الموضوع: انا تعبت جدا جدا ومحتار بجد ياريت حد يرد عليا

بصراحه معفش هو هيكون بكام بس انت ممكن تجيبه المانى استعمال خارج و هيبقى زى الفل .
انا اعرف واحد بيجيب عربيات اوبل متقطعه و بتكون معاها حاجتها كلها .لو عايز رقمه و عنوانه قولى او انا اديهولك .معتقدش ان الالمانى هيتكسر لانه اكيد جودته عاليه و نضيف و ممكن تسأل الى معاهم الموديل الى قبل بتاعى (الشكل الى قبله لان قطع غياره المانى).

انا جربته مرتين الاولى زراير الكلاكس عندى اتقطعت سألت فى التوكيل قالولى الايرباج بيتغير نعملهالك فى الضمان بس هتتاخر شويه و لو برا الضمان ب 7000 جنيه روحت للراجل ده ادهالى ب 500 جنيه استعمال خارج المانى .
التانيه الهوايه بتاع الازاز الى ور اتكسرت طبعا ملقيتش فى التوكيل خدتها منه ب 70 جنيه.
اسمه عاشور و رقمه 0126061866و عنوانه و انت جاى من على طريق القاهره اسكندريه الزراعى قبل دفره على طول (الىفيها منصور فرع طنطا )هتلاقى دخله يمين بتاع بلد اسمها اخناواى هو بعد متدخل الدخله هتلاقيه ارض على يمينك و ليها بوابه و هتلاقى عربيات اوبل كتير متقطعه .
بس متروحلوش الصبح بدرى يعنى مثلا روحله من اول الساعه 2 او 3 و بيسهر لحد باليل متاخر.
بالنسبه للامانه و الثقه فهو زى مقلتلك انا جربته مرتين و اعتقد ان اسعاره معقوله و على فكره بالنسبه للعربيه الى معايا و معاك فهى مفيش منها استعمال خارج عشان كده قطع الغيار الخاصه بيها زى الفوانيس او الاكصدام و كده بيجيبها جديده مش استعمال.

يا عم لا شكر على واجب ده احنا اخوات مش كده ولا ايه؟؟؟
ان شاء الله ننجح احنا الاتنين و كل الطلبه .
بالنسبه بقى لمعرض فورملا الاهرام فأنا للاسف اخر ماده عندى هتكون يوم 25 يناير و ده اخر يوم فى المعرض و كمان امتحانى مسائى عشان انا انتساب و هخلص الساعه 4.30 يعنى المعرض طار السنادى و انا مضايق جدا بسبب الموضوع ده

المشاركة الأصلية كتبت بواسطة Hesham256

أكيد كبعاً طبعاً أخوات
خلاص أنا هاصورلك العربيات الافتة للأنتباه أكيد الأنسينيا بس و نبقي نشوف هنشتريها و لا لأ.
و ربنا يوفقك و يوفقك كل الطلبة أن شاء الله

اه يا ريت تشوفلى الانسينيا حلوه ولا لا اصل انا سامع ان صاجها ضعيف هههههههه لو حلوه احجزلنا اتنين و انت هناك و اللون انا عايز اصفر كناريا