رعشة ( تنميل ) فى دواسة العربية

**astra** · 21-02-2017 03:10 PM

السلام عليكم
ياريت حد يفيدنى للاهمية عندى رعشة ( تنميل ) تحت رجلى اليسرى يظهر عند الضغط على دواسة البنزين حتى وان كانت العربية لا تسير ويزداد التنميل بزيادة الضغط على دواسة البنزين مع العلم بان سيارتى n17 موديل 2015 ولسة فى الضمان ولكن التوكيل بيستهبلوا وبيقولوا مافيهاش حاجة

**فتح الباب** · 21-02-2017 04:58 PM

التنميل العادى والخفيف نتيجة ترحيل بلية الدبرياج على الديسك بواسطة دوسة رجليك وده عادى . انما اللى مش عادى ان التنميل يكون مزعج وواضح لدرجه ملحوظه فهنا اعراض اوليه لتلف بلية الدبرياج او البليه والديسك معا . وفى كل الحالات يجب عدم التحميل على الدبرياج بصفه دائمه . انظر كتالوج القياده

**astra** · 21-02-2017 05:21 PM

يا فندم عملت التجربة والعربية واقفة على وضع عدم التعشيق n ومع اول دوس بنزين حتى لو خفيفة اشعر بالتنميل والموضوع ده بدأ من حوالى شهر فقط

**mummy_47** · 21-02-2017 09:00 PM

ممكن تكشف على قواعد الموتور والفتيس...لان كده المتور فيه اهتزازات بتزيد مع زيادة الضغط على الاكسلاتير و بتنتقل الى الدواسات

**astra** · 21-02-2017 09:35 PM

تفسير مقبول جدا وانا فعلا من يومين ذهبت لعفشجى قريب منى بصلى على قواعد الموتور وقالى الثلاث قواعد كويسين لكن ما ما بصش على قواعد الفتيس . ممكن لو عندك صور توضح اماكن القواعد دى اكون شاكر لحضرتك جدا .... وهل من المعقول ان قواعد تبوظ فى اقل من سنتين و 24 الف كم

**mummy_47** · 23-02-2017 03:37 PM

عموما قاعدة الفتيس لو حضرتك واقف في وش العربية ونزلت تحتها وبصيت اقصى اليمين عند الفتيس هتلاقيها عبارة عن بلية كبيرة مستديرة حديد على كوتش واصلة بين الفتيس والشاسية ...
خلي بالك من فتي الميكانيكية ...طبعا لان قطع الغيار في بلدنا ممكن تكون مضروبة فممكن تبوظ بعد فترة قصيرة ..
ده ممكن يفسر ان الرعشة بتكون عند رجلك الشمال ..
طبعا هذا بافتراض ان كهربة العربية كلها مظبوطة ومفيش رعشة غير طبيعية في الموتور نفسة..(عشان تتاكد..دور العربية وهي واقفة-افتح الكبوت- ركز مع الموتور وحركته وحط ايدك على صدر العربية عشان تشعر بحركة الموتور ..لو اهتزاز طبيعي بنعومة يبقى تمام ..لو في رجرجة اورعشة يبقى في مشكلة كهربة
وابقى طمنا