الموضوع: مشكله فى موبينه لانسر كريستاله ..العربيه بتبطل وانا ماشى

بسم الله الرحمن الرحيم .
عربيتي بتبطل وانا ماشي
لتاني مره بنشر مشكلتي لاني غلبت خلاص وتعبت
العربيه بتمشي تمام والسحب محترم واستهلاك البنزين معقول
طول ما انا جوه البلد مستحيل مستحيل تبطل
لما اطلع علي طريق خارجي وبعد مشي ٥٠ كيلو
القيها نتشت تنتيشه خفيفه والقي عداد السرعه بيقل
ازود بنزين مسمعش صوت المكنه فاصله خالص
يدوب امورها القي لمبات التابلوه نورت
اقفل الكونتاك ١٠ -٣٠ثانيه وادور تدور وامشي شويه وتبطل تاني وهكذا
جربت لما تبطل ارميلها كاني بزقها
اديها غيار واشيل رجلي من علي الدبرياج تدور بس يدوب شويه وتنتش وتبطل
قالولي دي موبينه
غيرت الموبينه بواحده جديده صيني اللي لقتها
وبرضو استمر نفس العيب
قالولي الموبينات مضروبه وغير الاسبراتير
النهارده روحت جبت واحد استيراد وركبته وتمام
وجرب يا معلم
ولا اي حاجه .نفس العيب
في دماغي فكرتين
طبعا انا هرجع الاسبراتير خلاص
هوصل الاسبراتير والكربراتير مباشر في البطاريه واجرب
لو نفس العيب
هلغي رداخ البنزين واوصل طرمبه مع الكونتاك واجرب

بعد تغيير كام موبينه واسبراتير وكاربراتير وبوجيهات وسلوك بوجيهات وفلاتر ...وهلم جرا ...يطلع عيب رداخ بنزين ..شكرا للاسطى اسامه البحراوى (الغردقه ) والف الف شكر