الموضوع: كماليات السيارة الجديدة

كل نوع و فيه موديلات و كل موديل له كذا اصدار حسب الكماليات اللى فيه
مثلا الميتسوبيشى اللانسر البومة فيها 1300 سى سى و 1600 سى سى ، و مثلا 1600 فيه منه كلاسيك يعنى فيه تكييف و باور و زجاج كهرباء و مرايات كهرباء و سنتر لوك
و فيه هاف سبورت و ده فيه كل الل فات مع عتب و فوج لايت و زجاج حرارى خلفى و فوانيس شبورة و طارة و فتيس جلد و اكر و دواسات الومنيوم
و فيه سبورت و ده يزيد فتحة سقف و سبويلر
و فيه سبورت سوبر اكشن و ده يزيد فرش كامل جلد طبيعى
طبعا كله اوتوماتيك او مانيوال
اما 1300 فتفرق ان الكلاسيك تكييف بس و تزيد الكماليات
مثلا التيسان السنى Ex Saloon تبدأ من تكييف فقط
ثم فول اوبشن و فيها تكييف و زجاج و سنتر
ثم Super Saloon و فيها كل ما سبق مع فوج لايت و نواكل و مرايات ضم
و هكذا كل نوع و مواصفاته و درجة الكماليات فى الموديلات المختلفة

طبعا لم اذكر الكاسيت او الأيرباج أو ABS و ذلك للتفاوت الفظيع فى وجودها من عدمه حسب الأنواع و الموديلات و المعارض و التوكيلات ألخ ألخ

و تحياتى