-
القاهره
سيارتي نيسان صني 2013 الشكل الجديد ذهبت لورشه لعمل صيانه ال 80000 وقمت بتغيير سير مجموعه وفلتر هواء وفلتر بنزين وبوجيهات ثم حدث الاتي
السياره تتاخر في الدواره وبعد اسبوع بطلت تدور خالص
تشخيص الورشه ان البوابه عايزه تتغير ولكن انا اعتقد ان في مشكله في طرمبه البنزين بعد تغيير الفلتر ويصراحه مش عايز اخش في سكه مطلعش منها
من فضلكم الافاده
-
طرمبة البنزين لو بايظة ..هتخلي العربية تقطع وهي ماشية....لو محصلش ده معاك....يبقة نستبعد الطرمبة والفلتر(جرب تسمع زنة الطرمبة وانت ع الكونتاكت عشان تتاكد انها شغالة..لو مسمعتش الزنة يبقى الطرمبة بايظة يبقى لازم تتغير..لكن بيبقى ليها مقدمات ...انا معايا دايما طرمبة احتياطي في الشنطة للطوارئ لان الحاجات ديه بتبقى من غير ميعاد وفجأة) ..
البوابة بتتنظف مش بتتغير....
....حضرتك بتقول غيرت البوجيهات وفلتر البنزين...نوعهم ايه لازم يكونوا اصلي..ولازم نراجع على الموبينة اللي على كل بوجيه وسلوك البوجيهات ممكن متكنش ركبت كويس بعد تغيير البوجيهات
...وايضا ممكن تكون في حساس البوابة او الماس او حساس الكامة لو العربية بتاخر في الدوارة فقط.....جرب تكشف على الحساسات بالجهاز واتاكد وبكرر اتاكد انهم راكبين كويس لانهم لو مش راكبين كويس هيبرجلوا العربية..."حصلت معايا"..
هي العربية بطلت تدور والمارش شغال ...والبطارية كويسة ولا لأ...
كل اللي سبق ممكن يأثر على الدوارة
انا اعتقد بما ان حضرتك الشكوى حصلت بعد تغيير الفلتر والبوجيهات ان المشكة فيهم وانهم مش اصليين..لو الكلام ده صحيح ..روح التوكيل واشتري الاصليين وركبهن عند واحد محترم ...والمشكلة هتختفي ان شاء الله
-
اولا شكرا للرد
هحكيلك قصه اللي حصل بعد كده
كل قطع الغيار اصليه وبسمع زنه الطرمبه
سحب العربيه علي توكيل السبع زهراء المعادي وكانت اكبر غلطه قالولي بمنتهي البرود لازم نغير الطرمبه والبوابه والكنترول وطول تكلفتهم ربع تمن العربيه ده غير المصنعيات والعطله عشان يطلبوا القطع ده
رحت سحبت العربيه من عندهم طبعا لان واضح انهم بيفتوا ومش عارفين ايه المشكله
طلعت علي الحرفيين مع الميكانيكي وبعد عمل بعض التجارب والكشف بالكمبيوتر اللي ملقاش حاجه طلعت المشكله ان في قفله في لوحه الفيوسات
قمنا بفكها وتركيبها مره اخري مع فصل البطاريه والحمدلله اتحلت
ارجو التنويه هنا عن اذا كان حد يعرف ورش جيده في السياره نيسان ان يذكرها خاصه فى القاهره
وياريت ناخد بالنا من فتي بعض التوكيلات اللي المفروض انهم اكتر ناس بتفهم في العربيه اللي هما مسئولين عنها لاني خلال تعرضي للمشكله دي سمعت مشاكل كتير واجهها اصدقائي توكيلات سياراتهم
وربنا يكفينا شر المستخبي وشكرا
-
ممكن اعرف فين مكان الحساسات وازاي اعرف ان كانوا متركبين كويس وتقصد ايه بانها بتبرجل العربيه
-
الحمدالله ان مشكلتك اتحلت والواحد مبيتعلمش ببلاش....لوحة الفيوزات اللي في صدر العربية ديه هي كمبيوتر العربية...وبيقى نادرا لما يحصل قفلة او يبوظ.......وطبعا بالنسبة للتوكيل لانك بره الضمان فلازم يعمل كده...لكن العكس صحيح لو انت لسيه جوه الضمان ..
بالنسبة للحساسات فديه عاملة زي الغدد اللي في الانسان ووظيفتها تنظيم وتحسين كفائة الاداء واستهلاك الوقود..شوف اللينك وهتعرف كل حاجة ووظيفة كل حساس...متركبين كويس اقصد متعشقين في بعض تمام مش سايبين لان الحساس عبارة عن فشتين بتعشقوا في بعض ..
http://www.nilemotors.net/Nile/324131-a.html
https://www.youtube.com/watch?v=tvyxiiIpkho
-
-
شكرا للمشاركه الايجابيه واهتمامك انك تنقلنا تجربتك مع العربيه.
"طلعت المشكله ان في قفله في لوحه الفيوسات
قمنا بفكها وتركيبها مره اخري مع فصل البطاريه والحمدلله اتحلت"
ممكن توضيح اكتر ليه حصلت القفله دى, هل مثلا العربيه اتغسلت او فى حد لعب فالكهرباء ؟ ولا دا عمرها الافتراضى ؟
-
اعتقد ان السبب هو ان طرمبه البنزين عطلت ومن كتر محاولات اداره السياره حصل برجله في الكهرباء
Content Relevant URLs by
vBSEO 3.6.0 PL2