الموضوع: بالنسبة لل mp3 اللى بيتوصل على aux

المشاركة الأصلية كتبت بواسطة MoMohsen

بص يا باشا اغلب الانواع اللى فى السوق صينى ومضروبه بالنار ...ولكن طبعا فية انواع تانية اصلى تحفة بس المشكلة ان اسعارهم عالية:
1-طبعا احسن حاجة هيكون iPod بس المشكلة انه هيكون اغلى من الموبايل نفسه
2-Creative محترم جدا وسعرة هيبقى كويس عن iPod
3- ممكن Sandisk و هوة بردة كويس اوى و هيبقى سعرة ارخص من الاتنين اللى فوق
على فكرة هتلاقى الانواع الصينى المضروب ماليه السوق و سعرها رخيص بس طبعا صوت اوحش و عمر افتراضى قليل اوى

شكرا على افادتك ياباشا. ان شاء الله هنزل اشوف ال creative وال sandisk لانهم ماركتين معقولين فى ظل المضروب فى السوق.

وايه رأيك فى ال mp4 فى احد الاعضاء كان اشتكى منه وبيقول انه ضرب سوفت وقرفه وكدة.

والعضو المحترم اللى رد بعديك بيقول انه جابه وكويس وشيك.
على العموم انا مش محتاج اكتر من ام بى ثرى يشغل اغانى وكدة . مش هحتاج فيديو . لاكن خايف اتدبس فى ام بى فور مضروب.
وارجع اغنى ظلموه

المشاركة الأصلية كتبت بواسطة MoMohsen

بص يا باشا فيه انواع بردة اصلى فى الـCreative و الـSandisk من الـMP4ذى Craetive Zen or Sandisk Sansa بس الفكرة ان انا لو مكانك هجيب Mp3 ماركة محترمة احسن من Mp4 ماركة اى كلام ودة فعلا عن تجربة.انا كنت جبت MP4 ماركة اى كلام وبعد فترة لقيت انى مش هستعملة فيديو و ان شاشتة صغيرة وذى قلتها فقلت يا ريتنى كنت جبت ماركة محترمة من اى MP3.
وعلى فكرة اسعار الكاستات MP3 بقت رخيصة اوى يعنى ممكن تجيب ماركة محترمة بسعر رخيص زى Pioneer او Kenwood او حتى Sony

شكرا ياباشا على متابعتك المثمرة .
عايز اقول بس . ان ال سى دى سيمفونى شغال باور عادى وبيفتح. لكن ال السيديهات فى مشكلة فى شغلها . وانا قررت انى لن اصلحها تانى كفاية مصاريف اوى عليه. فبدل ماارميه . قلت اعملة وصلة من ال auxواشغله ع ال mp3 خاصة انى مش هحتاج اكيوليزر او جى ام لان الصوت جامد جدا عندى . حتى لما كنت موصل ال n73 .
فزى ماحضرتك قلت . بلاها ام بى 4. وبلاها كاست cdجديد مش هستعمله برده لان الاسطوانات بقت كتير جدا . وكل ماينزل شريط جديد اعمل اسطوانات وكدة. فأنا عندى الكاسيت القديم ووصلة ال aux ( وزى ماانت قلت اجيب mp3 محترم بجد حتى لو وصل 200 جنيه)
ويكون ديجيتال بمعنى ان يعرض file . ويكون زاكرته 4 جيجا على الاقل.

منتظر متابعتك للافادة. لانى كنت هنزل اشترى النهاردة قبل العيد. صحابى قالولى استنى هننزل بعد العيد (العتبة) المجال اوسع هناك او (احمد عبد العزيز) .

ولو حضرتك تعرف مكان محترم ومضمون ونوعية محترمة.

ارجوك لاتبخل على .
لان انت عارف الواحد هيشترى مرة واحدة. وعايز ادفع فى حاجة تعيش.

وشكراا جزيلا لك