المشاركة الأصلية كتبت بواسطة mohamedway
اساليب الغش ده كتيره زى اللعب فى العدادات و زى خلط انواع البنزين المختلفه او انه يبيعلك بنزين 90 من طلمبه 92 و بحسها علطول فى عربيتى ده غير لما البنزين بيبقه عليه ميه بتبقه كارثه بجد..............كل ده كوم و الجديد اللى انا لاحظته كوم تانى و ناس كتير فى المنتدى لاحظوه و هو ان البنزين بيستهلك بسرعه جدا و طبعا هتشك فى عربيتك انها مش مزبوطه مش فى البنزين خصوصا ان اداء العربيه بيبقه زى ما هو فواضح انهم بيضيفوا حاجه على البنزين تزود حجمه و مبتأثرش على اداء العربيه و بتدخل مع البنزين اثناء الحريق بس ما بتتحرقش كويس او مبتديش نفس السعرات الحراريه اللى الموتور محتاجها فالانجكشن بيضطر يحقن المزيد ليحصل على الحريق المطلوب........ انا و الله شكيت فى عربيتى بس لاحظت ان ده بيحصلى لما بمون من محطه معينه و لاحظت كذا حد اشتكى نفس الشكوى من بنزينات مختلفه و المحطه اللى كان ليه التجربه دى معاها هى شل اللى جنب نادى السكه (و حتى لما بفول منها عداد البنزين بيطلع ببطء شديد لعلامه الفول تانك و بيفضل تحتها بشويه و يقعد عشر دقائق كده لحد ما يطلع لاخره .... اظاهر الحاجه اللى بيضيفوها دى كثافتها كبيره و العوامه ليها بستم صغير بيطلع و ينزل عشان متتمرجحش فى المطبات اظاهر الحاجه اللى هم ضايفنها بتبقى تقيله عليه) و بعد ما فولت من محطه تانيه (المؤشر طلع لاخره علطول و استهلاك البنزين ممتاز ممتاز؟!!!!!!!
ياترى بيحطوا ايه على البنزين بيعمل كده ؟؟؟؟ يكونش جاز مثلا؟؟؟؟ ولا ايييه؟ انا سمعت موضوع الجاز ده قبل كده و فعلا لو ده جاز مش هيتحرق كويس مع البنزين و طبيعى ان استهلاك العربيه يزيد؟!!!!!!!!!!!!! والله حرام
لو فيه حد عنده خبره و معلومات فى النقطه ده بالذات ياريت يفيدنا
