ياباشا متشكرين على الكلام الجميل
دايما بتحرجنا بذوقك :))
عرض للطباعة
منصور ممكن يلعب فى الشكل(كماليات وخلافه) علشان يسوقها
انما بطن العربية معتقدش انه هيلعب فية علشان يلم نفسة فى المصاريف
محدش يقدر يلعب فى حاجة بمزاجة... دا تصميم ملك شركة GM و محدش له يعدل فيه بدون تصريح منهم
MMamdouh
طيب بتفسر باية ان الدايو كان بينزل ببريلى وبقى بينزل بينزل بجود يير
وبيتهيق ل انه ممكن على كده يعدل نوع الفرامل و نوع الطنابير نثلا علشان يحل مشكلة زى الفرامل الضعيفى اللى فى الانوس
فية فرق كبير اوى بين انه يغير "الصانع" اللى بيعمل القطعة و بين تغيير "مواصفات" القطعة
اللانوس كانت بتنزل بكاوتش كومهو ثم هانكوك ثم بريللى... كل دة عادى طالما المقاس 175/70/13... لو المقاس اتغير بيقى هو دة اللى يعتبر تغيير فى المواصفات
MMamdouh
السلام عليكم يا جماعة وكل عام وانتم بخير
بعد قرأتي للموضوع وتجربت للعربيتي الجوليت 2001
اقدر اقول ان العربية ده ينطبق عليها مقولة good value for money اما بالنسبة للمشاكل اللي كانت معروضة :
1- العربية مفيهاش اي مشكلة في الكهرباء
2- مدام المية في القربة مش ناقصة وترموستات الموتور سليم يبقى العربية عمرها ما حتسخن بل بالعكس العربية حرارتها حتنزل مع الجري على الطرق الطوالي
3- بالنسبة الثبات فانا حلتها عن طريق جنوط اسبور 15 انش وكاوتش 195/50 وحتسوا بفرق كبير في الثبات .:3_3_102[1]::3_3_102[1]:
4- بالرغم من الجنوط الاسبور اللي ناس كتير بيقولوا انها بتبوظ العفشة فانا من 7 سنين معنديش اي مشكلة في العفشة الا من رحم ربي في تغير جلب مقصات وبيض دركسيون مش اكتر من كده
5- الفرامل حلها الاستاذ ممدوح في الموضوع الرائع بتاعة وانا شخصيا في طرقي لتنفيذة
6- اما البنزين فواضح ان مفيش اتنين ملاك للانوس اتفقوا عليه البعض بيقول انه كويس والبعض بيقول ان عالي اذا فهو يرتبط بالتقيم الشخصي للمالك وعلية فهو مش مشكلة ومش عيب في السيارة مع احترامي للاراء الاخرى
انا شخصيا بقول انها انضف من الفيرنا والماتريكس والاسبرانزا وغيرها من السيارات التي في نفس الفئة السعرية.
السلام عليكم ورحمة الله وبركاته
لولا أختلاف الأذواق لبارت السلع
موضوع شيق وجميل وأستفدت منه جداً
جزاكم الله خيراً
بالنسبة لللانوس فدي عربية الطبقة المتوسطة من الشعب المصري، عربية شعبية بصورة ملحوظة.
وبالنسبة لاستهلاك البنزين فالعربية ما شاء الله عليها استهلاكها بالنسبة لمثيلاتها ممتاز.
الحقيقة انا كانت معايا عربية لانوس مو99 فيها كل الكماليات من حوالى 3 سنين و كنت شاريها مستعملة بس ماشية 60 الف بس...الحقيقة كانت عربية نضيفة..ملاحظاتى عليها
1-الفرامل....متوسطة..لازم تكون طنابيرك و تيلك حالتهم كويسة عالطول عشان تفضل متوسطة ولو سهيت عن التيل شوية ممكن تعمل معاك فصول مش ظريفة
2-العزل...هو صحيح مش موضوع كبير بس على حسب الناس انا واحد من الناس مش فارق معايا كتير بس لاحظت انه مش جيد
3-الصاج..على عكس اللانوس 2 انا عربيتى كانت كورى و كان صاجها تقيل و محترم جدا و ده عرفته لما شوفت اللانوس 2 بتاعة واحد معرفة
4- التكييف..ممتاز لا يقل عن الاكسنت حاجه(المعروفة بتكييفها القوى) ومحستش انه بيموت العربية زى الاكسنت
5-الثبات..اخرها 120-130 و انت مطمن بعد كده لازم تبقى كل حواسك فى السكة و العربية بس
6-البنزين..كانت بتعمل معايا 160فى الصفيحة و الرشاشات و الطلمبة بايظين (الكلام ده عرفته من ميكانيكى شغال فى التوكيل) و قالى لو غيرت الاتنين المعدل حيتغير للاحسن بس تجيب رشاشات هيونداى زى ما سبق و اتجرب من ناس كتير فى المنتدى
7-الصالون..مكنتش بحس انه واطى كده الا لما ركبت البيكانتو..عادى جدا كان عندى لانسر كان اوطى منها.
8-اعادة البيع..مذهلة..اتباعت فى اسبوع و بإعلان على النت..اللانسر خدت منى 3 اسابيع
9-خدت العربية فى شهر يناير 2006 بيعتها يناير 2007 و مكنتش عامل فيها اى حاجه غير صيانة ال60 الف و خرطوم بنزين واصل من الطلمبة للانجيكشن و مصرفتش عليها ولا نكلة طول السنة دى غير تيل فرامل
عربية تستحق الاحترام عشان تمنها احسن من امكانياتها..
نسيت اقول انى بعتها عشان زنقة فلوس مش عشان حاجه تانية
السلام عليكم جميعا
انا اول مرة اشترك في المنتدى دة مع اني معجب جدا بالمنتدى دة
انا احب اقول ان العربية اللانوس من افضل العربيات اللمي موجودة في مصر بصفه عامه عربية اعطلها قليله جدا و ملهاش مشاكل انا ولدى معاه لانوس 2002 و من يوم ماشترناها و هي الفرامل بتاعتها مش اد كدة و سعات الدريكسيون بيطلعله صوت لما تيجي تلفه بس احنا رحنا للتوكيل معرفوش يعملوها و في الاخر طلع السلك بتاع الكلاكس هو اللي بيعمل الصوت دة و علجناه و خلاص غير كدة العربية زي الفل و لو حبنا نتكلم على الصاج حنلاقي ان كل العربيات الكوري و الياباني صاجها خفيف العربية ثابته جدا جدا جدا و منواوتها حلوة بمقارنه العربية دى بالهيونداي حتلاقي انها انعم كتير جدا من الهيونداي الاكسل و الفرنا
و عندي واحد صخبي كان معاة لانوس 1 و بعها و اشتري هيونداي متركس بيقولي انا ندمت الدايو احسن منها بكتير جدا