغم ان رقم ال HTHS منخفض .. و فى الحاله دى عاده بيكون الحمايه دى شامله حمايه اضافيه .. علشان تعوض رقم HTHS ( المنخفض عمدا )



ثالثا :
- ملائم للتيربو و ال LPG و علبه البيئه .. و مختلف انواع الوقود

- رقم ال TBN كويس و قيمته 8.8 .. ده مؤشر لمده بقاء الزيت داخل المحرك

- المواصفه عاليه
ACEA A1 / B1
API SL / CF



رابعا :
و ده وصف الزيت

Mineral lubricant designed for gasoline, diesel, LPG and turbo engines. They will satisfy users concerned with long-term preservation of engine output.

Specially designed for vehicles requiring SAE 10W-30 viscosity oil, low HTHS and Fuel
Economy performances.
Suitable for all types of Gasoline engines, with injection or carburetor, and catalytic converter. Suitable
for all type of fuel.
These oils may be unsuitable for use in some engines. Refer to the owner manual or handbook if in
doubt.

- روابط :

ده رابط الزيت
https://www.motul.com/gb/en/products/4000-motion-10w30

و ده رابط الداتا شيت للمواصفات
https://s3-eu-west-1.amazonaws.com/m...pdf?1484002481

اقتباس:

---

اولا :
ال Oil Selector حدد لى الاتى لزيت موتول المعدنى 4000 Motul Motion 10W-30

- سمح بمسافه استخدام 15 الف كم للزيت !!!! .. عندى فى الكتالوج 10 الاف كم
- سمح بمده الاستخدام المحدده فى الكتالوج .. عندى فى الكتالوج سنه

---

ملحوظه لعدم حدوث لبس

مسافه ال 15 الف دى طلعت لمحرك معين .. يعنى مناسبه لمحركى فقط موش مسافه عامه تنفع لكل العربيات


انا جربت ال Oil Selector لعربيه اخرى .. اعطى زيت اخر متقارب نسبيا من نفس مجموعه Motul Motion

و هو 4100 Motul Motion 10W-40 .. و اعطى مسافه مسموحه 5 الاف كم فقط ( نفس مسافه كتالوج العربيه الاخرى )

فرق المفهوم بين مواصفتى ال api و ال acea

1- مواصفه api ( امريكيه )
- ال api توجهها اكثر تجاه شركات الزيوت ( و ليس صانعى السيارات ) .. و على شركات السيارات مراعاه مواصفه الزيت اثناء تصميم المحرك مما يقلل من الحريه اثناء التصميم
- ال api تقوم باختبار و اعتماد الزيوت نظير مقابل مادى .. و هنا فى مصلحه ماديه مباشره .. و يمكن يكون ده ( بصوره غير مباشره ) من ضمن اسباب توجه ال api تجاه شركات الزيوت اكثر من صانعى السيارات
- api تقاضى اى شركه زيوت تضع شعار الاعتماد الخاص ب api بدون دفع القيمه الماليه المطلوبه
- لذلك قد تكون هناك زيوت تحقق مواصفه معينه من api و لكنها لا تضع الشعار على منتجاتها .. لان هذه الشركات لا ترغب فى دفع المقابل المادلى للشعار


2- مواصفه acea ( اوروبيه )
- ال acea توجهها الاساسى تجاه صانعى السيارات ( و ليس الى شركات الزيوت ) و متطلبات التصميم لهم .. و تقوم بوضع المواصفه بناء على ذلك .. و قد يضع صانع واحد اكثر من مواصفه كل منها يناسب تصميم معين من مواتير هذا الصانع
- ال acea لا تعتمد الزيوت و لكن فقط تضع المواصفه .. و اعتقد اللى بيعتمد الزيوت هم صانعى السيارات بعد التأكد من استيفائها لمتطلباتهم الخاصه
- لذلك لن تجد زيوت معتمده من ال acea .. و لكن ستجد زيوت تحقق مواصفه acea


3- الطابع العام للسيارات الاوروبيه و الامريكيه
- السيارات الاوروبيه بصفه عامه تستخدم تكنولوجيات عاليه معقده .. مع اتجاه عام لمحركات صغيره بقدره عاليه .. و ايضا استخدام التيربو

كل هذه العوامل تضع حمل كبير على الزيت و بالتالى تكون الزيوت عاليه المستوى و مصممه لتحمل احمال عاليه مع حمايه اعلى ضد التآكل .. و يكون توفير الوقود له اسبقيه لاحقه و ليست هى اساس التصميم

فيكون المفهوم العام للزيوت هو الحصول على حمايه قصوى للمحرك مقابل اهتمام اقل نسبيا بتوفير الوقود ( الذى يكون فى المرتبه الثانيه فى التصميم )


- السيارات الامريكيه بصفه عامه تتجه لاستعمال التكنولوجيات العاديه نسبيا .. ذات محركات اكبر نسبيا .. فبالتالى لا توجد احمال عاليه على الزيوت

و يكون الاتجاه مركز اكثر تجاه الزيوت منخفضه اللزوجه و الاسبقيه الاولى تكون لتوفير الوقود .. و هذا له تأثير عكسى على الحمايه ضد التآكل بصفه عامه

فيكون المفهوم العام للزيوت هو الحصول على اداء اقتصادى افضل مقابل حمايه اقل نسبيا للمحرك



4- و ده مثال سريع يوضح الفارق بين ال api sn و احدى المواصفات الاوروبيه c3

api sn و احدى المواصفات الاوروبيه A3\B4
ملف مرفق 15756

https://www.nilemotors.net/Nile/atta...6&d=1490809776


api sn و احدى المواصفات الاوروبيه c4
ملف مرفق 15757

https://www.nilemotors.net/Nile/atta...7&d=1490809832



و لذلك فى رأيى الشخصى ان ال acea هى المواصفه الافضل و الادق .. و هى التى سمحت بحريه التصميم لصانعى السيارات .. و هى ايضا اتنى سمحت بالطابع المميز للسيارات الاوروبيه ( فترات تغيير الزيت للسيارات الاوروبيه طويله جدا مقارنه بغيرها )

و طبعا الحديث عام و لا اتحدث عن الزيوت نفسها .. و لكن حديثى عن المواصفات القياسيه .. و يوجد فى الزيوت الامريكيه ما يفوق العديد من الزيوت الاوروبيه .. و المثال هنا هو زيت امسويل

زيت معدنى من شركه موتول بيخالف كل اللى اعتدنا عليه فى الزيوت المعدنيه ( ساضعه فى رد لاحق منفصل )
tasaka

ممتاز جدا وتسلم ايديك اخى الكريم

اقتباس:

---

المشاركة الأصلية كتبت بواسطة Colin Chapman

زيت معدنى من شركه موتول بيخالف كل اللى اعتدنا عليه فى الزيوت المعدنيه ( ساضعه فى رد لاحق منفصل )
tasaka

ممتاز جدا وتسلم ايديك اخى الكريم

---

- ده رد من المهندس بوريو .. فيه زيوت معدنيه خفيفه ( موش موجوده فى منطقتنا طبعا ) .. المعلومه كانت جديده بالنسبه لى .. بس قد تكون اقل من مواصفه موتول المعدنى ( يلزم بحث )
https://www.nilemotors.net/Nile/4976...post3876120119



- الملحوظه الغريبه فى زيت موتول المعدنى بالنسبه لى .. انه رشح لى الزيت ده و مواصفته A1 \ B1

انا استغربت لان موتورى تصميمه قديم نسبيا .. اعلم اته مصمم للزوجه منخفضه .. و لكن لا اتوقع انه مصمم لمعامل تآكل منخفض ليوفى متطلبات A1 \ B1 !! ؟؟

ساوضح فى رد تفصيلى لاحق

اقتباس:

---

المشاركة الأصلية كتبت بواسطة tasaka

- ده رد من المهندس بوريو .. فيه زيوت معدنيه خفيفه ( موش موجوده فى منطقتنا طبعا ) .. المعلومه كانت جديده بالنسبه لى .. بس قد تكون اقل من مواصفه موتول المعدنى ( يلزم بحث )
https://www.nilemotors.net/Nile/4976...post3876120119

:S_thum1[1]::S_thum1[1]::S_thum1[1]::vctry::vctry::vctry:

- الملحوظه الغريبه فى زيت موتول المعدنى بالنسبه لى .. انه رشح لى الزيت ده و مواصفته A1 \ B1

انا استغربت لان موتورى تصميمه قديم نسبيا .. اعلم اته مصمم للزوجه منخفضه .. و لكن لا اتوقع انه مصمم لمعامل تآكل منخفض ليوفى متطلبات A1 \ B1 !! ؟؟

ساوضح فى رد تفصيلى لاحق

---

بعض المعلومات المفيده
فى المواصفه الاوروبيه تختلف جوده زيت الاساس حسب الاتى :
1- تصنيف الزيت
2- درجه اللزوجه داخل نفس تصنيف الزيت


المواصفه الاوروبيه تصدر فى العاده كل سنتين و قد يحدث اختلافات جوهريه فى الاصدارت المختلفه
سنوضح جوده زيت الاساس حسب مواصفه 2010 كمثال

1- زيوت الجوده المعتاده Main Stream lubricants
و دى بتكون لزيوت A3\B3 .. و ايضا للزوجات الخفيفه من زيوت A3\B3 و هى التى نعبر عنها بتصنيف A1\B1

2- زيوت الجوده الاعلى من المعتاد Upper Mainline lubricants
و دى بتكون لزيوت A3\B4 .. و ايضا للزوجات الخفيفه من زيوت A3\B4 و هى التى نعبر عنها بتصنيف A5\B5

3- زيوت الاعلى جوده على الاطلاق Top Tier lower SAPS¹ lubricants
و دى بتكون زيوت مجموعه ال C

4- داخل نفس التصنيف ( لكل تصنيف ) .. تتغير جوده زيت الاساس و تركيبته بناء على اللزوجه ..
كمثال لزيوت A3\B4 ستلاحظ اختلاف جوده زيت الاساس طبقا للزوجه الزيت المطلوبه كما فى زيت 0W30 حيث تم استعمال زيت اساس مجموعه رابعه PAO .. و ايضا خلط زيوت اساس من مجموعات مختلفه احيانا كما فى زيت 10W-40

ACEA A3/B4 oils are probably seen in the widest range of viscosity grades. The most common being:

• SAE 10W-40 based on a mix of API Group I and Group III, or API Group II base oils.
• SAE 5W-40 and SAE 5W-30 based on API Group III base oils.
• SAE 0W-30 based on API Group IV base oils.

5- و يتضح من هذا لزيوت المواصفه الاوروبيه 2010 .. ان زيوت A5 هى اعلى جوده من زيوت A1



الزيوت التى لها اشتراطات خاصه من مجموعه A و مجموعه C ( بمعنى انها قد لا تصلح لبعض المحركات )
1- من مجموعه A .. زيت A1\B1 ( بالذات ) .. و A5\B5
2- من مجموعه C .. كل زيوت المجموعه C



المواصفه الاوروبيه لعام 2016 توجد بها اختلافات جذريه حيث تم الاتى .. ( لا اتوقع ظهورها حاليا فى الزيوت عندنا )
1- الغاء المجموعه A1\B1 و تحويلها الى مجموعه جديده داخل ال C و و تسميتها تحديدا C5
2- زيوت A3\B3 اصبحت اعلى فى الاداء من كل من A3\B4 , A5\B5 .. و ده على خلاف جميع اصدارات المواصفات الاوروبيه السابقه .. و دى نقطه تحتاج الى بحث اضافى

تدقيق

اقتباس:

---

المشاركة الأصلية كتبت بواسطة tasaka

ب
سنوضح جوده زيت الاساس حسب مواصفه 2010 كمثال

1- زيوت الجوده المعتاده Main Stream lubricants
و دى بتكون لزيوت A3\B3 .. و ايضا للزوجات الخفيفه من زيوت A3\B3 و هى التى نعبر عنها بتصنيف A1\B1

2- زيوت الجوده الاعلى من المعتاد Upper Mainline lubricants
و دى بتكون لزيوت A3\B4 .. و ايضا للزوجات الخفيفه من زيوت A3\B4 و هى التى نعبر عنها بتصنيف A5\B5

---

ليس المقصود هنا بكلمه ( اللزوجه الخفيفه ) انها اللزوجه المعتاده عند درجه حراره التشغيل ( مثلا لزوجه 30 او 40 )

المقصود هو اقل لزوجه للزيت عندما تتعرض طبقه الحمايه الرقيقه Oil Film لاقصى ظروف التشغيل .. و يعبر عن هذه اللزوجه باسم اجهاد القص الاعلى فى درجات حراره مرتفعه HTHS ( High temperature high shear )

اجهاد القص الاعلى فى درجات حراره مرتفعه HTHS هو المقياس الصحيح لاداء الزيت اثناء ظروف التشغيل الحقيقيه على الطبيعه .. و ادق من الاختبارات المعمليه ASTM التى تحدد مواصفه و اداء الزيت ( المتوقع ) اثناء ظروف التشغيل

اقصى ظروف التشغيل تحدث عندما ان تكون طبقه الحمايه الرقيقه Oil Film تحت اقصى انضغاط .. و بالتالى يتعرض لاعلى درجه حراره نتيجه الانضغاط .. و ايضا يتعرض لاعلى قوه قص على الزيت ( تكسر جزيئات الزيت ) نتيجه الانضغاط

اقصى ظروف التشغيل تكون فى اماكن محدده .. منها ركائز الكرنك Bearings .. جدران المحرك الداخليه عند التقاؤها مع البساتم



اضافه

اقتباس:

---

المواصفه الاوروبيه لعام 2016 توجد بها اختلافات جذريه حيث تم الاتى .. ( لا اتوقع ظهورها حاليا فى الزيوت عندنا )
1- الغاء المجموعه A1\B1 و تحويلها الى مجموعه جديده داخل ال C و و تسميتها تحديدا C5
2- زيوت A3\B3 اصبحت اعلى فى الاداء من كل من A3\B4 , A5\B5 .. و ده على خلاف جميع اصدارات المواصفات الاوروبيه السابقه .. و دى نقطه تحتاج الى بحث اضافى

---

المواصفه الاوروبيه لعام 2016 توجد بها اختلافات جذريه حيث تم الاتى .. ( لا اتوقع ظهورها حاليا فى الزيوت عندنا )
1- الغاء المجموعه A1\B1 و تحويلها الى مجموعه جديده داخل ال C و و تسميتها تحديدا C5
2- زيوت A3\B3 اصبحت اعلى فى الاداء من كل من A3\B4 , A5\B5 .. و ده على خلاف جميع اصدارات المواصفات الاوروبيه السابقه .. و دى نقطه تحتاج الى بحث اضافى
3- تم الغاء شرط ال Low Friction من مجموعه ال A >> تحديدا ( A5 )
4- تم الغاء شرط ال Low Friction من مجموعه ال C >> تحديدا ( C1 , C2 )
5- تم اضافه شرط جديد و هو لزوم OEM Approval كشرط لاستعمال C5 ( و لاحظ ان C5 هو الاسم الجديد لمجموعه A1\B1 )
6- اشتراط OEM Approval فى المواصفه الاوروبيه لعام 2016 لايوجد الا لتصنيف واحد فقط و هو C5 ( و C5 هو الاسم الجديد لمجموعه A1\B1 )

اقتباس:

---

الزيوت التى لها اشتراطات خاصه من مجموعه a و مجموعه c ( بمعنى انها قد لا تصلح لبعض المحركات )
1- من مجموعه a .. زيت a1\b1 ( بالذات ) .. و a5\b5
2- من مجموعه c .. كل زيوت المجموعه c

---

- من مجموعه c .. ( كل ) زيوت المجموعه c >>>> طبقا ل المواصفه الاوروبيه لعام 2012 و ما قبلها .. بمعنى انها تنطبق على الزيوت مجموعه c المنتجه حتى اواخر 2016


- من مجموعه c .. ( بعض ) زيوت المجموعه c >>>> طبقا ل المواصفه الاوروبيه لعام 2016 .. بمعنى انها تنطبق على الزيوت مجموعه c المنتجه من 2017
.. و غير موضح اى من زيوت c هو الذى ليس له اشتراط خاص فى مواصفه 2016
.. اعتقد ان c3 هو الاقرب الى a3 ( فى المواصفه الاوروبيه بصفه عامه ) .. بمعنى انه ( قد يكون ) هو الزيت الذى لا يشترط اشتراطات خاصه فى استخدامه من مجموعه c فى مواصفه 2016