قائمة سوداء لمحطات البنزين (يغشون البنزين بماء أو أي غش آخر)

سوف أضع أول محطة بنزين غشاشة في القائمة السوداء حتى يبتعد الناس عن التعامل معهم

عنوان المحطة:كالتكس الي وراء السراج مول بآخر مكرم عبيد - مدينة نصر - القاهرة .

الموضوع الموضح فيه الغش:
http://www.nilemotors.net/Forum/view...?p=47261#47261

الموضوع مفتوح لكل الزملاء لكي يضيفوا محطات البنزين سيئة السمعة بالنسبة لغش أنواع البنزين أو غش البنزين بالماء أو تلاعب بالعدادات أو أي غش بالوقود (المحطات سيئة المعاملة فقط غير داخله في الموضوع)

أرجو من أي عضو لو عرف محطة بالشكل ده وتأكد بدليل قاطع زي أول موضوع يكتبها في هذا الموضوع

محطة كالتكس اللى فى اخر شارع النصر فى المعادى

كل اما ابقى مضطر احط بنزين من هناك الاقى اداء العربية وحش اوى, و اول لما يخلص و امون من حتة تانية احس بتحسن

الظاهر كالتكس عموما درجة تانية (و الله اعلم)

فعلا لسه حاطط من كالتكس اول امبارح لقيت نص التانك خلص قبل 100 كيلو وانا جوة البلد بعمل 500 لما بفول

واضح ان كالتكس فعلا كدة

انا بتجنب كالتكس تماما

يا اما شل او موبيل و امارات مصر لو على الدائرى

و ساعات TOTAL

فية ايةلسة ما تغشش فى البلد
اللبن العيش يبقى البنزين لأ لية
حسبنا الله ونعم الوكيل

HYBRID CARS !! SOON ! PLEASE ! :D

CALTEX !! CALCRAP !

محطة التعاون اللي في الحي السابع، دي بتحط عصير قصب بدل البنزين كل لما تكبس بنزين تسمع "كركركرررركر" :?

اول يمين بعد موقف الحي السابع.

محطة توتال إللي في أول شارع الهرم بعد نصر الدين. عدادات البنزين مغشوشة

شل رقم واحد

انا كالتكس كل حاجتها مضروبة :x

انا كل ما احط بنزين في اي واحده منهم العربية بتعمل حاجات غريبة بتعقد ترتعش :(

وتقف بعد شوية ومش بدور تاني ومرة غيرت زيت والفلتر من عندهم ماكملتش اسبوع لاقيت لمبة الزيت
منورة عندي ببص على الزيت لاقيتة لونة اسود وقليل مع اني حاطط 4 لتر ومن احسن نوع عندهم
"دي كانت المحطة اللي في اخر طريق الدائري ناحية شيراتون"

واكتر من واحد بيحصل معاه الكلام ده في البنزين لما يمول من كالتكس

بس احسن بنزينة وبتعامل معاهم على طول هما الوطنية اللي جنب سيتي ستارز

انا مرة حطيت 92 من اسو/موبيل اللى عند داندى مول (بوابات اسكندرية الصحراوى) واداء العربية نزل لمستوى ال90.
فأكيد كان 90 وخاصة انها اتعدلت بعد الملوة اللى بعدها

موبيل اللى فى كوبرى القبة اللى بعد الششنجى علطول
دى فولت منها لقيت البنزين خلص بعد نص المشاوير اللى بعملها بنفس الكمية
غير حماى فضل يفول منها سنين وبعدين راح يفول من بنزينة تانية مصادفة لقى نفسه دافع اقل بكتير والبنزين قعد معاه فترة اطول

انا مشكلتى بقى انى مبفولش الا من كالتكس اللى قدام مصنع بيبسى فى مدينة نصر علشان جنب بيتى
لكن كده حتخلونى ابدأ اجرب امون من حد تانى واشوف فى فرق ولا لا

اقتباس:

---

المشاركة الأصلية كتبت بواسطة Nader

محطة التعاون اللي في الحي السابع، دي بتحط عصير قصب بدل البنزين كل لما تكبس بنزين تسمع "كركركرررركر" :?

اول يمين بعد موقف الحي السابع.

---

هو عصير القصب و حش فى الحر ده؟ :lol: :lol: :lol:

1 - موبيل العروبة
2 - التعاون صلاح سالم عداداتهم ملعوب فيها
3 - مصر للبترول فى الزعفرانة (بيحطوا سماد بلدى بدل البنزين)

طاب كلام ده كلة سليم

ازاي واحد ياخد حقة منهم بمعني هو مافيش رقابة غير انهم يغلوا البنزين بس

احنا لو كل واحد كتب المحطة اللي حصل معاه مشاكل هنلاقي كل المحطات اللي في مصر

فمن الأسهل نكتب المحطات الكويسة بس

وكل واحد يرد لو حصل معاه مشاكل معاهم وكده هيبقى اسهل :arrow: :idea: :|

هو السؤال فعلا مين الجهة اللى بتراقب على محطات البنزين؟ ومين اللى ممكن نشتكيلهم فى حالة حدوث اى مشكلة

مش كل محطات كالتكس وحشة
يعني عندنا في العبور كالتكس ، محطة جيدة أعتقد مفيش غش في البنزين لأني كتير جداً كنت بامون منهم والحمد لله ماكانش بيحصل حاجة (إلا أنهم أكتر من مرة كان لازم يخلوا سوستة غطاء التانك تفوت ويكلفوني مشوار للمأسوف على عمره توكيل أبو الفتوح عشان أعملها)
أفضل محطة على الإطلاق ممكن تمون منها هى محطات "موبيل"
في محطة بعد أول بوابات مصر اسكنرية على اليمين بعد توكيل أبو الفتوح أن مش فاكر اسمها إيه أعتقد إنها التعاون دي قمة النصب ياريت ماحدش يتعامل معها

أحسن تجارب كانت مع شل

عن تجربة شخصية و عن تجارب مع ناس كثير :-
=-=-=-=-=-=

لما باموُن من مــوبيل(أو إسسو) التفويله ممكن تمشينى 300 كم على أقصى تقدير (بعربيتى الحالية)
ولما بمون من شــيل التفويلة بتمشينى من (380 كم إلى 410 كم )

يعنى محطات موبيل بتضرب البنزين أو عدادتها فيها حاجة لكن مش بحس إن العربية بتشرق أو تكركر منها هو الإستهلاك بس إللى بحس بفرق كبير أوى فيه == يصل إلى 100 كم يعنى سرقة علنى و ده جربته فى أكثر من عربية و فى أكثر من محطة

توتال و إمارات مصر محطات محترمة كمان

لكن موبيل عموما إبعد عنها هى و إسسو بنزينهم بيطير بسرعه جدا

طبعا التعاون و مصر إنساهم تماما بنزينهم مش كويس أو التنكات بتكون مليانه صدى

اقتباس:

---

المشاركة الأصلية كتبت بواسطة memo_hefnawy

عن تجربة شخصية و عن تجارب مع ناس كثير :-
=-=-=-=-=-=

لما باموُن من مــوبيل(أو إسسو) التفويله ممكن تمشينى 300 كم على أقصى تقدير (بعربيتى الحالية)
ولما بمون من شــيل التفويلة بتمشينى من (380 كم إلى 410 كم )

يعنى محطات موبيل بتضرب البنزين أو عدادتها فيها حاجة لكن مش بحس إن العربية بتشرق أو تكركر منها هو الإستهلاك بس إللى بحس بفرق كبير أوى فيه == يصل إلى 100 كم يعنى سرقة علنى و ده جربته فى أكثر من عربية و فى أكثر من محطة

توتال و إمارات مصر محطات محترمة كمان

لكن موبيل عموما إبعد عنها هى و إسسو بنزينهم بيطير بسرعه جدا

طبعا التعاون و مصر إنساهم تماما بنزينهم مش كويس أو التنكات بتكون مليانه صدى

---

أتفق معاك يا محمود من الأخر شل أو توتال فقط و دا عن تجربة فى مصر الجديدة و مدينة نصر

موبيل اللى فى جسر السويس أمام فندق السلام قبل دخلة أحمد عصمت حرامية و العدادات ملعوب فيها.

اقتباس:

---

المشاركة الأصلية كتبت بواسطة وائل عطية

في محطة بعد أول بوابات مصر اسكنرية على اليمين بعد توكيل أبو الفتوح أن مش فاكر اسمها إيه أعتقد إنها التعاون دي قمة النصب ياريت ماحدش يتعامل معها

---

دى مصر للبترول. وكان حد كتب عنها ايام كونتاكت وقال انهم بيقولولك العجلة عايزة تتزود ولما تروح ناحية بتاع الهواء لازم تعدى على حته مليانه زجاج مكسر يخرملك الكاوتش
وبعدين يكتشفوا فجأه انك كنت ماشى والعجلة فيها 6 اخرام :shock:

اقتباس:

---

المشاركة الأصلية كتبت بواسطة memo_hefnawy

يعنى محطات موبيل بتضرب البنزين أو عدادتها فيها حاجة

---

موبيل رابعة العدوية كويسة مابحسش بمشاكل لما املاء من عندها

مش هاتحس بمشاكل بس البنزين بتاعهم بيخلص بسرعه --- ده عن تجربة مستديمة لأنى كنت و أنا نازل الصبح رايح الشغل بعدى عليهم فضلت كده لمدة و عادى فروحت مرة و أنا راجع دخلت شل و قد كان الفرق - فى الأول قولت أكيد حاجة غلط جربت تانى و تالث و كمان من إسسو إللى فى البطل أحمد لقيت إن شل إستهالك البنزين بيكون أطول و موبيل و إسسو الإستهلاك طياره !!!! جربت حتى بعربية تانية لقيت نفس الكلام !!!

محطة مصر للبترول في شارع جسر السويس بعد عمارات الميريلاند في إتجاه الألف مسكن (بيلعبوا في العدادات)

اقتباس:

---

المشاركة الأصلية كتبت بواسطة memo_hefnawy

مش هاتحس بمشاكل بس البنزين بتاعهم بيخلص بسرعه --- ده عن تجربة مستديمة لأنى كنت و أنا نازل الصبح رايح الشغل بعدى عليهم فضلت كده لمدة و عادى فروحت مرة و أنا راجع دخلت شل و قد كان الفرق - فى الأول قولت أكيد حاجة غلط جربت تانى و تالث و كمان من إسسو إللى فى البطل أحمد لقيت إن شل إستهالك البنزين بيكون أطول و موبيل و إسسو الإستهلاك طياره !!!! جربت حتى بعربية تانية لقيت نفس الكلام !!!

---

انا فعلا جربت من موبيل ولقيته بيخلص بسرعة عن شل و توتال

اقتباس:

---

المشاركة الأصلية كتبت بواسطة h_hezzah

[quote
دى مصر للبترول. وكان حد كتب عنها ايام كونتاكت وقال انهم بيقولولك العجلة عايزة تتزود ولما تروح ناحية بتاع الهواء لازم تعدى على حته مليانه زجاج مكسر يخرملك الكاوتش
وبعدين يكتشفوا فجأه انك كنت ماشى والعجلة فيها 6 اخرام :shock:
[/size]

---

:lol: :lol:
أنا يا كابتن حازم اللي حصل معايا الموقف دا وأنا اللي كنت كتبت عنه في كونتاكت

اقتباس:

---

أنا يا كابتن حازم اللي حصل معايا الموقف دا وأنا اللي كنت كتبت عنه في كونتاكت

---

ماتبقاش تشرب منها تانى
:lol: :D :P

[quote="h_hezzah"]

اقتباس:

---

ماتبقاش تشرب منها تانى :lol: :D :P

---

حاضر أخر مرة :lol:

أنا رأي أحسن حاجة موييل و توتال

انا ليا تجربه مختلفه لما اروح شغلى فى دمياط بالعربيه و امون من هناك نوعية البنزين مختلفه مع انى طبعا باحط هناك 92 لكن ده غالبا هو ال 90 بتاع مصر لان العربيه بتكون مش مظبوطه و تسقف من اقل شيى لما ارجع و اخلص الزفت اللى حطيته هناك العربيه بيتبقى زى الفل لكن عموما انا فى مصر بامون من توتال و هى زى الفل بصراحه

محطة شيل إللي على طريق السويس (إتجاه القاهرة) عند الكيلو 4.5 المحطة ديه لاعبين في العدادات جامد جدا

انا جربت أحط عندهم بكذا عربية و انا عارف إللي بحطه ده بيعلم فين في العداد ، دائما بالاقي العداد ناقص حوالي 4 إلي 5 لتر ، و مرة تانية لاقيت واحد رجعلهم و اتخانيق معاهم و قالوهم إنتوا حرمية، انا بصراحة بعد ما جربت كذا مرة إتأكدت و بطلت أحط عندهم،

شيل إللي قصادها الناحية التانية (إتجاة السويس) محطة كويسة جدا و محترمة و عداداتهم مضبوطة

موبيل اللي في ميدان فلسطين -المعادي الجديدة--البنزين علية مية--والمعاملة جافة -واسعاراي حاجة في الماركت اغلي من اي بنزينة
كالتكس اخر شارع النصر -المعادي الجديدة عن نهاية النصر مع الاوتوستيراد--البنزين مغششششششششششششوششششششششغ----علية مية واعتقد انها مية مجاري علي مية طرشي==بنزينة عايزة الحرق هي واصحابها لانهم لو مهتمين بيها ماكانش الغش يبقي فيها كدة
-------شل الي في اللاسلكي -المعادي الجديدة--ممتازة-ممتازة ممتازة
شل الي بجوار القرية الفرعونية ممتازة
dr/ehababdelhafeez

انا من اسكندرية، و كنت فاكر ان استهلاك العربية زاد اخر مرة فولت فيها لان التانك عمل حوالى 80-90 كم اقل من العادى :shock: ، لكن من الكلام ده يبقى المشكلة من البنزين انا فولت من مصر للبترول على طريق الحرية فى الابراهيمية و كده تبقى سرقة علنى :evil: ، يا ترى حد يعرف ازاى نشتكى من حاجة زى كده؟؟ :?:

احنا نبعد ميل لمجلة عربيتي نبلغهم بكلام ده

ده الحل الوحيد وتقريبا الإيجابي وخصوصا انهم

ما يصدقوا يلاقوا حاجة يكتبوها :)

• شيل اللى فى المقطم دخلت حطيت البنزين خلص على طووول
  
  ومش بيقعد خاااااالص

اقتباس:

---

موبيل اللي في ميدان فلسطين -المعادي الجديدة--البنزين علية مية--والمعاملة جافة -واسعاراي حاجة في الماركت اغلي من اي بنزينة

---

دى البنزينة دى من المفضلين عندى, انا لما ببقى فى المعادى هى او شل اللى فى الاسلكى

on the run فى اى حتى اغلى شوية, بس هى ده مكان التجمع الرسمى بتاع الشباب فى المعادى الجديدة

انا بحب احط بنزين من توتال اللي في اول الهرم و شايف انها كويسه....
بس استاذ ecybrarian كان بيقول انهم بغشوا في العداد.....بصراحه محصلش معايا قبل كده......و البنزين بتاعهم بصراحه نضيف ....بحس ان العربيه بتكون كويسه عن ما احط من حته تانيه

يا جماعة المحطة الي بتسرق وبتغش مش هتسرق وتغش كل يوم
ومش هتغش كل الخزانات مرة واحدة
لأن دول حرامية حريصين إن العملية متسمعش جامد
فممكن يغشوا أسبوع وأسبوع أو يكون فيه خزان مغشوش وآخر غيرمغشوش أو أي أسلوب حتى لا تنتشر سمعتهم السيئة
وبالتالي ممكن إتنين يمونوا من نفس المحطة وواحد يتغش والتاني يطلع حظه حلو
ونلاقي واحد بيقول المحطة الفلانية حلوة وواحد يقول حرامية والإتنين صادقين وبالتالي تبقى محطة حرامية

انا سمعت ان كالتكس كتير منها وحشه بس الصراحه انا جنبي واحده بملى منها كتير جدا وجربتها بكذا عربيه قبل كده عمرها ماحطط بنزين وحش او قليل او اي غش
لكن انا فاكر مره مليت من توتال الي عند نزلة الدائري مريوطيه ودي مش فاكر ايه اللي حصل بالظبط بس من ساعتها مش بملى منها ابدا حتى لو مفيش بنزين
عموما شل و موبيل في اي حته كويسين ( لما بكون بره بدور على شل او موبيل او وطنيه ) دون انا بثق فيهم في اي مكان

التعاون وكالتيكس الى فى 6 اكتوبر .. وللاسف هما دول مافيش غيرهم داخل 6 اكتوبر .... فى موبل فى مدخل 6 اكتوبر وقبل المحور .. مرة حطيط منها 15 لتر .. حسيت ان العربية بقت 2000 سىسى ...بس دة حصل مرة واحدة

دلوقتى انا بقيت احط 92 ... وبصراحة بحس بالفرق لما احط 92 من شيل ... اى محطة تانية مش بحس بأى فرق